السلام عليكم ورحمة الله وبركاته
وياكم الكاتب احمد الخفاجي
بعد تغير عامر تجاه لطيف وصارت معاملة حسنه واسلوبه تغير صار يسئل على لطيف وينطيه فلوس وكلام حلو ولطيف مصدك هذا الشي والعمال فرحانين لان خطيه لطيف كلش تعذب من عامر بس عامر خفى الحقد والكراهية بكلبه ما بين على نفسه انه عنده مكيدة الى لطيف
ولطيف الشاب المراهق الي صار عمره ١٦ سنه فرح لان ارتاح وخلص من الضرب وصار عنده مصرف ويطلع يتمشه وي العمال بس كان مشتاق للدوام لان حرامات اتروح عليه سنه والدراسه الاعدادية تختلف عن المتوسطه لطيف اشترى ملابس للدوام ودفاتر وملازم
واقلام وجهز نفسه واخذ وثيقته من المتوسطه الى
الاعداديه القريبه عن المجمع وسجل بالصف الرابع علمي للسنه الدراسيه ٢٠١١ __ ٢٠١٢
اجه لطيف الى عامر وترخص منه ان الدوام بدأ عامر سمحله ان ايداوم
ولما صار الليل وكعدو على العشى والعمال وخصوصآ صلاح لازم اشد حيلك مثل ما تفوقت بالثالث انريدك بارابع من الاوئل وكانو ايظحكون وسوالف وضحك
لطيف رجع للفراش وخله راسه على المخده وفكر ليش عامر تغير عليه بس الحمد الله من تغير اهم شي اداوم
بس خايف من الايام احس الزمن ضام لي شي جبير
احس اكو كابوس مزعج ما ايخليني ارتاح وغمض عينه ونام
كعد الصبح لطيف تريك وكمل وبدل الملابس الجديده هو ابيض والعيون خضر شافه صلاح قال.. تبارك لله ماشاء لله ربي يحرسك من العين ما صلت على النبي
ضحك لطيف هههههه صلاح شسالفه لاتخليني اصير مغرور
صلاح ::: الله وياك توكل اخويه الصغير محروس
طلع لطيف يمشي دخل للمدرسه وطبعآ صديقه قيس سجل بغير مدرسه بس ضلو على تواصل بالموبايل
صف وطلاب كولهم جدد بس اكو بيهم ايعرفون لطيف بالمتوسطه كان اول يوم تسليم كتب وترتيب الشعب
وصار لطيف بشعبة الرابع ج كان بيه عدد كبير من الطلاب وثبتو جدول وصارت الحله الساعه ب ١٠ ونص
كان قريب على الاعدادية الي ايداوم بيه لطيف ثانويه
اهليه للبنات وصادفت هم عنده حله
كان لطيف يمشي وحده ومدك وفرحان بالكتب وصل لطيف قريب على المدرسه تعرفون مدارس البنات اغلبهن خطوط نقل اجت سيارة حديثه صاعدت بنيه بالصدر ورجال جبير ايسوق بيها صارت عين البنيه بعين لطيف هي دنكت هو دنك
بس رجع كلبه ايدك بسرعه وصار عنده احساس غريب اول مرة ايحس بهيج شي المهم ما فكر رجع تغده وصلى وبدأ يشتغل ومن اجه عامر سئله داومت اليوم
لطيف شكره لان ساعده وقبل ايخلي ايداوم
باليل فتح لطيف الكتب وبدأ يقرأ وايشوف المواد الدراسيه ويتفحص الكتب لحظه اجه على باله موقف اليوم واجته شكل البنيه على باله بس ما يعرف هذا الشعور لان ما مر عليه من قبل
رجع نام وكعد الصبح على نفس المنوال بدل كمل وراح للدوام بدأ الدرس الاول كانت لغه إنكليزية وكان لطيف من الطلاب المتميزين في هذه الماده وكان زميله كاعد نفس المقعد مع اسمه رعد وهم من غير منطقه
بس تعرف عليه وكان لطيف يعرف يتعامل وي الطلاب والدروس الباقيه هو متميز بيها
وحتى طلاب المتوسطه الي ايعرفون قصه ما يحجون
لان صارو اعداديه واكبار وفشله الحجي بهيج مواضيع
بس نضرات البعض من الطلاب بيه غدر وحقد وطبقيه
أنت تقرأ
اللقيط
Ficción Generalهذه القصه تتكلم عن حياة هذا الشاب اللقيط وكيف تكون معاناته التي يعيشها بين غلطة الاباء وشهوتهم وحقد المجتمع الظالم عليه بدون اي وجه حق او رحمه قد يكون هو مسؤل عن هذه الجريمه اتمنى ان تعيشو احداث مشوقه مع هذه القصه التي سوف تنال اعجابكم
