الجزء 25
شفت فيك كان غاطس فالنوم حطيت يدي علا خدو و مشيتها علا لحيتو سفتو يفتح في شهد العسل و قابلني بابتسامتو لي تسحر قرب مني و باسني من خدي شيرة الخانة و الغمازة.. مليوم راح تكون بوسي هذي حشمت تحركت قستو في نصو التحتاني.. منار اركح هي ترصالك نعاودوفالماتش.. بوزت بشفافي لالا يعيشك والله توجع.. بحركة سريعة قلبها تحتو نعبو زينو انا لي يتوجع هو لازم نحيلك الوجع بالمداومة يا روحي.. ضربتو علا صدرو زايد ماتحشمش.. منواش نحشم يا مهبولة راك مرتي و غمزها قام و هز الغطا و هي تعافر فيه حست بوجيعة حبست قرب منها و عانقها.. يعيش حبي ماتعبش روحك الوجعة راح تخف بعد مدة. هي بقات سارحة مع كلمة حبي هو صح ماقالهاش نحبك انا كل تصرفاتو تقول لي هو يحبها و يفنا فيها.. شافتو روح لبيت لبانيو ركح امورو وخرج لاف منشفة راح للقارد روب و هو يكلم فيها.. صغرونتي روح دوش و راح نحضر احلا فطور لاحلا صغرونة كمل لبس و خرج رحت دخلت الدوش شفت روحي عريانة ياويلي ليلة لبارح جات بين عينيا و انا نشوف في طراس علا رقبتي و صدري و تقريبا كل جسمي حطيت يدي علا شفافي لي تنفخو من مصو ليهم و بوسو تبسمت و انا نطعم في بوساتو عمري تخيلت راح نكون انا و جواد في علاقة دوشت و خرجت و مزال الوجع عليا ان شاء الله تخرج صح تاع كي ديري علاقة لوجعة تاع ليغاقل تنقص ههههه.. خرجت لبست دوبياس فالبيض و روب فالبلو سيبت شعري و حطيت من برفانتي و خرجت نشوف واش راه عامل نعرفو يدخل لكوزينة يروبلها وصلت علا غير العادة كان مسيطر علا الوضع شفت الطابلة كان حاط حليب و قهوة و جي كرواصون شكلو موصي عليه و عسل ..جوودتي يااي ليوم عملتها من غير مساعدة.. قرب مني و حطني في حضنو ليوم راح ناكل من يدك.. هههه كانو اول مرة ياك تقريبا شهر و انا نوكل فيك.. اممم و حاب انا نوكلك هبلها و هي في حضنو.. جازو ليام و جواد و منار غارقين فالعسل
فالجيهة لخرا كان يخمم كيفاش يرجع اعتبارو لازم هو ذكا لي يظهر فالساحة و يفعهم الثمن.. رجع جواد للخدمة و طلب ملف مراد لكن ماقدر يثبت عليه والو السجل تاعو كان نظيف حتا وقت الحادثة زور وين كان.. جواد: هذا سور محمد راه يدعم فيه و عندو واحد كادر بيناتنا لي قدر يخرج منها بهذيوالسهولة.. البوس: وصل الوقت لي نقلبو اللعب جيهتنا لازم منار تعرف كلش كلش بيدها.. كانت منار فالفاك مع لبنات حتا وصلها ميساج من رقم مجهول... اذا حبيتي تعرفي حقيقة زواجك من جواد و حقيقة باباك ادخلي البيرو لي في بيتك راح تلقاي جواب لكل سؤال.. سارة: واشبيك منار لونك انخطف.. منار: لا لا والو حسيت بوجعة في كرشي برك.. رجعت لدار و انا بالي مشغول مع لميساج حتا كي طلبت الرقم خرج خارج التغطية جزء مني يقول خبري جواد و جزء مني حاب يعرف السبب لانو جواد لحد الان ماجاوبش علا اسئلتي ..دخلت الدار و انا مورااي فزيرو دوشت و رقدت.. حسيت بيه كي دخل بيت النوم لكن ماقدرتش نوض نحس في راسي رزين حسيت كي تسطح حذايا درت لعندو بلا ما نحكي غرست راسي في عنقو نستبن ريحتو.. جواد: شبيك صغرونتي هذو ليامات ماكيش عاجبتني.. منار: توحشتك برك و نتا راك جي روطار مانيش نشبع منك.. قريب يوفا كلشي و راح تمل مني نتي اصبري برك... بعدت منار عليه وقفت بالقفا عليه شاف قطرات دم علا. لاريار تاعها.. جواد: ذكا فهمت علاه صغرونتي هكا هي وقتها ..خزرت فيه بتعجب علا واش راك تحكي.. هههههه شوفي وراك.. شفت بزربة و حكيت اووو مش وقتها هذي الهم.. قرب جواد منها و حط يدو علا كرشها.. راهي توجع فيك.. لالا اصلا ماحسيتلهاش اول مرة جيني هكا.. بعدت عليه و راحت للقارد روب خرجت سليپ و سروال و راحت لدوش..
