السلام عليكم
اهلآ بكم في هذا الجزء وياكم الكاتب احمد الخفاجي
عرفنا بالجزء السابق انو الشيخ اتصل على حجي علي وايريد ايقابله بيته بس ما عرفنا شنو ايريد الشيخ
وفعلآ وصل الشيخ لبيت حجي
يا الله السلام عليكم
حجي علي ... يا اهلآ وسهلآ شرفتنا ونورت حضرت الشيخ
الشيخ.... شلونك حجي علي عسى ما عندك طلعه
الحجي.... لا ولله معندي شي اصلن فرحت بجيتك
الشيخ ... اي صار فترة مشايفك وأنته معدل وما ينشبع منك وكلامك ذهب
الحجي.... يا شيخ انته الطيب وابن اجواد ابن اصول
الشيخ ... الله ايسلمك ويعزك
الحجي... لطيف بابا جيب الجاي
الشيخ ... حليو وليدك الله ايحفظه الك
الحجي .... الله يحفظ اولادك
الشيخ... حجي انته انسان معروف وجبير وصاحب بخت ومثل ما اعرف صار فترة الحجيه توفت وانته ضال عزابي
الحجي... اي قابل شنو اسوي ازوج
الشيخ ..... هذا من حقك ولازم اتكمل باقي عمرك بهدوء وتعيش حياه حلوة رغم امكانيتك العاليه
الحجي..... زين هو هذا الموضوع الي جاي بي عليه
الشيخ... اي عند مقترح عليك اذا اتوافق واذا لا براحتك
الحجي .... شنو المقترح ....
الشيخ.... انه عندي اخت عمرها ٤٥ سنه ارمله بس عنده ولد اثنين ومزوجين وهي عندي لان عازلين عنها واريد ازوجها الك لان ما الكه افضل منك بس بالاول شوفا
الحجي... شيخ انته فاجئتني بهذا الموضوع وهو اصلن مو على بالي ولا مفكر بي
الشيخ ... حجي مو جريمه انته مسويها وهذا الشي حلال
الحجي .... زين انته ليش جايني انه اتريد تنطيني ايها رغم كبر سني
الشيخ ... حجي انته انسان معدل ومعروف والك سمعتك ... وانته حر اتريد اتوافق اولا
وانه لازم امشي واسمع جوابك بالاتصال
الحجي.... انشاء لله انه ارد الك جواب ... بس لازم اضيف على العشى وميصير تطلع وانه ما عزبك
الشيخ ... لا ولله عندي مشاغل وفي امان لله
الحجي... حياك لله ولله شرفتنا
مشى الشيخ وضل الحجي ايفكر بهذا الموضوع ركب سيارة الحجي وطلع هو دايخ ومحتار مر على المجمع وتالي وصل للمكتب العقار وكعد على الكرسي وتجي ناس وتروح ناس والحجي دايخ لان القرار صعب عليه صار ليل رجع للبيت لكه هاجر مسويه اكل ولطيف كاعد منتظر ابوه
الحجي..... السلام عليك
هاجر.... هلا بويه
الحجي .... شلونك بويه لطوفي عساك طيب
لطيف ... الحمدلله بخير
الحجي ... شنو جعنا وين العشى
هاجر... اي بويه جاهز العشى هسه اجيبه بس غير ملابسك صلي
راح الحجي ايغير بس باله بسالفه الشيخ كمل صلاته ورجع لكه الاكل حاضر
الحجي....يا لله بسم لله شنو هذا الاكل الطيب عاشت ايدك
هاجر... بالعافيه حجي هذا من خيرك
الحجي... هاجر بويه مثل ما تعرفين صار فترة امك متوفيه الله يرحمها واحنى وحدنا بالبيت وانه اجاني عرض وحاب اخذ رأيك بي
هاجر ... كول حجي اسمعك
الحجي.. امس اجه عليه الشيخ وانطاني اخته الارمله انو ازوجها على سنة لله ورسوله
هاجر .. شنو ما معقوله حجي هذا شي غريب وانه رجال جبير مو مال زواج
الحجي.... اشوفك ضجتي بس اني لازم استقر لان انتي خطيه باقيه بدون زواج والعمر يمشي بيج
هاجر ... شنو مليت مني زين والطفل منو اله اذا رحت اني
الحجي ... الطفل وياي باقي وكبر واذا ازوجت زوجتي اتخدمه
هاجر.... هسه انته قابل تزوج ..
