الجزء 22
ماوصلتوهاش ... معلييش زيدو جربو المرة هادي بصح هاد المرة وصلوها ل 1100 جاام .. وليكومنتاار تاني زربعوها ..
ايا خلي جاام حبيبة باش نزيد نحط ..
منيتك بديتي بالسروال شوفي مليح داخل واش بقا.. قربت مالسرير فرغت فيه الساشي لمحت بوكسور وجهي حمار. كيفاش نمدولو هذا تقول دايرها بلعاني هاو يجي هو يرفدو.. رفدتو و انا نبعد في عينيا عليه.. جواد: هيهو راني مصاوب في ذراعي نورمانمو كيفاش نقدر نلبسوحدي.. شفت فيه شوفة تاع من قلبك تحبني نلبسلك سروالك و هذا الهم.. قربت منو و انا نرجف قتلو قعد منبعط طابست و بديت نلبسلو و صلتو لنص بعدت قتلو تقدر تكمل طلعو رحت شيرة التاقة فتحتها بكلها خلي بلاك الهوا يبرد وجهي.. شفت فيها كي حكمت البوكسور و السروال منبعد وصلتهم لنص حبيت نشيخ عليها اصلا كنت قادر نلبس السروال.. بعد ما لبستهم شفتها عاطيتني بالظهر كانت حاشمة علبالي حتا انا زودتها فرد مرة قلتلها هكا الطفلة داختلي من بوسة دخلتهالها ديراكت سروال ههههه منار دارتلي بربثة شفتها شافت فيا و حاكمة ضحكتها ضيقت عينيا و قحرتلها واشبيك ثاني.. سمعت اسمي منو درت بالزربة شفتو لابس اليرفاتمون رحت روب السبيطار ماقدرتش نحكم روحي كان كارثة.. رواحي نحي عليا الهم هذي ..شفت فيه حتا انا لازم نلعبلو باعصابو... اوو علاه راك تهبل بيها و حطيت يدي علا فمي نحكم ضحكتي ..شفتو سر علا سنيه و عروقو ظهرت.. يوو ليوم يومك يا منار مالقيتيش واش ديري تلعبي مع هذا.. قربت منو و انا خايفة رجلي تخبط مع بعض.. قربت منو حطيت يدي نفتح قفالي هزلي راسي بايدو من ذقني طاحت عيني في عينو.. مالزمش تخافي سمعتي حتا مني انا عمري نخمم نعملك شي.. هيا كملي نحيلي هذي السينيما عليا.. هزيت الروب نحيهالو بسياسة بقا قدامي بصدرو الميسكل و طبليطة الشيكولة حسيت بدوخة يا عالم يا ناس هذا المنظر قدامي و مانقدر مانبپا نعانقو وااااع فقت من سرحتي علا صوتو.. منار فيق وين راح مخك... انا بربثة ها والو والو راني هنا حكمت الديباردور و لبستولو كان مكبوس عليه يا قلبي الصغير لا يتحمل زدت لبستلو تريكو فالقري بعدت عليه نضبط التنفس تاعي رحت فتحت الباب دخلت فاطمة تجري تبكي و تعنق بعد ساعة باش فهمت لي هو بخير كنت واقفة وراه.. قيس: قرب من جواد و همسلو ياخي كنت تلبس برك حتا طولتو هكا.. سمعتو حسيت وجهي قوس قزح مالاحشمة.. اما سارة كانت عاقلة علا غير العادة و كان سامي مرة علا مرة يسرق منها خزرة.. جواد: صغرونتي واشبيك عاقلة هيا ولا ماتحبيش تعانقي خوك.. قربت سارة بالزربة حشات راسها في صدرو كان يمسد عليه بحنية محلاه حب الخو ياريت كان عندي خو في ظهري كيفها.. في هذا الوقت يتفتح الباب بقوة.. اسيل باعلا صوتها ڤود مورنينغ وامها تضرب فيها علا ظهرها يجيبلك مسيبة بهدلتينا بلعب فمك.. اسيل آي نعيمة وينها الانوثة تقول راجل خبطني و تكمل تدخل و تشوفهم كامل ثم اكتفت بتبسيمة تاع تبهليل.. يخرب بيتك يا اسيل نتي ولافوا تاعك.. دخلت مها تقحرلها و راحت عانقت جواد.. قربت سارة من اسيل.. برافو اقزمة ملا تبهديلة ديتيها ليوم ..بلعي عليا مانيش خاصة.. قيس كان شاد روحو علا الضحك من تصرفاتها هي و امها قرب منها و همسلها انتي قزمة وهذا الصوت كامل يخرج منك قحرتلو اسيل و ختارت تسكت لانو مها تتحلف فيها... جواد لاسيل: سمعيني صوتك يا قزومتي شفتك لبارح تبكي عليا و خرجلها لسانو.. بكيت لانو خفت.علا عدوي اللدود ..نبزتها مها ولات سكتت.. فهمنا من سامي انو يقدر يخرج اليوم وصلنا لبرة جا يركب مالقدام ماخليتوش ركب مالور و ركبت قدامو سارة ركبت حذا سامي جواد كان مش عاجبو الحال مي مكاش واش يدير اما قيس ركب الامهات و اسيل بحذاه مرة مرة يسرق نظرة منها.. سامي كان متوتر لانو جواد كان معاهم و سارة اكثر منو ماهو قدر يخزر و لا هي شلقت بيهم منار
