السلام عليكم ورحمة الله وبركاته
اسف لان تأخرت عليكم بكتابة هذا الجزء
النجاح بالدراسة شي عظيم وخصوصآ مرحلة البكلوريا كل الناس تتعب وتصرف كل شي في سبيل حتى يوصلون وابناها في طريق التفوق و العبور والنجاح من مرحلة الى اخرى الى ان يكملون الدراسة ويحصلون على شهادات عليا ومن ينجحون كل العائلة تفرح والاقارب والمعارف والاصدقاء
حال لطيف
عندما استلم نتيجة النجاح من الصف الثالث المتوسط
بس قمت الالم ان اجيب الشهادة ومحد منتظرك لا ام ولاب
قمت المعاناة ان اتريد تفرح ولا احد يفرح وياك ويشارك وياك الفرح بالنجاح
قمت الخذلان عندما لا احد ايبارك بنجاحك ويحسسك انك سويت فد انجاز
هذا معناة وبكلام او بالكتابة اتكون اسهل ولكن هي امر من المر
عندما يستدعون اولياء الامور لطيف ماعنده ولي امر ايجيبه ويشوف الاباء ايحظرون ويفتخرون بأبناهم وهو يتألم حيل ومشاعره تتكسر
واحساسه بالحياة ايخيب لان ماكو سند ايحس بالضياع ماكو شي يالجأ اله وماعنده مهرب الى المجهول
وعندما الاستاذ الفاضل يقول للطالب لطيف بس انته ماكو داعي اتجيب ولي امرك!!!
قمة الالم هذا الشي للطيف
ويدنك وما يرفع راسه والطلاب تتبتسم ولا تراعي مشاعر صديقهم او زميل الدراسه
بس ماعدى قيس ينظر الى لطيف ويتأثر عليه بسبب هذا الموقف الصعب على لطيف
اي فعلآ موقف اصعب من موقف وبمرور الايام واللحظات المؤلمه والجراح التي ما اطيب ولا تشفى
رجع لطيف للمجمع ومن عرف بي عامر ناجح زاد غضب وضل ايلح عليه بالشغل وحتى اليوميه بعد ما ينطي ولافلس وزاد التعب على لطيف فوكها يغسل السيارة
انقهرو العمال عليه بس ما بيدهم حيل وميكرون ايسون شي لعامر لان هو صاحب العمل ويخافون ايبطلهم من الشغل ضل لطيف خلال العطله الصيفيه يكعد الصبح اينزل تمن مواد غذائيه وينظف المعرض ويطلع شكو اكسباير او تالف ايضل يشتغل لحد وقت الغده ايصلون ويتغدون واينامون لحد ٢ ويرجعون للشغل وخدمته الزبائن لحد الساعه ١١ باليل
وكانت ايام تعب وروتين مزعج كلش بس العمال خوش ولد وشاب اغلبهم مو من المنطقه تعمالهم كلش زين ويساعدونه بقليل من المال
رغم كل هذا الي صار وي لطيف من تعب وعناء بالشغل والعيشه الي عايشه كلش صعبه بس سميه وساره ولميعه ما كفاهن الي سونه بالطيف
لميعه عرفت بي ناجح وخابرة سارة وراحن على سميه
لميعه ... لج سميه شلون كلتي بطلنا اللقيط من الدوام
سميه... كولت لعامر وبطله ليش سمعتن شي
سارة... لج خيه ايداوم بعده ونجح وراح للاعدادية وهسه عطله ويشتغل بالمجمع
سميه... بس عامر ما ينطي مصروف يشتغل بالمجان بس فقط ياكل ويشرب... بس عامر ما كلي ايداوم وكال بطلته
لميعه ... ايداوم ونجح ابن صديقتي وياه نفس الصف
سارة .... هسه شنو الحل
سميه... اني لازم اعاتب عامر معقوله ايجذب عليه
لميعه... خلي عامر ايشوفله حل للقيط لان مستحيل ايكمل دراسته غلطه ياخذ شهادة المتوسطه وحنى ياغافلين الكم الله
سارة ... شوفنا حل خلي اندمرة قبل لا ايدمرنا
سميه.... اخذنها مني ما ايداوم ولا ايشوف اسم الاعداديه واخلي عامر ايدمره اكثر واكثر
لميعه .... نشوف خاف مثل قبل
سميه ... امني ولتخافين
سارة ... احنى لازم نمشي لان تأخر الوقت
لميعه .... نتواصل وانضل على اتصال
لما رجع عامر باليل
اجته سميه... ليش هيج اتكذب عليه مو كولت بطلته من المدرسه وتالي يطلع ناجح
عامر... العمال توسلو بيه وانه هذا العامل ما اردلة طلب لان ايدير الشغل وأمنه على كلشي
سميه... بس غلط اتخلي ايداوم احنى شنو اتفقنه لو نسيت
عامر... كلشي يجرالج بس لا ازعلين حبيبتي اني شنو عندي غيرج
