الجزء 3
راح يشوفني بقا غير ضو خافت يدخل التاقة جواد: واش كاين علاه طفيتي الشو و علاه مازالك هنا منار: س س سحاب الروب راه عالق ماقدرتش نهبطو وحدي حسيت بخطواتو و هو يتقدم ليا كل ما يقرب كل ماقلبي نحسو يضرب حطيت يدي عليه كاني نحاول حبسو و انا نوعش بكلي كانو روحي راح تخرج واش هذا الحضور لي عندو حاسو راح يسمع دقات قلبي اذا زاد قرب لازم نلقا حل حكممت اطراف الروب باش نهرب هذا هو الحل نهرب ثواني و يكون ورايا في وقت راح نخرج فيه يحكم يدي و يدورني بحركة وحدة جيت مقابلة صدرو ريحتو روهجتني و قلبي راح يحبس دقاتو يمكن الجوارين سمعوها محكا والو غير صوت انفاسو لي نسمع فيه يد كان حاكم بيها يدي و يد قربها مني في ذيك اللحظة غمضت عينيا و صوت انفاسي علا مالخوف انو يكون قريب ليا بعد تهديدو يعتبر عذاب يدو وصلت لظهري لعاري نحطت بخفة عليه تفكرس علا السحاب ثواني جازو عليا سنين مانحس غير بالروف ترخفت علا جسمي اوووب جي طيح بحركة سريعة فتحت عينيا و شهقت فرد شهقة و حكمت الروب قبل ما طيح من جسمي حسيت بيدو كي رخفت حبيت نطلع راسي و نشوف وجهو لكن انا اضعف من انو نحاول نسرق حتا نظرة اذا وقوفو قدامي صرا فيا هكا و انا ما شفتوش واش يصرا بيا اذا شفتو... بعد عليا و دار شيرة السرير و تكلم جواد نضن تقدري تخرجي ذكا و ماتنسايش واش وصيتك رفت بجامتي لي طاحت لرض و خرجت نجري وصلت للاريكة قعدت حاطة يدي علا قلبي و نروح بيد حسيت سخانة طلعتلي يا ربي عاوني يا ربي بقيت وقت في نفس الوضعية حتا رجعت دقاتي عادية نعلت الشيطان و بدلت و بقيت نشوف فالصالة حتا جات عيني علا بلاكار رحت فتحتو لقيت فيه لاناب كبير خرجت و تسطحت علا الاريكة و تغطذت بيه نخمم واش ندير في حياتي الجاية و واش من طريقة نمارسها باش ما يشوفش وجهي و في نفس وقت نواجهو. جات في بالي فكرة قلت غدوة نسيها و غميت علا روحي و استسلمت لنوم
جواد يحكي خرجت مادوش لاف منظفة علا .وصتي نشوفها قدام الباب تفارع مع روب قدمت منها حتا قص الضو ولا نقول طفاتو ضيقت عينيا و حدقت فيها و قتلها شبيك قصيتو الضو جاني صوتها مربوث و خايف و صدمني جوابها بالحق خرجت عندها طرف عقل و قصت الضو باش مانشوفهاش قربتلها حسيتخا زادت دخلت بعضها و جات تهرب كنت اسرع منها و حكمتها من يدها و قربتها مني كانت قريبة مني حسيت بخوفها من رجفت يدها في يدي شيختني ربثتها بقيت نشوف معاها و هي وجها في صدري و فتحتلها السحاب حسيت بكورون في كل جسمي سرا و انا نمس في ظهرها العاري زربت هبطتو جاني احساس قوي نطلعلها وجها و نشوف ملامحها لكن سرعان ما دراكت الامر و تفكرت هي شكون و بعدت شعرة لا طاحتلها الروب.رحت تسطحت و غميت علا روحي نريح شوية من هذو الافكار... فقت الصباح علا صوت جاي ماصالة واش،راهي دير الهم هذي صباح ربي اش مقيمها فتحت عينيا بالقدة و هزيت روحي لدوش ركحت اموري و خرجت لبست زيي الرسمي و حطيت شارتي برفنت و جيت خارج قلت خليني نطل عليه فتحت الباب و جات مقابلتني فيساع قلبت منظرها مالحقتش حتا شفت شي قربت منها بخطوات ثابتة مسموعة كانت عاطيتني بقفاها. كل لي نشوف فيه هو شعرها المسيب واصل لوسطها كانت لابسة بجامة روز واسعة علا جسمها كانت تبان قزومة شفت لطابلة كانت محضرة قهوة و حليب و خبز و عسل و زبدة و جي علا الاقل طلع منها حاجة قعدت مقابلها و فرغت القهوة و شعلت سيقاري و هي لتوها لا ترحكت من مكانها جواد: راحة فيك تتحرك ماناش في ساحة العلم و تبسم شطر تبسيمة حسيتها تنفست بعد جملة لي قلتها... تحركت و راحت تجلي في كيسان يبدو لي شربت فيهم سرحت في افكاري و في مهمتي