الحجي.... اي نعم
هاجر ... واخواني كولتلهم
الحجي... باجر اجمعهم واسولف وياهم بالموضوع الزواج
صار الصبح ....وراح الحجي للمكتب واتصل على الشيخ واخبره انو موافق بالزواج بس لازم اشوفها بالاول
واليوم العصر امر عليكم واشوفها
رجع الظهر الحجي للبيت ولبس الملابس الزينه والساعه والاناقه والشارب مصبوغ وركب السيارة وصل بيت الشيخ...
الحجي .... السلام عليكم
الشيخ ... عليكم السلام اهلا وسهلآ شرفتنا ونورت
الحجي... تسلم ياطييب
الشيخ .... شلونك ولله اشتاقينالك حجي شلون شغلك
الحجي ... الامور طيبه وانشاء لله خير بخير
الشيخ ... انه فرحان كلش لان وافقت على عرض الزواج هذا
الحجي.... ولدها اختك قابلين اي موافقين وهما ايفرحون بزواجها
الشيخ.... راح اسويلك طريق وكعدها بغرفها وحدها وشوفها
لما دخل الحجي شافها امريه بيضه وعيونها كبار سود وجها مدور وكلش حلوة واسمه كريمه
وطلع الحجي وعلن موافقته بس عنده امور لازم منزليه اله يجي يخطب
الشيخ كله براحتك حجي واحنى على اتصال
رجع الحجي ....للبيت ودز على ولده وبناته
هلا بيكم ولدي شلونكم وانتم صارلكم فترة كاطعين بيه وماتجون بس انه عندي موضوع وياكم
انه اريد ازوج
عامر ... من حق هذا الشي
كلنه نفرح
حسين.... بس منو الي تزوجها
الحجي .. اخت الشيخ
عبدلله .... اي خوش ناس وانه اعرف ولدها خوش ولد ونعم منهم
الحجي ... انتم ما عندكم اعتراض
الابناء ... لا حجي نفرح وننسع بهذا الشي وانشاء شايف كل خير
حسين ... بس هاجر شلون اضل هيج
الحجي .... من تجي قسمتها تزوج ولحد الان مجايه قسمته ... انشاء لله بعد كم يوم المشيه مالتي
بس لطيف ساكته ايحس بغربه بداخل بس ما يكدر يحجي اكو فراغ بينه وبين الحجي بالمدرسه وحيد وبالبيت وحيد وما عنده اصدقاء بدأ احساس غريب عنده بدأ ايخاف من كلشي لان مهما كان اذا دخلت مرأه غريبه لبيت ما تنعرف شخصيتها صعب طفل مثل لطيف راح يعرف يتعامل ويها اوهي تتعامل وياه ومرت الايام والحجي كمل المشيه وخطب كريمه وبدأ ايجهز للعرس بس لطيف وهاجر ضايجين وخصوصآ هاجر خايفه على الطفل من هاي الزوجه ودمر الطفل لان هي تعرف نفسه راح تزوج
المهم تزوج الحجي بس كان العرس سكته بس حظور ولده وبناته والطفل محد يمه بس هاجر وكانت تسمع حجي من نسوان اخوها وهي ساكته والاطفال ايأذون لطيف ..وهي بس تبجي ومقهور وكمل العرس والكل راح على بيته ولما دخل الحجي على كريمه
سلم عليه ... وباسه براسها
وهي باست ايده
الحجي..... كريمه شلونج
كريمه... الحمد لله دنكت واستحت
الحجي ...ضحك خجلانه
كريمه... سكتت
الحجي... اريد اوصيك وصايه
اول شي ابني لطيف اريدج اتكونين ام اله واتخلينه بعيونك وما ازعلينه وتهتمين بي اهتمام خاص
ثاني شي بنتي هاجر اريدج ام اله وما ازعلينه
والجيران... اريدج زينه وياهم واريدك معزبه وطيبه وصاحبته هلا لان اني دوم يجون عندي ضيوف صاحب عمل والناس تعرفني وما اريد زله على بيتي
كل هذه الامور اريدك اتنفذينه وانه مراح اقصر وياك وانشاء انعيش على حب لله وبطريق لله
أنت تقرأ
اللقيط
Ficción Generalهذه القصه تتكلم عن حياة هذا الشاب اللقيط وكيف تكون معاناته التي يعيشها بين غلطة الاباء وشهوتهم وحقد المجتمع الظالم عليه بدون اي وجه حق او رحمه قد يكون هو مسؤل عن هذه الجريمه اتمنى ان تعيشو احداث مشوقه مع هذه القصه التي سوف تنال اعجابكم
