اللقيط

الجزء الخامس عشر

عزيزي القارء تذكر وياي بالجزء السابق الاحداث الي مرت وابرز حدث هو وكعت حجي علي وصارت حالته الصحيه صعبه جدآ وحرجه
شفنا الموقف الي صار بين هاجر وعامر وحسين بسبب لان جابت لطيف ايشوف ابوه حجي علي
ولطيف كان بحاله صعبه لا اكل ولاشرب شاف الموت بعيون الحجي
وكان الكل كاعد بالباب والهدوء عليهم والحيرة والسكته بعيون الجميع محد يتكلم
دخل الدكتور لغرفة العناية المركزه وبدأ ايجيك بالحجي
لكه دكات القلب تسرع والضغط يزداد والتنفس يصعب
نادة على الممرضين دخلو عليه وشكلو الاوكسجين
ما يرجع معدل التنفس طبيعي جريان الدم يصعب بس ضخ القلب للدم لفك الخثره
وبدأت اليوريا تصعد الى ان ماتت رجليه وبدأ تصعد اكثر واكثر حاولو ايسولوه غسل كلى
طلع الدكتور وصاح ابنه الجبير عامر
اخي ابوك حالته حرجه واليوريا صعدت لازم انسويله غسل كلى
عامر .... اي دكتور سوي الي يطلع بيدك
من رجع الدكتور ... اجو الموجودين كلهم على عامر
ها بشر شنو صار خبرنا شنو كالك الدكتور
عامر ... اخواني الدكتور بلغني الحجي بين الحياه والموت وحالته جدآ صعبه واليوريا صاعده عنده
ولازم ايسولوله غسل كله وراح ينقل الى وحدة غسيل الكلى
وفعلآ اخذو الحجي للغسل الكلى بس مفاد وطلع الدكتور وقال لازم اشوفون ابوكم للمرة الاخيره
ودخلو عليه كلهم والكل يبجي
ولطيف ينظر على عيونه ويباوعله بتمعن ودمعه تاخذه واجيبه
وفارق الحياه حجي علي الى رحمة ربه

شايف شلون اتفارك شخص عزيز وشخص كان الحياه بالنسبه الك والي سوه حجي علي رباه وكبرها وعيشه ودافع عنه ودخله مدرسه رغم كلشي صار وياه بس الحجي كان نعم المربي ونعم الاب ونعمه السند في هذه الحياه
قد رحل وعاف طفل ليس له احد سوى رحمة وعطفه وكرم الباري عزوجل
المهم اجت اغلب الناس من الاقارب والمحبين للمستشفى
وجابو التابوت واخذه الجنازه للبيت
والتمت الناس وصار البجي كل المنطقه بجت عليه والتجار وانسان صاحب بخت وتاجر ومعروف
وكان تشيع مهيب واخذو الحجي للنجف هنا قد كان مثواه الخير هنا هو بيته قبره ومكانه الحقيقي

لطيف كان بالفاتحه موجود ومحد ايباوع بوجه وباليل اينام بغرفته المهم كمل ثلاثة ايام من عزاز حجي علي
وكمل كلشي وطشت الناس
باليل اجه عامر لبيت الحجي وصاح كريمه والبنات كوثر وهاجر ولميعه وحسين وعبدلله موجودين
ولطيف محد دز عليه ولا احد مهتم لأمره
عامر.... البقيه بحياتكم وهذا امر لله وهذه سنة الحياة الموت حق علينا كلنا والحي ابدأ من الميت
واني جمعتكم للتقاسم الميراث وكلمن ياخذ حقه ونصيبه بالحق والعدل
ع
هاجر.... قبل كلشي لطيف لازم يحضر اله حق مثلنا
لميعه.... هذا ما اله ميراث لان مو دمنا ولحمنى ومو منا زين منا ابونا رباه وابونا مات ما ياخذ حصه
حسين... بس بالاسم ويانه والدوله تعترف بالاوراق الثبوتيه الي عنده
كريمه... انتم شنو راح تقررون بخصوص البيت
عامر .... البيت انبيعه والبيوت البقيه كلها تنباع والقطع وكلشي يملكه ابويه انبيعه ونتقاسم الحصص
هاجر.... اذا بعت البيت لطيف وين ايعيش
لميعه... ايطبه مرض معلينه بي
هاجر ... احترمي نفسج وعدلي كلامك
لميعه .... انتي الحنينه والعاطفيه وخلي ايعيش عندك
عامر.... اي خوش فكره انتي خلي اللقيط ايعيش بيتك
هاجر... انتم ما تنطونه حصه من الورث ولا تقبلون ايعيش عدكم وتعرفون انه زوجي مستحيل يقبل بهذا الشي بس المفروض من عامر انته الجبير وايضل عندك وتتكفل بي لحد ما يكبر
عامر ... مستحيل هذا الشي
حسين.... شرط نطيه حصه والي ياخذ حصته هو يتكفل بي
عبدلله ... انه حالتي الماديه زينه وما محتاج اخذ حصتي وما اريد اشوفه
حسين ... انه راتبي قوي وما الي خلك للقيط
هاجر.... انته عامر الي تحب المال واخذه عندك
عامر.... انه اصرف بكيفي بس خلوني افكر واشوف

