الجزء 32
اول ما شفتها وقفت قلبي وقف معاها كانت تبان تاعبة و خدها فيه طراس ضرب الطحان نكسرلو يديه كان شعرها مشعطط و عينيها محزوقين الفرخة ڤاع هكا و بقات تشهي اول ماقدمت جيت نحبسها سبقني حسام الفرخة حكمت يدو ليوم نقتلها وزيد هو خايف عليها و ماخلهاش جوز و كملعلا مبيا حطت يدها علا خدو حسيت روحي نفور ولا هذاك الكلام هذو واشبيهم يهدرو هكا تقول يعرفو بعضهم ولا بينهم علاقة حسيت الجاج لكحل يدور في مخي الا ماقتلتوش و كملت علا جدها الحلوف ما نتسماش جواد.. يا كلاب واش قصدتو بمافيا روس.. تبسم حسام اووو ماقتلكش اوبس نسيت كل اعترافاتك راهم تبثو علا المباشر لكل مراكز الشرطة و حتا مافيا الروس ذكا كلهم يطالبو براسك حي ولا ميت بلا مانحكيلك عليهم راك تعرفهم ههههه..كان يحكي و الغل ماكنو ليوم تموتو كامل والله تخلصوها غالية و ماشي انا لي يطيحوني فروخة كيفكم.. الفرخ لي ماعمرلكش عينك كان في مافية الروس عضو مميز و نضن سمعت باسم لوكاس و تبسم ابتسامة نصر... العرق يصب من جبهتو مش معقول نتا نتا هو قالو مات.. امممم مات لوكاس صح و حسام لي قدامك..صوب صلاحو شيرة منار و راح يتيري في هذا الوقت جواد هبل و قدر يضرب الزوج لي كانو حاكمينو و راح لاسماعيل رما روحو عليه لكن كان الرصاص خرج مالسلاح بسرعة البرق متوجه لصدر حبيبتو كان المشهد يتعاود في مخ جواد طيحو و السلاح طار بعيد ماقدرش يشوف شيرة منار انو ثلث رصاصات خرجو متوجهين لصغرونتو لي ماتتحمل وجيعة صغيرة ليوم رصاص في صدرها في ذاك الوقت دخلو البوليس و حاوطو البلاصة و علا صوت الرصاص انتفضت خولة و ام منار لكن كانو مربوطين ماقدروش يقومو شاف جواد في منار و عينيه مدمعين لكن الصدمة مكناتو لما شاف ذاك المنظر جسمو ماطاوعوش انو يروح ليهم.. اول ما صوب السلاح شيرتي حسيت بشريط حياتو جاز عليا كل لحظة حلوة و كل الم عشتو شفتو بين عينيا حطيت يدي علا كرشي كاني نستمد القوة من صغروني شفت حبيبي كاثور الهايح رايح لذاك الطحان لكن الرصاص كان اسرع مع خروج صوتو خرجت صرخة متاعي و غمضت عينيا مانحس غير يدين حكموني و دوروني و صوت ارتطام الرصاص بجسم صلب كان المشهد يتعاود في بالي حتا نحس بثقل جسمي و فقدت التوازن و جينا فالقاع ماصدمة ماقدرتش نحكي لكن سرعان مارجعلي عقلي لما مسكلي يدي و زير عليها بعدت عليه و انا مازالني فالقاعة نشوف فيهم مبهمة جواد بارك فوق لكلب و حسام طايح يغمض و يحل في عينيه و مازال يتحرك و يما و خولة يشوفو فينا و الدموع دايرين حالة فقت علا صوت جواد و هو يعاود في اسمي.. منار حبي و ترما عليا.. انتي مليحة ماصرالك والو كان يحكي بالزربة و صوتو محشرج مالخوف وقتها استوعبت واش صرا و حاوطتو بيدي و بقيت نبكي بشهقة و هو يسكت فيا.. اشش صغرونتي كلش وفا ذكا خلاص كابوسنا.. بعدت علا خضنو و انا نسمع في انين حسام شفت فيه كان يتحرك و احد الاعوان يساعد فيه اول ماشفتو تقعد ترميت عليه حضنتو بكل قوة و شهقاتي تتعالى حتا هو حاوطني و بقا يمسد علا شعري.. اشش عزيزتي كلش وفا و انا راني بخير.. ككيف صرا هكا شفت الرصاص دخل صدرك.. ههههه منورتي اني لابس مضاد لرصاص علا هكا الرصاص ماجازش و فتح الشميز يوريها.. اما جواد كان راح يهبل و هو مش فاهم شي هذي لي تبكي عليه و تعانق فيه مخو بدا يصورلو في حكايات..قرب جواد من منار جبدها طاحت في حضنو طلعت عليه بالكل و عانقاتو بكل جهدها.. اماوجواد كان يقحر لحسام و هو يتبسم فاهم واش راه يدور في مخو..