الجزء 30
لازم تعطي لحبكم فرصة.. علبالي بصح نخلي قلبو يخرج منبعد نسامحو نوريه الزنباع وين ينباع الحلوف خبا عليا بصح لازم نشوف بابا و نفهم منو علاه خلانا انا ويما.. بعد ما قصرو حتا شبعو حست منار انها ريحت كي حكات واش كاين في قلبها بدلت خولة لبستها ولبست بودي سور طاي و شورت عريض و طلعت شعرها كعكة.. اه يا لبغلة نتي خادمة البحث و كركرتيني.. بلعي علبالي كنتي كارهة الدار ايه روحي اصنعي لاباج دو قارد و ريقلي واش بقا نشوف عيشوش واش طيبت.. الله يستر راه ترجعي بالو خرجت منار للكوزينة و بقات خولة ثما بعد ساعة كملت خولة الخدمة غلقت البيسي و راحت تتعشا معاهم هوما ياكلو حتا يعيط صالح.. عيشة راح نبعثلكم كرهبة راح تنقلكم لبيت وحداخر بلا ماتناقشيني فهمتي و زيد شكون لي جات عندكم.. هذيك صحبت منار عندهم قراية لارم يكملوها كانت تحكي داخل الكوزينة و خولة و منار يلمو فالطابلة حتا سمعو لباب.. خولة روحي افتحي تكون المرا لي موالف جيب القضيان.. راحت خولة وهي تخمم واش يجيبها هذي فاليل فتحت الباب و تشوف رجلين راجل بدات طلع في راسها من كرعيه و هي طالعة ( اوو هذا بوطو مابغاش يكمل ) حتا وصلت لراسو لي حتا هي عنقها قريب تعوج باش شافتو.. خولة في قلبها ما هذا يا خولة انه حبة باقلاوة متنقلة اوو سانقض عليه مايبانش دزيري وقيلة غلط هرب من كاش مسلسل تركي تقول اياد بيك ..بقات تتبسم بتبهليل و هي تتخيل فيه ممثل تركي و مافاقتش لواش راهي لابسة.. انسة ضيعتي حاجة في وجهي.. هبطت راسها مالحشمة حتا تشوف معالقها ( سيقانها ) عراية و تشوف لروحها و تعطيها بجرية لدار و هي تحلف في منار.. اول ماتفاهمت مع جواد علا الخطة رحت لواحد من رجال ضربتو و لبست لبستو و توقعاتي كانو صحاح عيطلي واحد قالي نديهم لدار جديدة كنت معول نسلكهم لكن ضطريت نبدل الخطة لانو جا معايا واحد من رحالو و كنت مضطر انو نكمل فالتمثيلية رحت انا لي نعيطلهم كنت حاب نشوفها انا نطبطب و قلبي يزيد يضرب اول ما فتحت الباب بقيت نثبت فيها كانت الطفلة لي جات قبيل بقيت نثبت فيها واشبيها هذي خارجة تفتح الباب بهذي لبسة كانت قنبلة موقوتة كانت مطلعة شعرها كعكة بشكل غير مرتب خصلات طايحين علا وجها عينيها كبار و شفار مقلوبين نيف صغير و فم مليان وخدود منفوخين حواجب مقوسين هبطت بعينيا علا جسمها عينيا قريب حوالو صدر واقف باين شطرو مالبودي لي لابساتو كرش مسطحة كانت لالسة شورت عريض وسيقان سمورة المشكل كانت قصيرة و انا نحب الطويلة بقات تشوف فيا و تهدر في كلام مش مفهوم بقلاوة و اياد بيك و مسلسل تركي اواه تبانلي مهبولة فاقت علا روحها كي حكيت شافت في روحها و منبعد هربت تبسمت مهبالها الطاهر ما كانتش دايرة حساب اني راجل بعد مدة جاتني مرة تبان كبيرة يبدو انها ام منار.. تفضل يا وليدي نتا لي بعثك صالح ..ايه انا هو خالتي.. قعدت فالصالو و راحت هي تعيطلهم.. خرجت طفلة لابسة روب طويلة و حاكمة شعرها للفوق كانو عندها نفس عينين محمد و عينيا عرفتها لي هي منار حسيت بشعور غريب و انا نشوف فيها حكمت روحي بسيف حسيت دموعي راح يهبطو اول ما وصلت عندي حكات بغضب معا يماها يبدو انها مش عاجبها الحال انو رايحين خرجت هي حتا نشوف في نفس طفلة مقبيل جاية و كانت لبسة سروال و ليكات توصل الركبة و شعرها بقا نفسو كانت تكركر في كابة قربت منها و نحيتهالها من يدها اول ما وصلنا للكرهبة حتا تعطيها بعيطة حطيت يديا في وذنيا.. منار نسينا البيسي و راحت تجري رجعت جيبو رجعت وراها اول ما وصلت لقيتها معنقاتو و تبوس فيه و تقول.. حبيبي الصغرون اسمحلي نسيتك حقك عليا.. ماغلطتش كي قلت مهبولة اول مادارت شافتني