السلام عليكم وياكم اخوكم الكاتب احمد الخفاجي
اعتذر اخوان عن الجزاء الصغيره الي سبقت هذا الجزء بس انشاء لله اعوضكم .....
كل انسان تصعب حياته وتكثر المشاغل الدنيويه من يكثر المال ايضل ينسه اهواي شغلات كان ايسويها قبل الغنى بس هسه بس ايفكر بالمال ايشلون ايكثره وايحافظ عليه ويستثمره هذا الشي صار وي حجي علي رغم كبر سنه بس صار عنده حب الدنيا وحب المال مو نسى لطيف بس تناسى وكانت عنده مشاغل والتزامات ومسؤليات اتخلي يهمل لطيف بس هو ثاق بزوجته كريمه بس هي طعنت بالحجي وباكته وخانت الامانه الي امنه على لطيف وشبعت الطفل ضيم وقهر وجوع ...
بس كان الحجي مرهق وبدأ الكبر والتعب والمرض ياكل بي لان المال كثير لان عقارات وقطع ومجمعات وبيوت والادارة تكون صعبه ولا احد من ولده كان ايساعده لان هو ما خله احد رغم همه ماكانو زينين بس موقفهم من لطيف لهذا خله كريمه تسيطر على الحجي وشغلت ولدها ويا وصارو يتحكمون بكلشي ايخص حجي علي
بس ليش الحجي ما سوى ميراث قبل ما ايفارق الحياه مازال عايش ليش ما فعل ذلك وانطه كل اولاده حقهم
خلي نشوف
فد يوم اجه الحجي وكعد وي كريمه
كريمه اتعرفين بيه اني رجال جبير وتعبت ومريض وما اعرف اي ساعه اودع الحياه واني ما مقسم الميراث
كريمه.... حجي عمرك طويل والميراث معروف وكل واحد ياخذ حقه
الحجي.... خاف ما ينطوكم حقكم انتي ولطيف
كريمه ... لاحجي احنى مسجلين ياك والنه حصه محد يكدر ينكر هذا الشي
الحجي .... بس اني خوفي على لطيف خاف ينضلم من بعدي
كريمه.... لا حجي الدنيا بعدهي بخير ولتخاف ولدك والنعم منهم انشاء لله بيهم البركه
الحجي ... كام نزع اشماغه ونزع الستره وراح على غرفة لطيف
لطيف.... اهلا بابا
حجي علي... شلونك لطوفي
لطيف ... بخير بابا
حجي علي... شبيك وجهك اصفر عسى مو مريض
لطيف.... لا بابا بس اتعب من القرايه
الحجي ..... السنه همين اريدك اعفاء وترفع راسي لانك ذكي ومجتهد
لطيف .... انشاء لله حجي دووم راسك مرفوع
الحجي .... هسه اني راح ابدل واطلع للشغل والمغرب ارجع محتاج شي
لطيف ... لا الحمد لله ما محتاج بس اريدك بخير
طلع الحجي بس لطيف ما حجه الي بكلبه وسولف ضلم كريمه
صفن لطيف وعاف الكتاب اني ليش ما كتله على هذه الضالمه ليش ما اخلي ايسويلي حل من المشكله لا تعبت منها
بس خاف اكله وميصدك بيه او ايروح يحجي عليه وايزيد الظلم عليه منها
شسوي اضربها واخذ الاكل بالقوه اضل جوعان الى متى هيج اني عايش من ازوجت هاجر واني مصرفي قليل جوع شسوي المن اشكي ليش هيج اني
وضل لطيف يأكل بنفسه
ياريت اموت واخلص لا اخ زين وياي لاحد يسئل عليه
ضل لطيف وضلت حسرته بكلبه ودوم غركان بدمعته
والايام اتمر والوضع ايصير اصعب
ومن ينجمعون بيت الحجي كل الاولاد والحفاد والبنات وجهالهن والجناين ضحك سوالف واكل هو بغرفه محد ايكد بابه ايسلم عليه محد يسئل او ايسمعه كلمه حلوة بس هاجر تجي وتحظنه وتبوسه وتمسح دمعته وضل تسولف وياه اكثر من ساعه لحد ما ايصير الغده وتاخذه وتكعده يمها بالسفره والباقين سوالف وفرفشة وظحك هو صافن عليهم ايحس نفسه غريب عنهم مو جزء منهم
بس القدر كان ولازال يلعب دور مع هذا الولد الصغير
الذي اصبح عمره ١٤ سنه محد سواله عيد ميلاد ولا انضوت اله شمعه ولا وحد ذكره
كملو غده والكل راح على بيته ايشوف بعيونهم الحقد والكراهية بس هو ايحبهم وايريد يتقرب للعائله بس
شيسوي
وتمر ايام ولطيف ما يظحك دائمآ ضايج وحالته كلش بس صديقه قيس هو الي ايواسي ويسمعه ويفتحله كلبه ويسئل عليه