2
خرجت مالقيتوش فبيت النوم رحت الصالة لقيتو متكسل علا طول الفوتاي رحت وقفت قبالو.. جواد حابة ناكل بيتزا.. ضيق عينيه و شاف فيها ماتقوليليش راكي تقراي افكاري اني دمونديتها وحد العشر د توصل قربت منو و تكسلت بحذاه و حشيت راسي عندو هههه تفكرت المرة لي فاتت كي جاتني و كنت هابلة عليه.. صغرونتي راح تخنقيني مش هارب.. بعدت وجهي من حضنو و طلعت شنايفي مش مني الله غالب في ذي البيريود يصرالي هكا و حسيت عينيا يتعمرو بدموع.. حكمتها و عنقتها جاتني شغل طفلة صغيرة تحكي بغصة و دموع في عينيها مالقيت كلام احسن من اني نعانقها و نحشيها بين ضلوعي حسيت بيها كيف تجبد فالنفس تستبن تقول عليها تتوحم ملا فرخة مش عادية حتا في هذي.. بعد مدة وصلت الطلبية انقضت عليها حتا من حقي كلاتو بعد ما كملنا رحنا تفرجنا فلم نصو ماشفتوش و هي كل مرة تبوس فيا و لا تعانق هبلتني حتا حسيتها خنست و رقدت رفدتها بين يديا و روحت بيها لبيت النوم... فقت الصباح لقيت روحي في حضنو بعدت رحت لبيت البانيو ركحت اموري و خرجت شفت مفاتيحو فوق الطابل قربت فتحت البيرو و خليتو مفتوح لانو قررت نشوف واش السر لي يحكي عليه ذاك المجهول رجعت النفتاح وين كان و رحت نوجد الفطور رجعت نوضت جواد وصلنا للجامعة وراح لخدمتو ..في هدا الوقت دخل قيس كشر شوف الطحان واش بعث.. نتوما ديتو الشحنة و ذكا انا لي راح نبدا اللعب اووبس ديجا راني بديت.. قرا جواد الميساج و مافهمش واش قصدو بقا يغلي وحدو طول ليوم.. فالعشية روحت منار و سارة للبيت كانت طول اليوم علا اعصابها اول مادخلت البيت بدلت و دخلت البيرو كانت خطاواتها مترددة اول ماوصلت بدات برجفة تفتح في القجور تخرج كل الملفات وقعت عينها علا ملف محمد عبد الرحمان..نفتحو عينيها مالصدمة واش يدير ملف باباها فتحاتو بزربة و بدات تقرا و الصدمة علا وجها و دموعها دايررين طريق مستحيل انو بوها يكون مجرم لالا مستحيل و راه حي و زيد سمح فيها.. غلقاتو و رماتو علا طول جهدو شافت ملف تاعها عينيها وساعو بقات تقلب و دموع يسيلو و مرسومة بسمة تاع استهزاء في وجها يعني كل واش عشتو هذو ثلث شهر يعني مجرد خطة داروها للقبض علا باباها و هي الوسيلة الوحيدة باش يحكموه يعني ماهتموش انو يقدر ياذيني اذا كتاشفو لي هي مزوجة مع شرطي ولي هو بدورو خدعها و خلاها طعم هو لي راح يضحي بيها علا خاطر خدمتو.. فعدت لرض و بدات تبكي بحرقة.. ذكا عرفت وعلاه دار هذا كلش علاه زوج بيا و مانپا ماحبش يشوفني.. مسحت دموعها بيديها لي كانو يرجفو ..جواد و محمد راح تخلصوها الاول جابني لدنيا و سمح فيا لذيب لعب بيا و كنت مجرد مهمة ليه... خرجت نكرركر في رجليا قعدت علا السرير و انا نتفكر في واش جاز عليا.. مش حابة نبقا معاه خلاص لي مادارهاش بابا كمل عليها هو خرجت و هي هايمة مش عارفة وين تروح رجليها بداو يرجفو ر اسها يثقال حست بدوخة قعدت قبال كرسي مالقاتش واش دير غير انها تعيط ليماها لي خرجتلها طول عاونتها حتا وصلو لدار طريق كامل و هي تبكي دخلت شمبرتها و يماها معاها.. واشبيها بنتي نوارتي علاه تبكي.. منار: يما علاه ماقلتيليش لي بابا حي و هو سمح فيها.. كانت يماها حاسة انو وصل الوقت لي لازم تحكيلها فيه كلش... يا بنتي قبل 15 سنة كنا عايشين حياتنا مهنيين كان باباك عميل و كان عندو زوج شركا لي هوما اسماعيل و ابراهيم كانو المهمة لي يحكموها يحلوها حتا وصل وحد نهار قالي باباك راح يروح لاسماعيل يقولو انو المشروع خلاص كمل و يقولو علا كلمة السر لي كان هو ابراهيم داروها لكنو كان اخر يوم نشوفو فيه و بعدها قالو انو خان البلاد و قتل شركاء تاعو و هرب.. لكن انا عمري نصدق
