السلام عليكم ورحمة الله وبركاته
بقلمي
🖋
الكاتب احمد الخفاجي
----------------------------------------------------------
لطيف ينظر الى سقف الردها متمعن وحزين لايعرف ماذا يفعل واي قرار يتخذ هناك بعض المرضى الراقدين في هذا المكان المملل الهدوء يسود المكان
الكل يعاني من المستشفى ولكن النوم فيها لابد منه
لطيف هسه انه شنو اسوي وين اروح اذاطلعت من هذا المكان زين صارلي فترة غايب هل فصلوني من الدوام؟؟
اوف لازم امتحانات الشهر الاول بدأت
وأذا عرف بيه عامر او اي احد شافني من العائله
شنو التدابير الي اسويه
انه ما اعرف اسوي شي .... عجزت عن ايجاد حل لنفسي من هذه الورطه التي وقعت فيها
لازم افكر في حل سريع .... يخلصني من النفق المظلم
ومن شر هؤلاء الاحبه
اني احبهم مهما كان فعلهم بس عشت وربيت وياهم واكلت من خيرهم.... يبقون هم ملاذي الوحيد
ياريت عشت وياهم .... بس الله يهديهم
كانت الايام تمشي يوم بعد يوم ولطيف ماعنده حل لنفسه هو يخاف ينكشف امرة من عامر وشره
وكان عبد ال توبه مهتم بحال لطيف ومتكفل
بعلاج والاكل وكل المستلزمات الي يحتاجه لطيف
في المستشفى
بعد يوم واحد يجي الطبيب المختص يكشف عن حالة لطيف هو راح ايقرر خروجه او لا
بس جرح الجسد يلتئم ويطيب وحتى ينساه
بس الجرح الي بل كلب عمره مراح يتعالج
ولا ينمحي من الذاكرة
لمعيه ::: الووو سارة شلونج
سارة ::: هلو بيج لميعه اني بخير وسعاده انتي وين ما وين صار فترة ماكو
لميعه ::: الحمد لله عايشين بهاي الدنيا اي كطعت منكم لان محد يسئل عليه
سارة ::: غير انتي الخيمه والاخت الجبيره شعدنا غيرج
لميعه::: يمه منج ام اللسان شكد مكروه بس لسانج اينكط عسل
سارة ::: فدوه لكلبج غير نتعلم من حلاوة السانج
لميعه ::: عوفينه من هل الكلام باجر اريدج تجين يمي وهسه هم اخابر سميه ارنريد ننجمع ونشاوف
سارة ::: اوكي اجي باجر إنشاء الله
لميعه ::: اي فدوه لعينج مو تنسين
من سدت الاتصال لميعه صفنت سارة ضلت اسولف بينها وبين نفسها
شكو من خطه جديده وهذه شتريد مني لازم هي وسميه متفقات خلص الدور مال اللقيط
اجاني الدور
اكيد ايريدن ايورطني بسالفه جديده
بس انه سلاحي العمل اله اسويلهن سحر
اهجم بيوتهن عليهن
بس مجرد ايفكرن بتدميري
اجعل لياليهن بيض ونهارهن اسود وانه بنت امي
من كملت لميعه من الاتصال وي سارة دكت على سميه
لميعه::: الوووو سمسمه
سميه ::: لج هلووو بالغاليه هاي وينج صار فتره لا تجين ولا اتخابرين خاف خلصن خططك
أنت تقرأ
اللقيط
Fiksi Umumهذه القصه تتكلم عن حياة هذا الشاب اللقيط وكيف تكون معاناته التي يعيشها بين غلطة الاباء وشهوتهم وحقد المجتمع الظالم عليه بدون اي وجه حق او رحمه قد يكون هو مسؤل عن هذه الجريمه اتمنى ان تعيشو احداث مشوقه مع هذه القصه التي سوف تنال اعجابكم