كل انسان بهذه الحياة اله طريق مرسوم من قبل لله سبحان وتعالى الانسان مو بأرادته اجه للدنيا او اختار ابويه او عائلة او دينه او بلده كلشي من تقدير لله جل جلاله
لطيف بدأ ايخاف من فقدان ابوه حجي علي لان اتكون حياة مره وصعبه وين راح ايروح اذا راح الحجي
واجه الليل كمل صلاة الحجي وجابو العشه بس الحجي وجه اصفر وما اكل
سئلته كريمه ليش شبيك حجي
الحجي... احس نفسي اليوم تعبان وكلبي يوجعني ما اعرف شبيه
كريمه .... اخابر عامر ياخذك للطبيب
الحجي.... هسه شويه واصير زين كملو عشاكم انه اروح ارتاح
فجأه مشه شويه وكع الحجي وصاحت كريمه الحكووو
ولطيف ايصيح لا لا لا
ويبجي اكعد بابا اكعد
وسمعوو الجيران واتصلت كريمه على عامر واخذوه للمستشفى واجه عبدلله وحسين والكل ينتظر وكريمه موجوده
بس لطيف باقي بالبيت محد اخذه ولا واحد التفت عليه
ضل لطيف سهران ايريد احد يجي خاطر ايسئله على ابوه
دخل الحجي للعناية المركز والكل ينتظر بالباب بناته مجمعات ولده ونسايبه والشيخ ولد كريمه وكريمه
الكل مجموعين عدى لطيف
وهما واكفين بالباب طلعو الدكتور والكل ركض اله
هااا دكتور بشر
الدكتور ... اخوان ابوكم صارت عنده ذبحه صدريه وجلطه بالدماغ وحالته حرجه انريد منكم بس الدعاء اله
ضلن بناته يبجن
ورجعوهن للبيت
ولما وصلن لبيت الحجي لطيف تلكانه محد حاجاه شافته هاجر وضلت تبجي
لطيف ابويه حالته تعبانه وادك وتلطم
صفن عليه والدمعه بعينه والحيرة عليه يعني ابويه خلاص تعب كلش
هاجر ... لطيف اندعي اله راح ايروح من ادينه
لطيف..... دنك وسكت
هاجر.... يلا تعال انام بغرفتك واخذته وراحوو
وراحن لميعه وكوثر وكريمه نامن لان الوقت صار متأخر حيل
والجماعه سهرانين بالمستشفى
وكل شويه ايسئلون دكتور الخفر ايكلهم بس النفس مالته يصعد وينزل انتظرو رحمة رب العالمين
لما صار الصباح
هاجر ... لطيف لازم اتروح للمدرسه
لطيف... لا هاجر اروح وياكم اشوف ابوي
هاجر... اي خلي نروح
بس كريمه ولميعه ما قبل ياخذن لطيف
قالت هاجر معليجن هسه اخابر زوجي يجني ياخذني انه ولطيف ما محتاجه الكم
فعل وصل زوجها وصعدهم بالسيارة مالته واخذو وياهم لطيف للمستشفى
ومن وصلو عامر ما قبل المن جايبه هذا وياج
هاجر.... من حقه ايشوف ابوه غصبن على الكل هذا الي رباه
حسين.... احترمي نفسك واحجي ويانه بادب
زوجها... سحبها وسكتها كافي مو وقتها وانتي السانج طويل انتو بيا حال الرجال تعبان وانتم تتعاركون
عامر... عادل ادب زوجتك لا اكسر خشمه
عادل.... ماتحجي بعد
بس لطيف ساكت ويباوع على الحجي من الجام شافه امدد ومغمض العين ونفسه يصعد وينزل ومركبين عليه جهاز اوكسجين
عرف انو الحجي تعبان واحتمال اخر ايامه بالحياه وراح ايعوفه بين ذئاب جوعانه لا ترحم احد
شلون لطيف راح ايعيش وين ايروح منو يتكفله لان هو عمره ١٤ سنه منو يرعاه في هذه الدنيا ولازل هو طالب مدرسه والدراسه صعبه صح كان ضلم كريمه وللجوع والحرمان بس اذا راح الحجي الوضع ايكون اصعب او ابشع من كل النواحي والظروف لان يصبح ما اله احد بهذا الدنيا
واعتذر الجزء قليل
أنت تقرأ
اللقيط
Ficção Geralهذه القصه تتكلم عن حياة هذا الشاب اللقيط وكيف تكون معاناته التي يعيشها بين غلطة الاباء وشهوتهم وحقد المجتمع الظالم عليه بدون اي وجه حق او رحمه قد يكون هو مسؤل عن هذه الجريمه اتمنى ان تعيشو احداث مشوقه مع هذه القصه التي سوف تنال اعجابكم
