الجزء 14
منار: اوكي هيا نروحو.. راحو لبنات لاصال كانت منار مترددة منار: راني حشمانة يا لبنات اذا ندخل عندو اسيل: لاه راح ياكلك تامر: شكون لي راح يقربها و نتي معاها... قرب و هبط لوذنها همسلها اسيل: و حاطة يدها علا قلبه بعدت عليه و دارت عندو قحرتلو قريب حبستلي قلبي تقول سارق تامر : يحك في شعرو لالا انا الشخص الخير هنا سارة: احم احم رانا هنا و كي شغل جينا نحوسو علا البروف و لا اني غالطة جاز عليهم تامر و فتح لباب و دخل و هدر مع البروف و هو مازال فاتح الباب منار قربت للباب و دخلت راسها استاذ دقيقة اذا ممكن طلعت راسها و جات عينها عليه حست قلبها راح يحبس ايمن: بربثة احم نعم يا انسة تغضلي يحاول يهدي روحو و يبان طبيعي منار: قربت منو و هي مازالها مصدومة ( يا ربي كيفاش مافقتش مقبل و مللحظتش التشابه يمكن ما تولهتش وقتها لاني ماكنتش شفت وجهو يا ربي ذك نهبل راه نسخة عليه غير لون العينين مختلف و الكوب تاع شعرو و الصوت مختلف صوت جواد اخشن من صوتو الباقي كانو جواد يبانو توام معقول يكونو توام لالا ماشكيتش هذا عينيه خضر حاسة راسي راح يتكلاطا ) ايمن: انسة راني نكلم فيك منار: اسنحلي استاذ ج ج جيت علا خاطر البحث امين: اه اوكي غدوة رواحي نعطيك فلاش ديسك فيه بعض المراجع يساعدوك منار: مرسي استاذ... خرجت و في مخها الف سؤال شكونو هذا ايمن و وعلاه يشبه لجواد لذي الدرجة لازم نعرف تامر: شبيك نتا تقول شفت جن ايمن: والو والو وين راه لبغل لوخر ماتقوليش راه يتفورخ مع لبنات تامر: ههههههههه قالي طريقتي فالخدمة هذيك ايمن: واش صرا في حكايت الحفلة تامر: اممممم كلو تمام تقريبا معظمهم راهم يجو لاصال عندي يطريناو و علا قولتك هذاك البغل راهم كامل صحابو طار عقلهم علا لونبرجيني و كل يوم كرهبة جديدة و علا حساب واش حكاولو الحفلة تناسبهم بعد سمانة و قتارح عمار البوس تاعهم انها تكون فاليل و بطبيعة هذوك الصوالح لازمهم الليل و بلاصة فارغة ايمن : مالا نخليهالك هذي و شوف ذاك الهامل و يغلط مع كاش وحدة ماناش ناقسين.خرج تامر من عندو رايح يشوف البغل ههههه سارة : واشبيك اطفلة تقولي شفتي شبح اسيل: حمبوك ما تحكيش عليهم سارة: راكي قد البقرة و مازالك تخافي منهم اسيل: مانعرف شكون سبة ما خوك السبة كي لحلوف تامر: ههههههه عمري حملت فيك تحكي علا واحد مليح و اونبليس ديما تعرشي كيفاش هذا الصوت يخرج من وحدة في حجمك ههههه ضحك و راح قبل ما ترجعلو خلاها تغلي و تعرش وحدها منار: هيا نرجعو نقراو راه لوقت سارة: مزية لي نطقتي انا قلت تبكشتي خلاص منار: ههههههه مهضومة راحت كل وحدة لكلاستها عند سارة: اووف لاصال راهي فارغة وين راهم قعدت فالكرسي و سندت ظهرها حست بحاجة نقزتها سارة: اح واش هذا... جات تنوض و تسمع صوت حاجة تقطعت دارت نشوف لقات جزء مافاست تاعها لاسق فيها سارة: بغضب يا ربي واش هذا واش ندير ذكا شافت من و من مالقات حتا واحد نحات الفاست بزربة تشوف شحال تقطعت... يا ربي تقطعت بزاف مانقدرش نلبسها هكا في نفس الوقت دخل اسحاق شافها هكذاك عينيه وساعو كانت لابسة بيستي برك و مفصل صدرها و خسرها حتا السروال كان مسنتر عليها بقا مبهور فيها فاق علا صوتها سارة: آ حمار بغل جحش اخرج اخرج... فاق علا روحو و خرج مالباب و يشوف مجموعة مالولاد جايين رجع و غلق الباب مالداخل جات سارة تسوغ راح يجري حكملها فمها بيدو اسحاق: بجدية اشششش ولاد الكلاص راهم جاو مالزمش يشوفوك هكا ...سارة و عينيها بدموع والافكار تدي و جيب فيها اسحاق: بنظرة حنينة اشش ماتبكيش ماصرا والو مش راح ناذيك اخزري فيا......
