السلام عليكم ورحمة الله وبركاته
بقلمي
🖋
الكاتب احمد الخفاجي
♤♤♤♤♤♤♤♤♤♤♤♤♤♤♤♤♤♤
________________________________________
دئمآ الانسان ايخطط ويبني امال كثيره على هذه الدنيا ويجمع اموال كثيره ويبني بها القصور كأنه يعيش مليون سنه في هذه الدنيا ولا يمسه الموت ابدآ
الحمد لله على كل شي
الغني بعافيته وصحته
الكنز هو الاخلاق الكريمه او الحميده
مغرور من غرته الدنيا وسعيد من حافظه على دنياه
الوحده هو النفق المظلم
الوحده هي عالم مختلف
كانت رحلته صلاح في البحث عن العمل لان كان صاحب عائله ومرت ايام عليه وهو يوميه ايروح للمدينه يبحث عن عمل وبعد عناء طويل كدر صلاح يحصل على عمل في احد الافران القريبه على الاعداديه الي ايداوم فيها لطيف
وكان صلاح مبتدأ في العمل لان ماعنده مهنه وحكم عمره صار بس ايبيع الصمون اول يوم عمل
كانت الاجواء جديده عليه
بس ابو الفرن حيدر الاسمر كان انسان عصبي المزاج وشديد مع العمال ومايرحم وبصعوبه اشتغل وياه صلاح بحكم انو صلاح عنده خبره بالبيع وانو حيدر شايفه يشتغل وي عامر
حيدر الاسمر... انته مو تشتغل بالمجمع القريب علينه الي صاير ركن على الشارع
صلاح... نعم اي كنت اشتغل وياهم وبطلوني
حيدر الاسمر .... وليش بطلت خاف سويت مكسورة لو نشال وانلزمت
صلاح .. ... لا ولله تكدر تسئل العمال الي يشتغلون بي عني بس هو عامر طردني وكال انته ماتصلح للعمل وياي اريد اطور المجمع
حيدر الاسمر ..... بس اني عندي قواعد بالشغل هنا
ولازم تطبق واهم قاعده هي اتحسن تعمالك وي الزبون ومشاكل وي باقي العمال ماريد
وعينك على الدخل
صلاح.... اني حاظر وانفذ كلشي وشكرآ الك لان قبلت اشغلني وياك
باوع صلاح شاف شلون طلعو طلاب الاعدايه
بينه وبين نفسه وين رحت يا لطيف امنيتي اشوفك
وين ودتك الدنيا خايف من عامر خاف سوالك شي
كلشي يطلع منه لان ماعنده ذرة انسانيه
وكانت الغيابات تسجل على لطيف لان مرت ١٠ ايام وهو غائب عن الدوام رغم محولات الطلاب بس كان عامر بالجواب الي جوابه الهم سد كل الابواب
لطيف كان على سريد المستشفى وحده محد يسئل عليه بس عبد ال توبه هو الي ايواسي وايجيبله اكل
رجع المحقق الى لطيف
المحقق.. السلام عليكم
لطيف..... عليكم السلام
المحقق .... شلونك اليوم انشاء لله متحسن
لطيف .... الحمد لله بخير يوم عن يوم اصير احسن
المحقق.... لطيف انته تعرضت لمحاولت اغتيال وما تقبل حجي من الي نفذ عليك بس اني اوعدك لتخاف حتى لو الي اسمه عبد
لطيف .... عبد انسان نبيل وشريف ونقذني ورجآ ما اريد اله اي احراج
المحقق.... لعد من الي نفذ بيك وليش ايريد ايقتلك لازم اثبت بالدعوه على احد
لطيف.... ما اعرف لو اعرف كان كتلك
المحقق.... انته متأكد من كلامك يعني اغلق القضيه ونكتب المنفذ مجهول الهويه
لطيف .... اي لان ماعندي احد اشتكي عليه ولا اريد اظلم احد ما اله دخل
المحقق ...لعد غلقت القضيه واتمنالك الشفاء العاجل واذا غيرت رآيك بلغني المركز تندله
لطيف .... شكرآ الك وما قصرت وتعبتك وياي
أنت تقرأ
اللقيط
Aktuelle Literaturهذه القصه تتكلم عن حياة هذا الشاب اللقيط وكيف تكون معاناته التي يعيشها بين غلطة الاباء وشهوتهم وحقد المجتمع الظالم عليه بدون اي وجه حق او رحمه قد يكون هو مسؤل عن هذه الجريمه اتمنى ان تعيشو احداث مشوقه مع هذه القصه التي سوف تنال اعجابكم
