السلام عليكم ورحمة الله وبركاته
وياكم الكاتب احمد الخفاجي
الكل الي متابعين القصه من البداية ايعرفون شكد الحقد والكراهية الي شايلاته نساء العائله على لطيف من بداية عمره من كان حجي علي وزوجته على قيد الحياه وحتى وصل بيهن الحال ايقتلن لطيف بس ما كدرن اكيد ارادة رب العالمين اقوى من كل شي
بعد كل المحاولات السابقة التي فشلت قررن شلة النساء ايحرمن لطيف من الدراسة لكي لا يصبح ذو شهادة عالية واله مكانه واحترام بين الناس لان الانسان اذا راد يوصل ويعلى اكيد من خلال شهادة الدراسيه
عامر نعرف بي موضف قديم وراتبه جديد جدا وحصل نصيبه من الورث ونصيب لطيف صار عنده اشترى بيت جديد وسيارة حديثه وفتح مجمع جمله غذائيه كلش جبير وبي ٨ عمال اله ايكدرون على الشغل
بعد ما اقترحن النساء الحاقدات على سميه ان اطلع لطيف من البيت واتخلي عامر ايبطله من الدراسه ويشغله بالمجمع وينام اهناك وتخلص منه بالبيت وبعد ما اشوف وجه لطيف
من رجع عامر من الدوام اجته زوجته سميه
سميه: شلونك حبي احظرلك الغدة
عامر: هلا بيج اي ولله كلش جوعان
سميه : بس غير ملابسك تلكه الغده جاهز
عامر: اي عاشت ايدج على هل اكل الطيب شلونهم الجهال اليوم
سميه: شكرآ حبي شعندي غيرك اله اسويلك اطيب الاكلات الجهال اجو من المدرسه والبنات هم اجن وتغدو ونامو
عامر:: والقيط وين صار فترة مشايفه
سميه: اي اجه ونام اصلن يتكبر ولا ايلقد انه
عامر:: شبي يغلط عليكم خلي اكوم اقتل
سميه :: ياريت شويه اتأدبه لان قبل قترة غلط عليه وما كلت الك
عامر:: ليش ما اتكولين اليه كاعد بيتي وياكل بخيري ويغلط عليج
طلع عامر معصب لك اللقيط وينك اكعد
خطيه لطيف ما يعرف شنو الصاير
طلع لطيف:: نعم
عامر :: ليش تجاوز على سميه
لطيف:لاولله ما مجاوز
عامر شبع لطيف كتل ما خله يندل حلكه من الضرب وكسر غرفته وطشر كتبه وطلع
اجته سميه القيط ادمر عيشتك وتفلت على وجه لطيف ومشت
لطيف ضل الدم اخذه والألم دمرة وبس يبجي
يارب مو عيشه هذه وين اروح لا الي اقرباء لا عم لاخال ليش انه من دون البشر هيج مضلوم الله اكبر على الضلم
رجعت سوره فرحانه واتصلت بيهن وفرحن وكالت باليل اكول الى عامر ياخذه للمجمع واخلص منه شبعت ذل ابن الحرام
بعد ما راح عامر للمجمع اجه باليل وتعرفون هذه الخبيثه سميه كلتله ما اريد لطيف بيتي هل ابن الحرام ما اريد اشوفه
عامر::: وين اوديه مو قبلت اعيشه ويانه بشرط اخذ حصته من الورث
سميه:: مو اخذنا الفلوس وهذا ابن حرام كلشي يطلع منه مبقي ويانه شكو .. وتالي من ايسوي شي بالعائلة تتندم اني احذرك لان بديت اخاف منه اذا تبقي ويانه بالبيت اني اطلع لو اني لو هو
عامر:: وين اودي لازم اتصل على اخواني ياخذو
سميه:: منو يقبل ياخذه مو انته اخذت الفلوس عندي فكرة انته مو عندك مجمع جبير اخذ اهناك يشتغل
عامر :: مو اني عندي عمال ٨ وين اخلي وما اله امان ما اثق بي خاف ايبوكني
سميه:: انته مو عندك عمال اينامون بالمجمع خلي اينام وياهم وهمه ايراقبونه الك
بس اريدك اتبطله من المدرسه
عامر:: صار ابطله وانطي يوميه قليله فدوه لعيونج حبيبتي باجر جمعه واخذه
ومن صار الصبح اجه عامر للطيف هو نايم وياه الخبيثه سميه وكان خائف لطيف
عامر اخذ الكتب حركه ولطيف ايصيح لا لا ولله حرام عليك كتبي
عامر::: بعد منا وهيج ماكو مدرسه لم هدومك اتروح وياي للمجمع وتنام اهناك
سميه تظحك متونسه
ولطيف:: ما ابطل ولله حرام اشتغل من الصبح لليل بس ما اترك المدرسه
عامر:: لك لقيط كتلك تبطل يعني تبطل
