اللقيط

الجزء الخامس

هلآ وسهلآ بيكم من الجزء الخامس من قصة

((اللقيط))

وياكم الكاتب احمد الخفاجي

نذكر من الجزء السابق ان الكل رفض بقاء الطفل بس ما سمعنا رآي حجي علي

الكل انطه رآيه وسمعنا
بس اني رآي هو انو هذا الطفل اربيه واكبره واسجله بأسمي واله حق عليه واله ميراث من بيتي
وانه راح اسمي (( لطيف))
ومن باجر اروح للنفوس واسويله جنسيه
الكل انصدم من القرار والكل ضاج وسكت محد تكلم بس بعيونهم الغضب
من القرار وخلصت اللمه والكل رجع لبيته

الحجي اخذ الطفل وشاله وباسه وخلاه بحظنه وبجه
على حال الطفل
لان يعرف كميه الحقد من اهل البيت كلهم
اجت عليه الحجيه
وقالت
حجي ابو عامر شعجب اخذت هيج قرار راح اتكون حياتك صعبه لان راح تتعب
الحجي..... انه ما همني ولدي ولابناتي همني هذا الطفل المسكين الي محد اله وهذا قدر وابتلاء من لله عزوجل الي ولازم اربي احسن تربيه لان اهم شي مرضات لله سبحان وتعالى

الحجيه... باوعت للطفل شوف الجمال والبرأه بعيونه
احسه متعلق بيه كلش
الحجي..... اي لطيف ينحب ودخل كلبي وانشاء لله الج الاجر والثواب

....................

من رجع عامر وزوجته للبيت نيمو الجهال وغيرو ملابسهم
وكعد عامر بس صافن وايفكر
سميه .... حبي انته راضي بهذا الشي
عامر ... دار وجها وباوع لليفوك بذهول ولله ما ادري شنو كاعد.ايصير انه اخاف من حجي الناس علينه
سميه... خليك ذكي وفكر بالخلاص من هذا الطفل
عامر.. فز ... شنو الخلاص شنو اتخربطين
سميه .... اي احسن لقيط ويااهلك بالبيت
عامر .... اوه ولله ذبحتيني خليني انام عندي دوام
سميه..... نام هو شفالحه بس للنوم
..........

من رجع حسين وساره للغرفه

حسين ضايج وطالعه روحه وبس ايدخن وما اله خلك يحجي
ساره .... ها انته راضي بالي ايصير
حسين .... هو منو البينه راضي اجه لقيط وصار اسمه لطيف وما نعرف باجر شنو ايصير
ساره .... اوف ولله ابوك متدين ازياده عن اللزوم سوه الي عليه ودزه لليتام مو جايبه ويانه للبيت
حسين .... شسوي قابل افرض الشي على ابويه
ساره ... لازم انقنع عمتي الحجيه انو اتقنع ابوك انو ايعوفه

حسين ... خلي ننتظر باجر شنو ايصير وبعدين نتفق على شي

........
لما رجع عبد لله للغرفه مالته كان منزعج وضايج وماله خلك يقرأ وضل حاير من الي صار ونام

ولما رجعت كوثر ... لبيت عيالها
وسولف القصه ال رجله واكيد العائله كله درت بهذا القصه واغلبهم ما قابلين بقرار حجي علي
وعم كوثر ابو زوجه كال الحجي ما يعرف يصرف
لان اللقيط لازم ما ايعيش بالبيت
.......
حتى لميعه
نفس الشي صاير ويها وعرف بالموضوع زوجها
كل هذا صار بهذه الليله
......

المهم صار الصبح والحجي والحجيه راحو الى دائرة الاحوال الشخصيه
وبعد ما وسجلو الطفل لطيف بسمهم
ورجع الحجي مرتاح وفرحان بس العائله كلوهم تغيرو على الحجي وصار البيت عبارة عن كأبه ومحد اله شغل بالثاني
وحتى عامر قلل الجيات علة اهله

..... وبعد ما عرفت المنطقه بموضوع الطفل
شي راضي وشي مراضي
لان ماكو خبر ينظم
..... واجه ابو ناصر على حجي علي كعدو شربو جاي وشاف الطفل
وكله كثر لله من امثالك حجي الان انته اصيل ومحد ايسوي الي سويته
حجي علي ... سميته لطيف
ابو ناصر... بلكي يطلع لطيف
حجي علي.... الله يسمع منك وانشاء لله ما ايروح فعل الخير

ولما خلصو مشا حجي ابو ناصر وبدت الايام تمشي وحسين صار عنده طفل
وعبدلله نجح للسادس وهاجر نجحت وسكينه نجحت
والايام تمر وكاعد ايزيد الضغط على الحجيه من قبل البنات انو لازم تترك الطفل ايحولون ايقنعون الحجيه لان اله كلش تأثير على الحجي بس ما تقبل لان تعلقت بي كلش بس البنات كولش تغيرآ على الحجيه
ويوم عن يوم ايزيد حقدهم على الطفل

الى انجمع ساره وسميه ولميعه بيت سميه
واتفقن على الخلاص من الطفل
يابنات احنى لازم نخلص من الطفل وان قتله او انبوكه وان شمره بالشارع هذا حجي لميعه

سميه ... منو تكدر اتبوك الطفل اله ساره
ساره ..... ماكدر لان الججيه ما تعوفه لحظه وحده
لميعه .... لازم هاجر هي اساعدك
ساره .... ليش ما انجرب القتل
لميعه .... لا صعب القتل
سميه ..... هو ابن حرام ويستحق هذا الشي
ساره .... بس صعب كلش وهذه خطه سريه ولازم ننتفق ويا هجر بس اذا سم راح ينشك بينا
لميعه.... لعد شلون ولله حيره

.......
سميه بعد كم يوم ننجمع وانجيب هاجر وندرس الخطه
بس لا تسولفون بالموضوع خلو سر بينا

.....

الحجي ... فتح محل بالسوك والمحل يوم عن يوم ايزيد والارباح كامت تزايد .... والوقت البي اغلب الناس فقر ..........
سبحان لله رزق الجحي زاد اضعاف وحياتة تغيرت
بسبب عمل صالح وشوي مقبول
مهما كان الانسان لازم اتكون عنده رحمه وشفقه على غيرة لان ما ياخذ شي من هذه الدنيا اله الخير والذكر
الطيب

يتبع ...