سميه... حبيبي اني اكيد احبك بس انته لازم تسمع كلامي لخاطر مصلحتنا ومستقبلنا
عامر... حبيبتي يلا سويلي لكمه او شنو رايج نطلع نتعشه برى بمطعم
سميه... اي ولله ضجت من كعدت البيت
عامر... يلا غيري ملابسج وخلي الجهال والبنات ايبدلون خاطر انروح
لما كملو وطلعو وصلو للمطعم وتعشو ورجعو للبيت بوقت متأخر الجهال نامو وسميه نامت
بس عامر طلع برى وكعد بالباب ودخن جكارة وضل صافن على نفسه انه شلون اخلص من ابن الحرام ليش امبقي عندي خلي اديحه وا دزه لغير مكان هم اخلص منه ولا اشوف هذا ممكن يحقد عليه ويحرك المجمع او كلشي يطلع منه ابن حرام ما اله امان
رجع عامر للفراشه ونام طلع من الصبح شاف المجمع وراح للدوام وضل بالدوام ايفكر وين ايدز لطيف
لما رجع للبيت من خلص دوامه غير ملابسه
وشغل سيارة وطلع للمجمع دقق القوائم وشاف الارباح
وصاح لطيف وضربه راشدي بدون اي سبب حيل انقرهو العمال عليه وشبعه كتل وضرب لحد ما نزف من خشمه
اجه صلاح ليش وخلصه منه بس بصعوبه جا مات من كد الضرب
اخذه صلاح غسل وجها وسكته حسبي لله ونعم الوكيل
صلاح ... شنو سويت ليش ضربك
لطيف ... هو دز عليه وضربني بدون مقدمات هو هيج يكرهني
صلاح.... زين ليش ايكرهوك كلهم
لطيف.... شبيدي هذا حظي من الدنيا من بلش حياتي وياهم ما حبوني ولا حسسوني اني منهم بس بأسمهم وابوي الحجي من رباني شفت الويل من هم وين اروح وين اهج انته اشوف حالي
رجع صلاح لعامر
استاذ ... مو اخوك ليش هيج تتعامل وياه
عامر ... وحضرتك اتعلمني وشلون اعامله هذا لقيط وابن حرام وما اله امان
صلاح ... ما اله دخل شلون اجه للدنيا مو ذنبه في الحياة انه ابن حرام ذنب الي سواها
عامر... موشغلي انه لازم اكرها بعيشته غصبن على الكل ومحد اله دخل بي
ومره ثانيه يا صلاح اذا تدخلت بهذا الشي ميكون الك وجود بالشغل فهمت
.... يلا روح شوف شغلك
رجع صلاح لشغل بس حيل ضايج بس مابيدي شي يكدر ايقدمه لطيف
ومن صار الليل اجه صلاح لطيف
صلاح... لطيف انته ليش ضال هيج وكاعد تتأذه واخف عليك تخسر دراستك
لطيف ... شنو الي بيدي اسوي وين اشرد المحافظه كله بديهم وخوصآ عامر عنده معارف وميخليني براحتي
صلاح... هو مينطيك فلوس ولا ايخليك اتكمل دراستك لا تكون نفسك ولا اتكمل دراستك شوفلك حل
لطيف.... ما بيدي شي لتعب نفسك صلاح
صلاح... عندي الك فكرة اني تعوف الشغل واتكله ما الك شغل بيه بعد مستحيل تتحكم بحياتي اريدك تشجع انه شاب وتعودت ادبر حياتك وتعرف تصرف وانته كدها
لطيف... هاااا انته مثل الصدمتني ما امفكر بهيج شي
صلاح ... همه مو معتبريك مو منهم يا اخي لا اضل تحت تصرفهم
لطيف... شنو اسوي
صلاح... ودع الخوف واتكلم ابوجها ولتخاف منه واطلع من هذه العائله صدكني تكدر اشق طريقك لوحدك مهما كانت الظروف لتخاف وعوف الخوف
الي ايخاف عمره مراح ينجح بالحياه ولا يكدر ايعيش بالدنيا بحريه
لطيف... محد منطيني قبل دافع انو اتغلب على خوفي
صلاح... انهض وقالتهم وطلع من طابوس الضلام الي عايش بي وياهم صدكني تكدر تتغلب انته بطل وسبع
كدر صلاح يغير تفكير لطيف ويكسر خاطر الخوف الي بي وعالم الصمت الي عايش بي بس مواجهة لطيف الى عامر راح اتكون صعبه مو سهله
والمشكله ما تنعرف ردة الفعل ما عامر وشنو راح ايسوي
راح نعرف كل هذا بالجزء القادم
أنت تقرأ
اللقيط
General Fictionهذه القصه تتكلم عن حياة هذا الشاب اللقيط وكيف تكون معاناته التي يعيشها بين غلطة الاباء وشهوتهم وحقد المجتمع الظالم عليه بدون اي وجه حق او رحمه قد يكون هو مسؤل عن هذه الجريمه اتمنى ان تعيشو احداث مشوقه مع هذه القصه التي سوف تنال اعجابكم