منار بشهقة: جواد خبيني عندك حتا هو ماكانش من المعاكسين حاوطها بيديه و زير عليها حتا حكمتها وجعة في كرشها خرجت منها احح.. شبيها صغرونتي تتوجع.. لما نكون في حضنك نكون بخير.. منار في سرها.. اوو اركح صغروني عملتلي وجعة شو فرحت بالبابا. و تبسمت بعدت علا حضنو علا صوت هذاك الحلوف.. راح تخلصوها غالية و راح يجي لي يسودلكم عيشتكم.. خبطو قيس للفم.. بلع مازالك تحكي.. اول ما فكو رباط يماها و خولة راحو يجرو عندها حضنتها يماها وهي تبكي و تقول اسمحيلي بنتي انا لي دخلت الكلب بينا.. ماتقوليش هكا يما هو رخيس و كان مخطط لكلش و ذكا خلاص راه دفع الثمن و زيد ذكا ماناش وحدنا راه معانا جواد و حسام و شافت شيرتو و هو تبسملها بعدت الام عليها و راحت عند حسام حطت يديها علا وجهو تتحسس فيه و دموعها شلال.. لما زوجت بباك كنت قد هكا و تحكي بيديها كنت صغرون بزاف هذاك وين بديت تحكي قتلي ماما كانت اول مرة نسمعها حضنتك وقتها.. في ذيك اللحظة ترما حسام في حضنها حس بشعور الامومة لي تحرم منو مع انها مرت باباه الا انها كانت تحبو بزاف سورتو ماحملتش وقتها حتا بعد مدة و ربات حسام عامين حتا راح لفرنسا يتعالج وقتها كانت بالحمل ماقدرتش تسافر معاه ..بعدهاوحسام كان الكور تاعو ضعيف بزاف ديما فالحجز مايقدرشوش يزوروه حتا وقت العمليه تقطع علا الاعالم الخارجي حتا فطن منوالعملية و قالولو انو بوه و يماه ماتو و هو ماكانش عارف علا منار.. كان جواد يشوف و مش فاهم شي.. اي كاش واحد يفهمني الاول منار تحضن فيه و منبعد ذكا يما عيشة تحضن فيه و تقولو ولدي.. حسام: هههه واش نسيبي مازال مافهمتش راني وليد محمد عبد الرحمان و هذيك الصغرونة تكون ختي و اشار لمنار و في نفس الوقت مازال معانق عيشة.. فطنت منار علا صوت خولة..يا لبغلة قريب مت بسبتك التوبة اذا زدت درت معاك بحث.. الكل بقاو يشوفو فيها منبعد طرطقو بالضحك علا هبالها خرجو كامل منثما جواد كان محضن منار و يمشي و حسام محضن يماه و خولة تمشي وراهم هوما خرجو و خولة تعطيها بيطة كامل حطو يديهم علا وذنيهم.. حسام: نتي طول الوقت تعيطي.. خولة: خزرت فيه و الدموع في عينيها وين راه وليدي نتا ديتو مقبيل.. بقا يخزر فيها مبهم و يعاود في كلامها في مخو حتا نطقت منار اوو يا لبهلولة الراجل بريزيتيه حسام قصدها البيسي تاعها.. حسام كي شغل بدا يفهم و تفكر كلامها فالكرهبة تبسم علا جنب البيسي راه فالطريقو للمركز و راح يوصلك بعد ما يعاينو الفيديو تاع الاعتراف.. اووو ريحتني ماعليش هي اول مرة حبوبي يرقد بعيد عليا مي ماعليش مادام شاركنا في مغامرة تاع مافيا و شبعت هراوة اااه واش راني نخلط ماعليش نكملو نروحو.. يا لهم نتي ديما فاضحتني.. تفكرت خولة حاجة راحت تجري عند منار بعدتها علا جواد و همستلها اي واش رايحة تخبري جواد بالحمل ولا لالا.. لالا مازال نقولو خليه يتربا شوية ليوم حابة نرقد في حضنو توحشت ريحتو و.. ستوب ستوب راعي مشاعري راني بايرة بلعي تقول تخمي بترامك راكي شبعتي خباطي لازم تروحي شوفي وضع البيبي راني خايفة عليه منك يا جاهلة.. اوو عندك الحق مقبيل وجعتني كرشي شوية بصح كان نروح يعرف جواد و تنا حابة ننتاقم منو منبعد نقولو ..خممت شوية خولة من بعد ضحكت ضحكة تاع شر شوفي راح نلعبها تغميت و راح يدوني لسبيطار و نتي روحي معايا و كي نوصلو ثما نشوفو طبيبة بلا ما يشلقو بينا قبل ما تعلق منار راحت منار شيرة حسام و بدات تمثل انها اغما عليها قبل ما توصل لرض حكمها حسام و بدا يفيق فيها ضربها ضربات صغار علا خدها.. عيطو للاسعاف راح نروحو لسبيطار اول ما حملتها قربتها مني هبطت براسي لوجها و انا نشم ريحتها لي روهجتني قربت منها و همست.. راكي ممثلة بارعة بصح مش عليا هيا دقات قلبها زادو شي مالخوف و شي من قربو و نفسو لي علا وجها حتا حست وجها باش يترشف