قررت انو لازم تلهي جواد لانو بقا عاس عليهم كانو شاك انو في شي بينهم حتا و ان كان سامي عشيرو مايحبش علا اختو.. حكمت منار ايد جواد.. شاف فيها جواد بحيرة بمعنى واش كاين.. مالقات منار واش تقول قالتلو حبيت نقارن يدي مع يدك.. فكرة غبية مالقيتيش غيرها امنار.. جواد بهمس انتي صغرونة و كلش فيك صغير و انا كلش فيا كبير غمزها و رجع يكلم سامي.. اما منار كانت خارج التغطية كلامو ديما يدخلها الحيط جرئنو لي تهبلها و تخليها تهبل في مخها ماتقدرش توقع واش يدور في مخو اما هو شلق انو عملت هيك لانو شي في راسها لانو عمرها كانت هي لي تبدا ديما المبادرة منو حتا يدو اول مرة هي لي تحكمها.. سارة : جواد ذكا كيفاش دير ترجع للفاك تقري ولا كيفاش ههههه.. منار: خليه يروح يرحنا مالابحاث هههه..جواد: كي رجعت هكا الحد نخدم و نشوف بحثك الالة.. منار: والله البحث عاوني فيه زوجي يا سي ايمن اي كمونتار قولو ليه... امم طلع عندك لسان يااه و قرصها من وصتها شهقت و حطت يدها علا فمها دارت سارة عندها شبيك منار.. لالا والو.. اما جواد بقا يتبسم طاحت عينو في عين سامي خزرو تاع راني فاهمك.. سامي: نيالك جواد راح تبقا شهر و نتا قاعد.. نخاف تفقد ليلقتك البدنية و غمزو.. جواد: ماتخافش عليا حتا و يدي مصاوبة نقدر نبراتيكي عادي و تبسم و شاف في منار.. كانت سارة و منار كالاطرش فالزفة مافهمو والو.. سارة: واش من براتيك راك مصاوب.. سامي: ايه ختك عندها الحق حافض علا روحك و ترشق بالضحك.. وصلو للبيت ترما جواد علا الفوتاي اما منار طلعت لبيت دوشت و بدلت.. فاطمة: ولدي راك جيعان.. اممم ميت بالجوع.. انا هنا و وادي يموت بالجوع قامت راح تروح لاكزينة جاها صوت منار.. امي خلي عليك ابقاي معاهم و راح انا نطيب.. اوو بزاف عليك وحدك بنتي.. لااا عادي و سارة راح تعاوني.. انا راكي معايا.. هزتلها بمعنى ايه سارة: بابتسامة بلهاء ايه ايه انا..حتا نتي اسيل تبعيني منار: جواد حاب حاجة سبيسيال.. جواد: اممم مقرونة و تبسم.. شافو الكل فيه.. فاطمة: بسم الله مقرونة و نتا مصاوب.. تبسم جواد ورجع شاف في منار.. حتا هي تفكرت الفازة و تبسمت حتا بانت غمازتها.. شلقت سارة و سامي و قيس انو كاين قصة ورا هذي.. منار: يبدو راح نطيبلك علا ذوقي.. جواد: هههههههه ماتنسايش الكيك.. كانت فاطمة فرحانة حست انو وليدها علاقتو طورت مع منار الكل كان قادر يشوف الحب في عينيهم حتا صحابو عمرهم شافو هذا الجانب من جواد.. عرفو انو منار شخص غير عادي في حياة جواد كانو يدعو في سرهم انو ان شاء الله ماتفرقهمش المهمة و لا محمد تاع ز.. دخلت سارة و منار لكوزينة.. منار: ايه نتوما زوج اني نسنا احكو واش كاين بينكم و بين صحاب خوكم.. حشمو في زوج و ردو فرد مرة مابينا والو.. شافت في اسيل: ابداي نتي اني نسمع.. بدات تحكي منهار تلاقاتو حتا لاخر جملة غير انو باسها ماقالتش.. حتا سارة حكات واش صرا معاها و جاوزت المواقف المحرجة تاع السوتيان و البوسة تاني.. كملو يطيبو و منار تعلم فيهم اما ماكلة جواد هي طيبتها وحدها.. منار: لبنات ونتوما واش تحسو معاهم.. اسيل: فالاول كنت معجبة بيه منبعد مكلامو كرهتو وطلعت شنايفها.. سارة: انا ماعلباليش واش نحس جيهتو مشاعري ملخبطة.. منار: راهم صحاب جواد ماشكيتش راح يديرو شي مش مليح خليهم هوما يديرو الخطوة الاولى.. عسو تفيقوها جواد يعرف يقتلكم في زوج ههههه.. سارة و اسيل ضحكو مانخافوش راكي معانا جواد راه قريب يهبل بسبتك.. منار.. رويجلي و نهبلو عندكم مشكل ..اسيل: رواحي رواحي واش حكاية المقرونة.. منار: اوو عيب اسرار زوجية.. كبشو فيها حتا حكاتلهم شوية
