اللقيط

الجزء السابع والثلاثين

السلام. عليكم ورحمه الله وبركاته

الكاتب

احمد الخفاجي

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

الدكتور الهندي  خير عامر بين العلاج الكميائي والعمليه اتكون استصال الورم السرطاني من داخل الجسم سميه كانت تسئل عامر عن المرض الي بيها بدت اتحس اكو شي بداخل جسمه واعراض جدآ قوية بحيث يجي الم قوي وتتعب بالمشي وكان لقاء الدكتور بعد يومين  لذالگ سميه كانت تسئل

سميه… . عامر اني احس اكو شي بيه مرض خطير

عامر…..  لاحبي مجرد فحوصات النه

سميه…  اني احس بيه مرض خبيث لان احس جسمي تعب مو مثل قبل انته لازم تحجي وياي الصراحه

عامر…  حبي شنو هل الحجي كتلج اجينه  انغير جو ملينه من العراق

سميه…  اني احس بالمرض يأكل بجسمي  ومن الصعب ارجع مثل قبل

عامر…  هذه تخيلات انتي تتخيلينه لنفسج مابيج شي مجرد حبايه صغيرة. داخل بطنج  وراح ينطي علاج او ايستصله بعمليه جراحيه ماكو داعي تخافين من هذا الشي
سميه… خاف اموت ومنو ايظل لجهالي وبيتي

عامر…  ههه بدت ترجع هذه الاؤهام الي تخلقينه الموت مو بكيفنه ولا نكدر انرده مو شرط الي مريض ايموت
سميه… . اني ليش هيج لله ايسوي بيه مرض شنو سويت لا ظلمت ولا اذيت احد من الناس

عامر…  لتخافين ماكو شي خلي نطلعرانغير جو

سميه…  انته اطلع اني ابقئ بالشقه ارتاح

عامر... شنو تحتاجين اجيب الج وياي

سميه…  لا ما اريد شي روح غيرجو حبيبي
راح عامر يطلع يتمشئ بالمدينه الهنديه وسميه كانت خايفه علئ نفسه من هذا المرض لان حست وشكت بنفسه بيه مرض خبيث وتحس المرض بدء يأكل جسمه وهي كلش خايفه من هذا المرض

من رجع عامر للشقه سئل سميه

عامر…  حبي انتي توافقين بالعمليه لو با العلاج الكميائي

سميه…  انته كلش خايفه

عامر… . هذا الورم حميد مو خبيث ولازم تعرفين انو العمليه افضل من العلاج الكميائي 

سميه…  انــي خايفه من الموت كلش وانته تزوج ويضيعون جهالي

عامر… . انتي ليش تفگرين افكار سيئه وما اله داعي  اني اكول نعمـل عمليه ونتوكل علئ الله

سميه… . الله ايسهل واطلع سالمه لجاهلي كلشي ما اريد من هذه الدنيا اني خصلت عمري اساعد الناس وانطي الفقير وكريمة نفس بس ليش الله هيج بلاني بهل المرض