السلام عليكم ورحمة الله وبركاته
بقلمي
الكاتب احمد الخفاجي
************************************
مرت ايام صعبه وعصبيه بحياة لطيف مثل الجوع والحرمان والضرب والتنمر من العائله الي عايش
وياهم وكبر ما بينهم
وبعد رحيل السند وراعي والمدافع عنه حجي علي
كانت الحياه سجن مظلم او انفاق مسكونه من
وحوش البشر
نعم اصفهم بالوحوش لان ما عنده ذرة رحمه
او غيره او انسانيه ولا حتى شفقه
وضل لطيف من عذاب الى عذاب
هل كان في العائله الخطأ؟؟؟؟
عامر فتح الجنطه وطلع لطيف منها كان حيل مختنك وجسمه بايد من الضرب بس يحرك بجسمه من الخوف
سحب المسدس عامر
ضربه طلقه اجة داخل بطن لطيف،،،،،
نزف دم شاله شمره بالشط راح بين ضلمت الليل واحضان النهر الجاري
رجع عامر للسياره طلع بطل مي
غسل وجها وشرب منه ودخن جكاره
شغل السياره
اي ارتاحيت من هم صارله ١٦ سنه
كابوس وخلصت منه
اتصلت سميه......
الووو وينك حبيبي
عامر::: جاي بالطريق
سميه ::: بشرني خلصت المهمه
عامر :::: كلشي تمام ليضل بالج
سميه:::: فهمني شنو سويت
عامر :::: هسه اني اسوق من اوصل للبيت افمهك التفاصيل
سميه ::: باي حبي
عامر وهو ايسوق مبين عليه علامات التعب والخوف
ومنهاره اعصابه
لما وصل للبيت كان الوقت متأخر وسميه منتظره
دخل السيارة للكراج
فتحت الباب سميه
هاااا حبيبي كواك الله على التعب
عامر::: التعب يخلص بس اهم شي خلصنا من غلطة ابوي الي صار اله ١٦ سنه كابوس علينه هم وخلصنا من عنده
سميه:::: حبي اهم شي محد شافك من نفذت
عامر::: لا ولا احد شافني
سميه::: اهم شي ميطلع عدل متأكد مات
عامر::: شبعته ضرب وربطت رجليه واديه وعيونه وحلكه وضربت طلقه وشمرت بالشط اكيد ودع الدنيا وخلصت حياته
سميه:::: عاشت ايدك يابطل انته رفعت راس هسه ارتاح كلبي اوف وخلصنا
عامر:::: اهم شي لا ما اريد احد يعرف بالموضوع
سميه:::: حبيبي انه سندك بالحياه واكيد اذا طلع خبر
تدمر حياتنا
عامر :::: جهزي الحمام تعبان اريد اسبح
سميه::: خلي اسويلك عشه
عامر ::: مالي نفس
سميه :::: زين اكلك العمال هم حسو انو اللقيط ما موجود
عامر ::: ايتصلو بيه كتلهم مشغول
دخل للحمام عامر سبح كمل سميه منتظرته بالغرفه ليل وبارده وبدأ المطر ينزل
نامت سميه وهي فرحان
عامر فتح الشباك دخن جكاره
تالي طلع للصاله وفتح بالباب والمطر كلش قوي
اجته رجفه لعامر
رجع اينام اول ما غمض عينه صارت صورة لطيف كدامه
ضل للصبح منايم مكدر ايروح للدوام
راح باع السياره الجديده الي نفذ بيه
واصلن سيارة القديمه كانت موجوده
مبيته بكراج
رجع اخذه وراح للمجمع
لكه الجماعه ضايجين وخايفين من عامر
دخل عامر صاح لك صلاح هذا ما رجع
اجه صلاح بسرعه لا ولله لحد الان ماكو تلفونه باقي هنا
عامر؛؛؛؛؛ صلاح انته تتحمل المسؤليه هذا شرد استغل الطيبه الزايده وجمع كم فلس وطفر بس هو هيج
ابن الحرام ايضل ردي وينسى الفضل
صلاح::::: استاذ شنو انسوي
عامر:::: الزمه الزمه وين ايروح قابل ايطير مثلآ
كلمن يرجع الى شغله بس تخلص فلوسه
يرجع
صلاح ::: بس فلوسه هنا ما ماخذهن
عامر:::: وداعتك طفر لازم عنده زويه
أنت تقرأ
اللقيط
Fiction généraleهذه القصه تتكلم عن حياة هذا الشاب اللقيط وكيف تكون معاناته التي يعيشها بين غلطة الاباء وشهوتهم وحقد المجتمع الظالم عليه بدون اي وجه حق او رحمه قد يكون هو مسؤل عن هذه الجريمه اتمنى ان تعيشو احداث مشوقه مع هذه القصه التي سوف تنال اعجابكم