لي حلها شطرو عند هذي البنية حتا جاني صوتها منار: تفطر هنا واش حاب نطيب علا الفطور جواد: بصدمة لالا نفطر فالخدمة حتا العشية نرجع ماتوقعتش تقول هكا من بعد واش قلتلها لبارح قلت يمكن تسممني و تنتقم غريبة هذي البنية طفيت السيقار و رفدت روحي و قلعت للخدمة عند سارة فقت صباح ناشطة بعد طرح احلام كي لعادة بفارسي المغوار ههههه ركحت لبيت البانيو دوشت و نشفت شعري عملتو كعكة لبست شورت لارج و لبست خلعة فالبلو و شكلاطتي ديراكسيون الكوزينة لقيت امي تشرب في قهوتها سارة: صباحو يا زيمونة وباست امها امي: صباحو نوارتي سارة: وينهم العرسان توهم الا ناضو واش رايك نهد عليهم الام: يا مسيبة وينتا تكبري عرسان و صباح عرسهم واش ينوضهم علا تكميلة كلامها تلمح سارة جواد جاي، سارة: الا وليدك مستحيل حاجة تبدلو صباح عرسو زادم للخدمة و سامح في ذاك ازين الام: ياااه والله غير هو جواد: صباحك زين يالغالية وباس راسها و راح باس سارة من خدها سارة: صباحوو يا بو الجود صباحك عسل و غمزاتو جواد: عيشو الصغرون لي تعلم يغمز و يضرب لمعاني لخوه الام: وين بيها يا ولدي راك عريس و ليوم صباحية عرس لازم نروحو لبيت حماتك جواد: جات لبالو فكرة امي نوصل للمركز نركح اموري و نجي وجدو رواحكم سارة: ياااي جو جو راح نروح لمنار و نشوف واش نلبسو و ناضت تجري كي المهبولة جواد: ايا نخليك يا لغالية روح شي سعتين و نجي وصي الشفور يجيب قضيان لي خصك الام: بالسلامة عزيزي تهلا في روحك وصلت لباب بيت جواد دقيت دقيت جاني صوت مالدوش
منار: ادخل سارة ادخل سارة: وين عرفتيني يا مصيبة
منار: جاية تقول مداهمة من اخر النهج سمعت صياحك
سارة: هههههه قريب هبلت قلت الطفلة مسكونة دخلت سارة قعدت فوق السرير. تقلب في عينيها فالبيت في داك الوقت خرجت سارة لافة روحها في كاب الحمام و تكلم في سارة
منار: صباحو سرسورة
سارة: صباحو مرت اخي الحلوة عندنا شغل لازم نرجعك اميرة ذكا ههههه رايحين لداركم بعد ساعتين يجي جواد يروح بينا
منار: اووو و شكون صاحب الفكرة هذي تخزر في المرايا و تشيح في شعرها بالمنشفة
سارة: شعرك محلاه منار طويل يهبل منار: يعيشك سرسورة سارة: ايجا هنا رواحي نعمل هذاك الظعر التحفون اممم واش رايك نسيبولك و لا نطلعو خير تفكرت سارة كلام جواد و انو لازم ما يشوفش وجها
منار: امممم نسيبو احسن و بلا ما نتعبك عزيزتي نسشورو وحدي
سارة: اوكي مالا نخيرلك لبسة انا... رحت نخير لقيت روب فالڤرونة تفتق جاية تحت الركبة اونفورم و مالصدر مخدومة بلي مونش دونتال فيها وحد لي بارل بطول صدر و ظهرها عريان لنصو جواد يحكي وصلت لمركز تعديت طول للبيرو رفدت تليفون و عيطت لمساعد تاعي
جواد: جيبلي دوسيي تاع ***** و شوفلي السيد قيس و سامي اذا وصلو قلهم يجوني الظابط: حاظر حضرات جاز وقت و دخلو ذوك الهاملين و تبوليد تاعهم الماسط بدا
سامي: صباحية مباركة يا عروسقيس: لا تعليق عليك صحوبة ليوم جاي تخدم والله لاك نورمال جواد بلعو عليا في زوج دوسيات دفعتوهم لجامعة واش صرا فالقضية قيس: عرفنا بدا الخدمة.يوشوش لسامي جواد ضيق عينيه و قحرلهم كان راح يشعل فيهم حتا نطق سامي عرفو خلاقو شايقة و متوتر سامي: خلاص ريڤلينا الامور نقدرو نلتاحقو مالاسبوع الجاي كلش جاهز مالاسماء للبس للخدمة جواد: باهي حضرو روحكم مليح و ريقلو اموركم لازم مكاش اي غلطة ولا كلش يروح راهي اكبر مهمة واجهتنا. قيس: بجدية كون هاني شريك علبالك فالخدمة مكاش اللعب جواد: علبالي صحوبة علا هكا خيرتكم نتوما زوج ليها و مكاش لي نثيق فيه قدكم سامي: راني متشوق للخدمة ثما راني قريب نطير ههههههه