لطيف بعد ما باليد حيله هو ثالث متوسط وذكي حرام هيج ايصير بي
راح لطيف وي عامر للمجمع صاح عامر هذا عامل جديد
وينك صلاح تعال سويله مكان يمكم وعلمه للشغل
صلاح عامل من منطقه ريفيه ويشتغل وي عامر بالمجمع هو ايدير الشغل
بس عامر كل للعمال احذرو منه وخلي عينكم عليه اي شي ايسوي كولولي
وصلاح شاب عمر ٣٢ سنه بس انسان طيب ونظيف
اخذ لطيف للغرفه كله ارتاح
وعامر راح يتغده
واجو العمال للغرفه تعرفو على لطيف
كالو بعدك اصغير اجابك على هذا الشغل شكل مو مال تعب الهم تغده وكمل وبدأ يشتغل
واجه الليل كلهم انه اخو عامر وهذه قصتي
انقهر صلاح على لطيف
وضل لطيف بالشغل اسبوع وغايب عن المدرسه ولما سمع بي قيس من جهال عامر اجا للمجمع
قيس::: شلون لطيف ليش بطلك عامر ولله حرام
لطيف:: شسوي بعد هذا حظي من الدنيا وشكرآ لان اجيت عليه وذكرتني
قيس ::: غير انته اخوي وانه اعزك
وضل سوالف وراح قيس
بس كله لح عليه بلكي ايرجعك للمدرسه
وصار اكثر من اسبوعين لطيف غايب عن الدوام وراح ينفصل
الى اجه لطيف لصلاح
لطيف؛؛؛ صلاح انته صرت مثل اخوي بس اريدك تحجي وي عامر ارجع اداوم بالمدرسه
صلاح ::: عامر صعب كلش واذا كال لا لا وانه اخاف على شغلي خاف ايبطلني
لطيف :: انه مو يوميتي ٥٠٠٠ خلي ايسوهن ٢٠٠٠ بس اداوم ولله حرام انه ثالث بس اخذ شهادة الثالث
صلاح :: هسه يجي واكله روح كمل شغل
لما اجه عامر العصر ...صاح لك صلاح وينك
صلاح :: نعم استاذ
عامر:: شلونه الشغل
صلاح::: هذه القوائم جاهزه تكدر ادقق بيها بعنا بسعر هلك واشترو ناس خير من لله وهذا الوارد كدامك احسب استاذ واذا تلكه نقص كلي
عامر"""" هسه اجيك .. بس لطيف شلونه بالشغل
صلاح ::استاذ انته تعرفني ما اجامل وشايف شغلي
بس ولله حباب وخوش ولد ويشتغل
عامر ::: اهم شي يشتغل بسرعه
صلاح ":: استاذ بس ليش بطلته حرمات هو ثالث متوسط وذكي ليش ايروح مستقبله خلي ايداوم
عامر:: اريده يشتغل يتعلم
صلاح ::: انته مو تنطي ٥٠٠٠ سويهن ٢٠٠٠ وخلي ايداوم يشتغل العصر لليل
عامر ::: هااا لعد بس ٢٠٠٠ خوش خلي ايداوم بس اي شي ايصير احملك المسؤليه يا صلاح
صلاح بشر لطيف وفرح لطيف وتقرض من صلاح واشترى كتب وادوم بس محد مهتم اله بس دزو عليه الإدارة ورجع للصف وفرح قيس برجوع صديقه لطيف للدوام
وبدأ يشتغل وباليل يقرأ وكان وقت ماعنده ايضل يشتغل لل ١٠ باليل ويقرأ من ١٠ لل٢ وكام شاد حيله لان ثالث متوسط وكمل نصف السنه ونجح بيها واجت العطله الشتويه اسبوعين كان مندمج وي العمال كأنو هذا الشغل اجاه رحمة من لله لان خلص من ضيم سميه
وبدأ الفصل الثاني ورجع الروتين اليومي شغل دوام اقرايه والتعب ماخذه وفلوسه قليه بس اهم شي يشبع اكل صار كم سنه خلصه جوع
ودخل بكلوريا وانطوهم عطله قبل الامتحانات للصف الثالث المتوسط هو يقرأ بيها بس عامر ضغط عليه بالشغل في سبيل ايخلي يرسب
وبدت الامتحانات وكمل لطيف
وطلعت النتائج بالنت وطلع ناجح ودرجاته عاليه رغم التعب والشغل والضيم
الطالب من ينجح من البكلوريا تفرح بي اهله وناسه وجكليت وفرح وهلاهل لان الثالث صعب
رجع لطيف كان يتمنى اب يفرح بي ام اخ اخت بس محد سئل كلمن ملتهي بالدنيا مالته
ارجو تصويتكم على القصه
أنت تقرأ
اللقيط
Ficción Generalهذه القصه تتكلم عن حياة هذا الشاب اللقيط وكيف تكون معاناته التي يعيشها بين غلطة الاباء وشهوتهم وحقد المجتمع الظالم عليه بدون اي وجه حق او رحمه قد يكون هو مسؤل عن هذه الجريمه اتمنى ان تعيشو احداث مشوقه مع هذه القصه التي سوف تنال اعجابكم