وهسه الطفل وين راح اينام
عامر ... يبقى بالبيت على ما انبيع كل الاملاك ونصفيه ونطلع فلوس الحجي
وفعلأ بدو ايبعون الاراضي والمحلات والعقارات والبيوت وباعو المجمع وكل ما يملك حجي علي من شي
وطلعو فلو الي بقاصت حجي علي

رجع عامر للبيت وكال لزوجته سميه وهي من اشد عداء لطيف انو صار الاختيار عليه لطيف ايعيش عندي بس حصة بالورث الي
سميه ..... اي خوش لعد نقبل بي بس ابنيه غرفه بالحديقه ممنوع يكعد وياي بنفس البيت
عامر.. اي سهله بس خلي نشتري بيت جبير وكلشي يجرالج حبي
لطيف كان خايف كلش من الي يجري عليه
وفعلآ انباع كلشي والفلوس الموجوده الي عند الحجي وكل واحد اخذ حصته من الورث وانطو حصة لطيف لعامر في سبيل ايعيشه بيته
ومن اشترى بيت جديد عامر واثث البيت واشترى سيارة حديثه وكل واحد راح لطريقه
واجه لطيف لبيت عامر
تعال ولك هذه غرفتك
الغرفه عباره صغيره كلش وبالحديقه الخلفيه وبيه حمام وتواليت
سكن بيها لطيف جنب هذه الخبيثه سميه وكان خائف ولا يتكلم
اجه اليل هو صافن وايكول ياربي انه ليش هيج ايصير وياي شنو ذنبي هيج اعيش وهيج سكن اخذو حصتي وكرامتي وكلشي مني وين اروح والليل كله هو بس يندب حظه
واجه الصبح محد انطاه ريوك لبس ملابسه وراح للمدرسه ولا بجيبه مصرف وكان بس يقرأ
لان صار صف ثالث متوسط  وكان مجتهد
جدآ بس من يرجع للبيت سميه اتخليله الفضاله مال الطعام
ونفس الوقت اتسمعه كلام جارح من الفاض نابيه
هو ساكت وما يجحي
بدأ يتألم حيل الانسان مشاعر اذا تعب وانجرح راح يتحول لا الم يولد طاقه سلبيه عنده بسبب الحزن الكثير لطيف مشاف الظحه ولا فرح بشي من عمره
وكان متفوق بدراسته ويقرآ ويطلع درجات كامله
بس ايعاني من كلام الطلاب ايعيرونه بالقيط وحتى اكو شباب بالمنطقه هيج ايصحوله هو ما يطلع
بس تجي هاجر اجيبله مصرف واكل وملابس لان تدري سميه تكره وتعامله معامله قاسيه لو هاجر لهلك لطيف
بس لله ما يترك احد
وهاجر هي اتوصيه دراستك هي سلاحك خلاصك من سميه بشهادتك تدكر توصل وتثبت للكل انته ناجح وهما الفاشلون وضلت اشجعه وترفع معنيوات
وتكله فلوسك ضمهن بمكان بعيد لان هي اتبوكهن

بس عامر اتمر ايام ما يسئل عليه  لا ايشوفه واصلن ايريد ايطلعه من البيت
بس زوجته اتكله خلي اريد اكرها بالعيشه كم سنه هو وحده يطلع
لان مرات يجي من الدوام يلكه غرفة موصخينها خطيه ايضل اينضف اكله مو شي
مرات يجي يلكه ملابس وصخه او شاكينها يرجع يغسل ويخيطها صارت عنده صبر وهدف بالحياه رغم القسوه الي ايعيش بيها
لا ام عنده لا ابو
لاخو دم ولحم يشكي همه الى الله لان بس هو الي ايسمعه
لطيف عايش بعذاب وي سميه لا يكدر يقرأ من اينام ادز جهالها ايشمرون الماء الوصخ عليه هو نايم
اصعب شي من الانسان بداية عمره  وهيج ايعيش
واذا انجمعن سارة ولميعه وسميه بس ايخططن شلون ابعذبنه
وساره .... لازم ما ايكمل دراسته
لميعه..... ما انريده ايصير شي بالمستقبل
سميه... احنى منطي مصرف ولا ملابس وحتى كتبه ودفاترة انشككهن هو هسه ايمل وايبطل
لميعه.... لازم انخلي يترك الدوام خلي انجهز خطه جديده مهما كانت الاسباب

يا ترى شنو الخطه !! وهل تنجح لو لا