تعاود تعيط ماجاب راسها رحت نجري حكمتلها فمها بيدي.. اششش واشبيك دايتها غير عياط تعاودي تعيطي نضرب... نغاشيك.. بقات ترمش هكذاك و دموع في عينيها نفخت بقوة منبعد قلتلها.. راح نحيلك علا فمك تعيطي ندفنك هنا و مكان لي يجيب خبرك هزتلي براسها ايه رجعنا ركبت القدام و هوما ثلاثة مالور.. منار: يا لبغلة بيسي كامل تنسايه وزيد واشبي جدك لونك مخطوف.. منبعد نتفاهمو نتي و زيد والو خفت عليه برك.. مهبولة اربي نتي عمرك 22 سنة تقول مخك تاع ذبانة.. اكسكيوزمي ميسيز عبد الحق خاتمي و تليفوني و بيسيا خط احمر نقتل علا خاطرهم.. اه يا ربي نكمل نهدر معاك نهبل.. حسام بدا مخو يخدم مع هدرة خولة حكم غير الخاتم مي ماهيش دايرة واحد واش قصدها اووو نوض نوض ركز مع الخطة و منار.. بعثلو جواد ميساج يطمنو انو كلش راه تحت السيطرة.. حتا هو و طمنو و قالو لي راهم معاه ..كان جواد حاكم روحو بسيف باش مايزدمش عليهم خبرو باخر التطورات و انو لازم يديهم لموقع لي كان فيه..وصلو لبيت كانت كبيرة و كانو رجال بزاف يبدو انو هذا هو المخبأ تاعهم وصلتهم لطابق الثاني دخلو و هبطت نشوف لمنطقة كانو رجال في كل بلاصة ملمومين و سورتو وحد الجيهة باين كاش مافيها و مانقدرش نروح نسقسي راح يكشفوني بقيت عاس ذيك الليلة و حتا جديد مكان وماكان لي دخل و ماكان لي خرج فالصباح جا صالح طلع عندهم و خرج لكن يبدو انو مجرد واحد وخلاص مكاش لي تحالو لانو فالمافية كل واحد اعلا مرتبة يتحي الاخر. وصيت جواد انو يروح يتبع صالح ووانا نبقا هنا كاش مايصرا.. كي جا خارج صالح رحت جيهتي زدمت فيه بحركة سريعة قدرت نلسق في ساعتو جهاز تنصت هكا نقدرو نسمعو واش يقول قلبي مش مطمني جيهتو هو لي راح يوصلنا للبوس... اول ما خرج راح تبعو جواد لكن كلش كان عادي حتا وصل الليل عيط هو لواحد و خبرو بشي خلاني نبقا مصدومة مزية كان الجهاز متصل مع سلك الشرطة حتا جواد عينيه وساعو و قرر لازم ذكا يخرج منار منعندو.. حسام قدر يقنع جواد بانو راح يحمي منار واذا صرالها شي راح يقتلو و يشرب من دمو تبسم حسام و قالو ماتخافش راح نفديها بروحي.. حتا من جواد حار علاه حاب يسلك منار هكا و هو ما عندوش صلة معاها هدف تاعو محمد و لقينا طريق ليه و الدليل..راح حسام دخل عند منار لدار لقاهم مربوطين فالكراسة و كانت شفاف منار مفلقة بدم طلعلو الغاز لراس فكرة انو رفد يدو عليها حتا يماها و لي معاها ماكانوش بعاد عليها ..شوفو راح نخرجكم منا بصح بالكم ديرو حس.. منار: لالا مانجيش معاك راح تنحيلي صعبي منبعد تقتلني هو هو بعثك و دخلت في هيستيريا تاع بكا ماكان مني غير اني نقرب لعندها و نحضنها باش تهدا.. ششش راني هنا منار خوك راه هنا راح يحميك من كلش.. ماآه عيط لجواد يديني هو لوحيد لي يقدر يسلكني منو.. حكمتلها وجها بين يديا و قلتلها شوفي في عينيا راني هنا و حاجة مش رايحة تصرا.. اول ماحضنيحسيت بشعور غريب اول مرة نحسو كان حضنو دافي و حنون مختلف علا واش نحس مع جواد تفكرت جواد ايه كلش بسبابي كان بقيت معاه راه حماني منو حتا طمني هذا راجل و قال انو راح يحميني مع انو معاهم و لا هو مالبوليس و يخدم معاهم.. اذا صح تعرف جواد اطيني نحكي معاه.. اول ما شفت رقم حسام قلت كاش ماصرا لمنار قلبي حاسو راح يخرج من بقعتو و صالح راه راجع لمقر. ربونديت عليه جاني صوت عمري اذا نقدر ننساه صوت صغرونتي و حبيبتي ..الو جواد هذا نتا توحشتك جواد ارواح سلكني منهم حابين يقتلوني.. شش عمري ماكاش لي راح يقربك راكي مع حسام و راح يعاونك تخرجي منثما و انا راني برا مع صالح اعطي لحسام التليفون.. وي ايه.. اوكي خلاص.. اول ما سمعت كلام جواد
