الجزء 4
قيس: اواه نتا لي تكشفنا علبالي هههههههه
جواد: سكتونا نتوما زوج تقول ضراير يثبت فيهم و ضيق عينيه
سامي: شحال نكره ذيك الخزرة تاعك تقول راح تقتل واحد
جواد: ايه كان ما تخرجوش في زوج في ظرف ثانيتين تشوف القتيلة علا اصولها
قيس: ايا برازرز عارضكم علا فطور علا حساب سامي
سامي: عمري شفت واحد يعرض و المعازيم يخلصو
جواد: شوف شوف تقول مانيش نهدر... روحو نتوما زوج انا راجع لدار
سامي: يااااه ماصبرش علا العسل ههههه قالها و راح وقف و را قيس
جواد وقف وخر كورسيه و بعد مالبيرو رايح لسامي
قيس رفد يديه و قال انا خاطيني ببناتكم و بعد علا طريق جواد
سامي: تفو عليك اقيس هكا تسمح فيا.. وصل جواد عند سامي وهو ترما في حضنو عنقو
سامي : شوف قبل مادير في واش راك تخمم نعطيق رقم نوارة علبالي عجباتك
جواد: فالحقيقة كنت خارج ماكنتش ناوي عليك و هي جات وحدها خرج تليفونو و غمزو ايا ماركيه راني مزروب
سامي: والله ما تحشم قتلك مازيدش تخزر فيا بذيك الخزرة بسبتك راحتلي البوبية امري علا الله و ماركالو النميرو
قيس: سامي جي ولا تروح
سامي: جاي معاك... وخرجو مع بعض كل واحد شد كهربتو
منار تحكي:
باقية نسشور في شعري و عقلي مع جواد كيفاش قبل يروح قالي حتا العشية باش يرجع. والله نبقا نخمم فيه و في تصرفاتو نهبل كملت شعري و شفت فالمراية حطيت قصتي علا عينيا و حبطت راسي حيث شعري يغطي معظم وجهي و عيطت لسارة
منار: سارة شوفي فيا
سارة: بسم الله خلعتيني تقول شبح علاه مهبطة شعرك و راسك هكا ههههه
طلعت منار راسها و نفخت علا قصتها و ضحكت حتا بانت ضرسة العقل
منار: يعني نجحت الفكرة ههههههه و ضحكت بصوت
سارة: اواه اطفلة وقيلة هبلتي بصح ضحكت تقتل و ذيك الفوسات يا مامي غمزتها و ضحكت
منار شافت فالمرايا و هي مزالت تبتاسم وخرت قصتها اكوتي و حطت مساك طلعت بيه جيهة مشعرها و شافت في سارة
منار: خيرتي الروب ولا مزال
حكمت سارة الروب توريها لمنار
سارة: هذي جيك تفتق علبالي ليوم تهبلو لخويا مسكين
منار: اووو لالا هذيك لالا راهي عريانة و قصيرة نحشم
سارة: تقعدي بيا تحشمي جواد شافك عريانة محشمتيش تحشمي منا حنا نسا هههههه
منار وجها حمار منهدرت سارة و تخيلت روحها عريانة بين يديه بدات تروح علا وجها مالسخانة لي طلعتها
منار تحكي مع روحها فيق يا طفلة التخيل و حرام نتي وجهو و ماشفتيهش قاعدة تتخيلي... جات سارة حكات معاها و هي في عالم اخر جوزت يدها علا عينيها
سارة: هيهو نحن هنا وين رحتي ولا تفكرتي لبارح... عطاتها بضربة بين كتافها قريب خرجتلها قلبها وهي تضحك
منار: مسوفجة والله غير مسوفجة ههههههه
سارة: ايا قدامي قالو عريانة لازم تخلي خويا يهتري بيك
ذكا لازمنا ماكياج وينراه مكياجك
منار: هو.. فالحقيقة ماعنديش مكياج مش موالفة نديرو عندي غير ماجيك و كحل
سارة بصدمة: من نيتك عروسة ماعندهاش مكياج + تقراي في لافاك يعني ماكنتيش ديري
منار: ماعندي حاجة بيه جيست كنت ندير ماجيك و احيانا
سارة بخيبة: اواه نتي راح نتعب معاك تبعيني تبعيني لبيتي كملت جملتها و رفدت الروب في يدها و خرجت قبلها
منار: واش رايحين نديرو يا مهبولة في بيتك
خرجت مالبيت نتبع فيها و باقية نثبت فالكولوار و نشوف فخامة المكان علا تطليعتي نلمح ظل راجل عرفتو لي جواد...بزربة هبطت قصتي علا وجهي و رخيت راسي و قدمت بخطا ثابتة و انا نشوف غير في الجزء السفلي من جسمو و طريق جاوزتو حسيت برعشة في كل جسمي زربت في خطواتي شوية لاجريت هههه شفت باب بيت مفتوح لمحت فيه سارة دخلت و انا حاطة يدي علا قلبي
