اللقيط

الجزء الثامن

واجه الليل على حجي علي والحزن والكائبه والقهر مخيم عليه وعلى الحجيه لان راح الطفل من ايدهم وما اله  أثر
وكل الي دور على الطفل ما لكاه
والعائله كله مجموعه بالبيت كل البنات والجنات والولد والكل ايصبر على حجي علي بس بنفس الوقت الفرح بعيونهم
والحجيه تبجي وتلطلم ولميعه وهاجر لازمات امهن
ومن رجع عامر لبيته كلش فرح من بوكة الطفل لان خلص من هم جبير  بس منو باكه وليش
اجته سميه ... شبيك عامر
عامر ... مابيه شي بس افكر منو باك الطفل وليش
سميه.... يمعود اتبوكه النسوان الي تبيعه او ما عندهم ذريه ايربونه واكيد وحدة من المنطقه مراقبه البيت ومن فرغ باكته
عامر ... اي فعلآ كلامج صحيح
سميه .... وشنو باجر اسوي اداوم لا لو ادور على الطفل
عامر .... ما ادري بس ما اداوم فشله من ابوي
سميه .... نام حبي انته تعبان اليوم
ولما نام عامر سميه كلش فرحت لان نفسه خبيثه والي سوته شي غير منطقي  بس متروسه حقد ونذاله على طفل ما اله ذنب انو اجه للدنيا بطريقه غير شرعيه
ما شافت شره او خيره
ولميعه... رجعت لبيتها وفرحت لان خلصت امها من نجاسه وقذارة حسب ما تفكر هي لان تعتبره مو بشر طاهر حاله حال اي انسان عادي ولا اهتز اله ظمير انساني ولا تعاملت با انسانيه بس عمر الرحمه ما توجد على بعض الذي يكون شكلهم شكل البشر بس صفاتهم حتى الحيوان ما يفعل مثلهم

وهاجر وسارة لا حس ولا خبر في صمت دائم خوف من الفضيحه او ينكشفن
ومرت الليله الصعبه والطويله على حجي علي
الحجي طلع من الصبح للمركز وما حصل شي دور بالسوك وخله اولاده اديبحثون بس همه ما ايبحثون بصدق ... بس الحجي محترك كلبه على وليده لطيف ويبحث الى ان صار اذان المغرب دور السوك كله والمستشفى بس ما لكه شي رجع مندوم

تلكته الحجيه.... هاااا حجي رجعت خالي علينه
الحجي ....  انه امنتج على طفل ليش غفلتي عنه
الحجيه .... ما ادري تعبانه ونمت وما ادري بسرعه نعست لمن اجن البنات من المستوصف
الحجي....  اوف راح وليدي راح ... راح احزام ظهري راح... ويلطم  اليل كله ولا احد ينقهر على حال حجي علي الي انهار على الطفل المسكين
ولما صار الصبح ...طلع الحجي ايدور وايمر على الناس ويبحث بس ما حصل شي من العالم ويوم عن يوم الى ان صارن ١٦ يوم من البحث عن الطفل ....

بس يا ترى شلون عدت اول ليله على الطفل... يم الشط بالمنطقه الخارجيه والريفيه

لما خلن الطفل وراحن سميه ولميعه ...
ضل الطفل وحده وبدأ الجوع والعطش امبين عليه لان طفل ما متعود على شمسه قويه الى ان مريه عجوز دلاله من اهل احد القرى المجاورة للمدينه شافت للطفل ولكته واخذته للبيت ونظفته واكلته وهاي العجوز تسوك من المدينه ... وتبيع ملابس نسائيه هي مره عنده ولد اثنين مزوجين ولما درو بالطفل كالو ما ان بقي عدنا ايجوز اله اهل لان جبير ومبين مترف وابن ناس لان شكله جميل جدآ
بس تأخرو بالبحث بالقرى المجاورة وكله ما اتعرفه
الى ان راحت الحجيه كل عادة تسوك  وسبحان الله مرات تشتري من حجي علي فسئلت عليه كالو هذا حاله وهذا الي صار وياه .... سئلت على بيته فوصلوها للبيت