اللقيط

الجزء الثاني عشر

كل دخول شخص جديد على العائله راح  يأخذ فترة اله يندمج مع الاحداث والنفسيات ويعرف الناس وكيف يتعامل مع الامور واهل البيت هم ياخذون فترة على نفس الاحداث وبدأت حياة كريمه مثل اي ست جديدة دخلت على بيت عيالها وكانت جيدة بالتعامل وي لطيف وهاجر على كامل وجه والحجي ارتاح اله وانطاها صلاحيات اكثر من حجمها وبدت شويه شويه اسيطر على البيت وتتحكم بالامور وبدات تتعرف على الجناين وعلى بنات الحجي المزوجات وخصوصآ لميعه وبدأن يقرن براسه وكشفن حال لطيف هيه انصدمت من هذا الموضوع وبدت تاخذ حذرها من الطفل ومرت ايام وايام ولطيف عايش بوحدة حتى الحجي ملتهي بالشغل عنه صار الطفل ذو ١١ اعوام ايخاف من الشارع وايعاني بالمدرسه وبالبيت كذالك حاله منهار بس ساكت وما ايعرف ليش الناس مبتعده عنه ونظرتهم غريب وهسه بدات زوجة ابوه اسمعه نفس الحجي واتصيح عليه اللقيط وتحجي كدام الحجي عليه بس الحجي ميقبل بس اتكله وكح وسوه هيج وهيج والحجي يزعل منه بسبب كلامه كريمه وبدأت تحفر جوة هاجر  بس اتريدة تزوج وتستقل الوضع اكثر بس هي غيرت الحجي على بنته هاجر وصار ما ايطيقه وبدأت اتريد املاك  وتريد افلوس لان تعرف الحجي راح ايموت وخاف حصة من الورث قليله ومرت الايام وهي بس اتخطط وتفكر شلون تأخذ كل الاملاك من الحجي بس وجود هاجر عاق امامه لازم تزوج وبدأت تبحث عن زوج لهاجر شرط خلاصها منها راح اتسيطر وتلعب بالحجي لعب بس وين تلكه زوج لهاجر رجعت لبيت اخوها وراح هي وزوجت لشيخ للبيت وحده خطابه وانطت صورة هاجر للنسوان وهذا العنوان البنيه   حبابه وابوها طاك وعنده فلوس ولحد الان محد اجاه يخطب اخذت الصورة لخطابه ومرت فترة من الزمن واتصلت الخطابه على كريمه  لكيتلج ناس وشوفتهم اصورة بس ام والولد اتريد تتلتقي بيج عندي تعالي باجر
فعلا راحت كريمه والتقت با ام الولد هو طبعآ جبير بالعمر ومزوج ومطلك بس ما عنده جهال وهي ضاله بس راح اجيكم للبيت الحجي ونسولف افضل قبلت كريمه
واجت ام الولد لبيت الحجي وشافت هاجر وهاجر حست بالموضوع من تدبير كريمه  ولما طلعت المرأه وكريمه كالتله اكل للحجي واتصل عليج
واجت هاجر لكريمه شنو هذه المراه خطابه الي كالتله كريمه اي اريد اخلص منج التفت عليها هاجر ما ازوج يا حيه انتي طلعتي داهيه اتريد اتخلصين مني ويصفالج الجو وي الحجي وتاكلين الاخضر واليابس
ضحكت كريمه اي العب لعب واسحك على راسج يا غبيه انه الحجي محبس بيدي
ولما رجع الحجي كالته كريمه انو خطابه اجو لهاجر من هيج ناس صاح الهاجر وكالتله ما اوافق زعل الحجي كالها ميصير تبقين هيج بجت هاجر ولطيف وين ايروح كالها امه كريمه موجوده كالت هاجر هذه ما اتحبه هذا ادمره الحجي محد يكدر ايدمرة واني موجود باجر اسئل عل الولد واجمع اخوانج وانوافق وراح وسئل  على اهل الولد وعليه هو  ومن جمع اخوانها وافقو وفرحو
واتصل كريمه على ام الولد وكالتله وافقو ويمته يجي ايشوفها وفعلآ اجه شافها  واقتنع بس هاجر تبجي ومقهوره ودمعته على عينها ومشى خطيبها عادل عمره ٣٨ سنه رجال موضف بس هاجر ما مقتنعه بي
من خلصت الخطبه لطيف انهار كال هاجر راح اتعوفيني وحدي منو ايضل وياي اعيش وي هذه النسره كريمه فدوة هاجر لا تعوفيني
بجت هاجر وضلت تلطم على نفسه انهارت على حال الطفل لان خطيه وين ايروح بس الحجي مقبل هيج اسوي بنفسه وكانت كريمه فرحانه من صارت الخطبه لان سيطرة على كلشي وبعد كم شهر عدت ازوجت هاجر زفوها غصب والدمعه على الخد والخطار مكسور هم يتيمه بلا ام وهم كاسر ظهرها لطيف وراحت لبيت زوجها عادل ومن شافها عادل كالها  مغصوبه على الزواج انتي كالت اي وعفت اخوي وحده بالبيت كالها هذا مو خوج واعرف قصة لقيط هذا بس ميصير اسوي بنفسج هيج بس كان زين وياها
من يوم عرس هاجر ضل لطيف لا اكل ولاشرب شاف الموت وضال وي الحجي ما ايعوفه ابد لان كانت عطله صيفيه وكان ايخاف الطفل من كريمه لان ما يكدر يتعايش ويها غريبه عليه وحاقدة وتسمع كلام الجناين وبدن يجن عليه ويعلمنها اكثر  اكثر وبدأ عذاب ومعانات لطيف بالحياة لان اقرب شخص اله هاجر وراحت عنه منو ضل بس الحجي ومشغول ٢٤ ساعه منو ايقريه منو يغسل ملابسه منو يهتم بي من يكعد ايسولف وياه
اصعب شعور على الانسان لمن ايكون وحيد لا صديق ولا قريب ولا بعيد لا احد يسئل  ولا ام والحجي مشغول شعور صعب وحقيقه ايهز النفس والكيان وصعب ايكون التحمل ومرت  الايام وصار بالسادس ابتدائي وبدأ يفهم
اول شي سوته كريمه ما تغسل ملابسه هو يغسل وساكت اكل ما تنطي الثلاجه قافلته والمفتاح عنده ولو اجه الحجي اسوي نفسه تبجي من لطيف معذبه يرجع الحجي يحجي عليه هو يسكت ما يتكلم بشي وي ابوه الحجي لان ما عنده شي يتكلم بي ولا يكدر ايدافع عن نفسه امام مكر هذه وخداعه ولا يكدر ايكول اغسل اهدومي وبيدي ولا ما تنطيني اكل يتحمل الجوع والحرمان والضلم
شنو من مرأه ضالمه واتعير بالطفل اتكله انته هذه قصتك وهيج لكوك وما الك اصل وانته ابن حرام
ينصدم وينجرح ويذكر كلام الاطفال وبدأ يكره نفسه
ياربي انه ليش هيج ايصير وياي وبدأ ايفكر انو ايموت
وكمل السادس وطلع الاول على المدرسه
وراح للاول متوسط هو ايعيش حرمان من كلشي بالبيت من جوع واهانه من زوجت الحجي بكل معنا الكلمه كيف راح ايعيش وي مراهقين بالمتوسطه اتكون الحياه اصعب من الابتدائيه لان كبر وفهم ودخل اسلوب جديد وبدا يعرف نفسه

يتبع