اللقيط

الجزء التاسع والعشرين

مسائكم ورد

قلم

🖋

الكاتب احمد الخفاجي

*************************

دخل عامر للفرن بس كانت اعصابه منهارة
لك صلاح شتسوي هنا
صلاح كان كاعد على الكرسي وكدامه ميز
صلاح بكل برود اشتغل هنا
العمال كانو متفاجئين ليش هذا الرجل دخل للفرن وايصيح بصوت عالي

عامر 》شنو هذا الي ضامه عندك
صلاح 》لا تصيح ولا تعلي صوتك لا اشبعك نعل فهمت لو لا وتفضل اطلع برا
عامر》 انته تغلط عليه مو ال اشتريك واشتري عشيرتك
صلاح 》 بس اريد افهم شتريد جاينه للفرن
عندك شي وياي تطلبني بشي
عامر 》 لطيف انته مختله بالفرن اني شفته دخل للفرن
صلاح 》 انته بيك شي شارب شي
اصلن محد اجانه حبي انته تتحلم
العمال 》 اخويه انته سكران او تتحلم محد دخل للفرن وهذه غرفه وحدة بالفرن اتريد دور براحتك

عامر ضل لا ياخذ ولا ينطي دنك راسه وراح للسيارة مالته
شغله ورجع للبيت

صلاح 》 لطيف انزل ضيعنا السالفه عليه
العمال 》 شيريد من لطيف هذا
صلاح 》 سالفه طويله لدوخون روسكم بمواضيع ما اله اول ولا اله اخر
العمال 》 هذا مو صاحب المجمع الي كنت تشتغل بي

صلاح 》 اي هو وهم لطيف كان يشتغل عنده هذا واحد نذل وطماع وما يحمل ذرة من الشرف

نزل لطيف بس كان خايف جدآ من عامر

صلاح 》 شبيك خايف
لطيف 》 خاف ايسولي شي اعتقد عرفني وبعد يشخلصني منه

صلاح 》 كافي لطيف سد الموضوع باجر جمعه انزل للبيت واريدك تمشي وياي

رجع الشغل بالفرن كأنه مصار شي
وبدأ العمال تقوى علاقتهم بالطيف
بس كان حذر منهم

عامر وصل للبيت بس كان ما يعرف شنو يحجي بسبب الموقف الي وكع بي بالفرن واستهزاء صلاح بي

اجته سميه ها حبيبي تابعت الموضوع مال هذا الي يشبه اللقيط

عامر 》 اليوم صارت قصه طويله اني لحد الان مصدوم وما اعرف شنو احجيلج

سميه 》 يا ستار ياربي خوفتني احجي يمعود
عامر 》 اني تابعت هذا الي يشبه اللقيط
شفته طلع من المدرسه شغلت سيارتي ورحت وراه كان اكو فرن قريب على المدرسه
شفته دخل للفرن
اني ضليت حاير شيسوي دخل للفرن عبالي يشتري صمون
اشو دخل بس ما طلع
بس تدرين منو شفت بالفرن

سميه 》منو شفت

عامر 》 شفت العامل القديم الي كان يشتغل عندي صلاح ودخلت عليهم للفرن بس صلاح كام يغلط ويجاوز عليه
سميه 》 عزه بس لا اللقيط بعده عدل
عامر》 اني اتحلم اعتقد عايش بوهم لان اول مره اقتل بشر واذا تريدن اخذج للمكان الي قتلته بي