شافت فيه سارة في عينيه و هي تبكي
اسحاق: راح نحي يدي ماتزڤيش يسمعونا ترصانا في قصة.... عملتلو سارة براسها معناها ايه ودموعها شلال قرب يدو من خدها و مسحلها دموعها
اسحاق: خلاص ماصرا والو و بعد يدو علا شفاها غير بلعقل كانو مش ناوي يهبطهم ركز مع وجها كامل اني معاك يزي مالبكا ...دوب ما هبط يدو دارت بالزربة بقا يثبت مع ظهرها لعريان بكلو لانو البيستي طرونسبارو شيرة الظهر لبست الفاست شاف اسحاق الفاست مشقوقة
اسحاق: واشبيها لفاست تاعك
سارة بصوت واطي لسقتلي في مسمار مالكرسي
اسحاق: ماتقدريش تقعدي هكا ظهرك راه عريان و السوتيان راه يبان... عض علا شفتو الوطانية بغزول لانو ما فكرش قبل ما يتكلم
سارة: باحراج راه يبان بزاف و عاودو دموعها طاحو
دورها ليه اسحاق و حط يديه علا وجها و هبط لمستواها
اسحاق: شششش قلنا يزي مالبكا كي نكون معاك ما تخافي من والو... بقات تخزرلو لعينيه و عملتلو حركة ايه بعينيها نحا صاكادو تاعو بالزربة و لبسولها و دورها قابل ظهرها تبسم علا جنب خلاص حلينا المشكل
سارة بهمس: صحيت علا كلش اسحاق كان مش نتا مش عارف واش ندير
اسحاق: من غير مزية رانا صحاب و تبسملها... رجعتلو الابتسامة حتا سمعو صوت دقات فالباب
سارة: بخوف الباب مغلوق و انا ونتا وحدنا ذك يخرجو علينا الهدرة
اسحاق: بغضب قتلك مانشوفش... الدموع.. منبعد فاق علا روحو... سارة ودموعها هبطو
اسحاق: خلاص سارة في خاطري
سارة: نتا عيطت عليا ذك مايحبسوش
اسحاق قرب حط يديه شيرة عينيها و مسح دموعها و قرصها من خدها اسمحيلي مش قصدي صغرونتي قالها و شاف في عينيها
اسحاق: امممم لقيت حل راح نسوطي مالتاقة و نتي فتحي الباب واذا سقساوك قولي كنت دايرة كتمان مافقتش راح فتح التاقة و راح يسوطي حكماتو مالفاست
سارة بابتسامة: مرسي بزااف اسحاق
اسحاق: علا فكرة مازيديش تلبسي بيستي طرونسبارون سينو انا لي نقطعو و زيد المرة الجاية اشكريني و بطريقتي و غمزها و راح (اول مادخلت عينيا حوالو من المنظر ماتخيلتش تكون مغرية لذيك الدرجة ماعلباليش علاه درت هكا شعور اقوى مني خلاني نحب نحميها فكرة انو الشباب كانو راح يشوفوها بذيك الحالة نرفزتني و خلاتني نخرج من طوري و حتا دموعها حسيتهم شواوني مانحب حد يخزرلها من غيري حسيتها تابعتي و انا ليا الحق نشوفها برك )