سارة: واشبيك تلهثي.. جبدت كرسي وشاورتلها باش تقعد خرجت سارة بوات كبيرة فيها كل انواع المكياج... منار: سارة واش هذا كامل تقول عليك حفافة سارة: هههههه شوية برك المهم نسلك راسي و غمزتها....مازالو ليام ونعلمك و لازمنا شوبينغ مع بعض و نجيبلك ماكياج منار: ههههههه مهبولة تاع صح والله سارة: ايا اسكتي خليني نخدم خدمتي غمضي عينيك بدات سارة خدمتها ربع ساعة و قاتلي صايي كملت حكمت الروب و حطتها في يدي سارة: ايا ادخلي لصال دوبان و لبسي و صبري ذك نجي... راحت جابتلي صندال دومي طالو بيضا و مشبحا بوحد ليبيار براسك كيما لي بيار لي فروب دخلت الدوش لبست سارة: بلاكي تشوفي روحك فالمرايا البسي و خرجي... خرجت و انا لابسة الروب سارة: آ حبي راكي تهبلي اصبر نصنعلك هذي و عدلتلي شعري ذكا شوفي روحك قدمت للمرايا و شهقت ياي راني نهبل و ضحكت حتا بانت غمازتي عمري تخيلت نخرج هكا كانت الروب مسنترا علا صدري حتا توصل لوستي منبعد جي انوفورم حتا توصل تحت ركبتي بشوي و صوندال زادت فيها الشطر و مع الماكياج كان سامل بزاف جيست خدمتلي عينيا و شفافي منار: يعطيك الصحة سارة و الله خرجت نهبل سارة بلا مزية مرت خويا لعزيزة واش اني نشوف فيك نسيتي تقوليلي كيفاش راني نبان نسيتيني ههههه منار: والله جيتي تقتلي البونطالو و الشوميز جاوك يهبلو.. كانت سارة مخليا شعرها مسيب علا كتافها ولبسن بنطالو اشوفي بيض و و شوميز فالبيض و فوقها فاست كلاسيك فالنوار توصل ليفاس تاعها و صاك فالكحل.و بيل فالنوار و مكياج سامبل جيست كحل و مسكرة و بريو لفر
منار: واش ماكثرتيش المكياجسارة: وي انا سيليبايرة حبي مش كيفك هههههه مانحبش نكثر نحب نبان ناتشيرال و نتي عروسة لازم هكا ...ايا ازربي هو يعيط جواد اكثر حاجة يكرها يسنا منار: لازم نجيب بوشاتي ونجي جي معايا سارة: اسبقي نتي نروح نبول و نجي هههههه منار: مهبولة والله.... خرجت و انا فرحانة راح نشوف يما.. ياااه زعمة يكون ثما فالبيت خليني نطبطب و نشوف منار مع روحها ؛ وقيلة مش هنا مزية ربي نروح نجيب نواضري و البوشات قبل ما يعصب عليا علا توصيلتي للقارد روب نفتحو و نخرج نواضري و نرفد بوشاتي نطلع عينيا و نشوف انعكاس صورتو فالمرايا لثواني ثبت فيه ملخلعة هبطت عينيا قبل ما نشوف ملامحو درت نواضري بالزربة و هبطت قصتي و وجهي و طلعت في تجاهو (كان لابس كوستيم مسنتر علا بدنو و فالنوار هذا لي قدرت نلمحو ) حكمت بوشاتي و زيرت عليها لعلو يروح الخوف و تحبس رجفت قلبي مع انو ما دار حتا حاجة تخوف لحد الان الا اني نحس بالخوف و رهبة منو جواد: خلاص وجدتي روحك نقدرو نروحو منار: بربثة نعم اني واجدة... دقائق صمت بينا اخترقها صوت سارة مالكولوار منار منار ايجا نهبطو ماما تسنا فينا خرج جواد يحكي معاها جواد: نتي وينتا تكبري اموصيبة حسك واصل لاخر النهج... قدم منها وفرفشلها شعرها سارة: جوودتي جيت رانا واجدين قربت منو و دارت دورة توريلو في روحها جواد: امممم صغرونتي راهي تهبل و قرب منها و باسها من خدها و هي عانقاتو... بقيت نثبت فيهم و لا اراديا تبسمت كان منظر رائع حب الاخوة يا ريت كان عندي اخ و يعاملني هكا... اممم يبدو انو هذا الجواد ماهوش كيما تخيلتو وحش خرج يحب ختو ههههه قربت منهم و وقفت وراه ديراجت طلت عليا سارة سارة: اوووه واش هذا امخلوقة لي دايراتو.... جواد يحكي وصلت الدار استقبلتني فاطمة و وراتلي واش فضات و راحت جهز روحها طلعت الدروج بزربة اخر درجة تضربني ريحة جال دوش دوخ عرفتها هي كملت وصلت للكولوار تكروازيت معاها كانت حاطة قصتها علا عينيها و راسها فلرض ماقدرتش نشوف وجها تبسمت وحدي والله و طلعت ذكية .....
