الجزء 2
واذا لخطوة لي دارها صحيحة ولا لالا قطع عليه افكارو صاحبو و خوه و شريكو فالقضية سامي: عمري اذا شفت واحد كيفك من طوع نكونو نوجدو لعرسك و مهولينها شادلنا وجوهنا مقابلنا المحابسية نوض نوض خليني نحس بلي راك عريس يا ديني جواد: بلع... فمك عليا مش ناقسك انا افكاري داخلة بعضها سامي: اني حاس بيك لكن بديت اللعبة ولازم تكملها مش وقت تخمام ذكا راك زوجت الطفلة صايي لازم تكل و دير بالك مع الطفلة خرج سيقار من باكو الدخان و شعلو كان يتكيف بشراهة باش ينسا وجيعتو لي عندها اكثر من 15 سنة مهما سيا باش يجاوزها ما قدرش كل ما يغمض عينيه يشوف وجه لي صاوب علا بوه و هو يشوف نحا سيقارو من فمو و شاف في منقالتو الوقت دار و هو يلبس فالفاست تاعو و يحكي مع عشيرو جواد: قوم يا هم خلينا نخلطو علا قيس نسيت عندنا قعدة سامي: منجدك انتا عامل بروقرام مع قيس و شيخات ليلة عرسك والله لاك نورمال ياهم غاضتني اك منار ربي يعينها جواد: تعاود واش قلت..... فهمت1
سامي: اعصابك شريك هو يطئلك عرق و نباصي مع فاطمة و الزوجة المصون ههههههه
جواد: نخرج خير من نفرغ فيك هذا السلاح و نباصي عليك
سامي: يا ه زعمة تقدر علا فراقي تي شكون يتحملك بعد موتي يا وحش هههههه
خرجو ركب كل واحد في كرهبتو و طارو للكافيتيريا وصلو كان عشيرهم قيس يستنا فيهم قصرو و ضحكو كانو دايرين جو حتى نوقز تلفون جواد كانت امو طالبتو علا العرس فاطمة: عسلامة جواد وين اراضيك يا ولدي ليوم عرسك حتا الضيوف وصلو و نتا ريحتك ما فماش جواد: اسموحة فطومة مسافة الطريق و نكون عندك نحا سامي التلفون لجواد و كمل سامي: خالتي فطوم كيفك... والله منيح اسموحة راح نروحو و نخرجوه عريس تحكي فيه كل البلاد انتي ارضي علينا دعواتك... تسلمي ..قحرلو جواد تقحيرة موت قيس: والله عيب علينا سامي عشيرنا عريس و حنا ماناش قايمين بالواجب جواد: تسكتو ولا نوض لجدكم والله لا تحشمو وقيلة امنتو لي عرس صح سامي: حبي انا ونتا و هذاك الهامل عارفين بلي مش عرس تاع صح والباقي كلهم علبالهم بلي عرس اونتوكا تبعنا وبلع و نقص ماتخرنين تاعك و الزعاف نتا تجلط بنت الناس خ جو الجماعة و ديراكسيون الحمام و بعدو الحجام و فالاخير دار سامي دخلو ركحو امورهم و لبس جواد كستيم يفتق بالرسمي خرج تحفة سامي: الله الله حبي خرجت تفتق تقبل تعرس بيا و هو يقلد في صوت طفلة قيس: اكيد يا روحي انا جواد عبد الحق نقبل نكمل معاك حياتي يقلد في جواد جواد: يا ربي واش درت في حياتي باش يكون كفويا هذو زوج ونتا زيد تقولي حبي نرجع بالحق بنية سامي: يا معلم زايد ماوتحشمش حاب تقطعلي،نسلي كليا و انا لي حاب نركح بنات لافاك قيس: هههههه راحت عليك سامي وانا لي كنت ناوي ناسبك... وينتا نبداو المهمة و نريحو من وجه المركز و اك المحابسية في وصتهم قريب نحس روحي عاجز جنسيا جواد: لي يسمعك شريك يقول عمرو مس بنية و نتا كل يجمعة و سبت بطولات و تبات عريس قيس: يكب سعدك جواد تشومر علا.... تي لازم نشط الخلايا و نديقاجي الطاقة السلبية و انتو زوج كانو موالفين تسبحو مع اك المزات بالويكاند سامي: تباريك الله علينا جبدنا كامل ماضينا المشرف.... كي تبدا المهمة و اذا عرفت شي بنية انا ما نعرفكم ما تعرفوني ياديني خلوني نكون اسرة قبل ما يقضي جواد علا نسلي هههههه قالها و هو حاط يدو علا كتاف جواد و قيس جواد و قيس: يشوفو فيه و يتكلاطاو بالضحك نتا تاع حب نتا مي ان شاء الله نشوفو فيك يوم و نتا مهبلاتك طفلة و تشيحلك ريقك باش تقبل سامي: جواد و جات لي جيبو لثنية بقيت نتا يا عينين القط تي ان شاء الله طيحة تاع كلاب و نشوف فيكم يوم و نتلاقاو فيك حنا ثلاثة و نقعدو نندبو عليهم قيس في راسك انا باقي حمام حر واعيث في الارض فسادا جواد: انا وحدة ما تكفينيش و علبالك بلي طاقة لي عندي لازمها وحدة خبرة و وحدة ماتكفيش و غمزو سامي: ايه يا كزانوفا نشوفو وين توصلو انا من روحي علبالي اذا لقيتها راح تفسخ كل البنات لي عرفتهم و راح تنسيكي كل ليالي لي رقدتهم مع غيرها جواد: اواه حالتك ماتعجبش و غمز قيس هههههه خرجو من دار سامي ديراكسيون فيلة جواد سامي ايا نزلوك هنا يا وحش و سايس الطفلة ماهيش خبرة علا قولتك ههههه و غمزو قيس: هههههههه ايه جواد غير في عقلك هي ترصالك تشري في ليكوش من توا قحرلهم جواد و كمل طريقو و بقا يسمع غير ضحكهم العالي وصل لباب الفلة فتحو و دخل كان السكون يعم المكان كمل دخل لصالة رما روحو في اول فوتاي صادفو و تنهد تنهيدة تهد الجبال علا دخلت مو الام: شبيه ولدي الغالي لتوا واصل تقول مش عرسو جواد: ولدك تعبان يا فاطمة ايجا ايجا خليني نحط راسي في حضنك توحشت ريحتك الام : بسم الله علا ولدي ماتعب ايجا لحضن امك حضناتو و قعدت تلعب بشعرو جواد: وينها سارة الام: ولدي سارة في بيتها و مرتك من بكري تسنا فيك هي طيبة وحلوة سايسها عيش ولدي جواد : باهي امي انتي تامري و هي مرتي وفي عيوني ماتنساش انا لي خترتها الام: في بالي يا روحي اصلا احسن حاجة تعملها جبتنا هانوارة للبيت راح تشوف كيف راح تخليك ترجع لثنية و تشهد بيهاجواد: عاد راح نغير يا فاطمة من مرتي راكي امي انا هههههه الام: يعيشلي ولدي و اك الضحكة المزيانة هي كمان بنتي و مانرضاش فيها جواد: تصبحي علا خير باس راس امو و قدم لدرج كل مايصعد قلبو يزيد يخفق شبيك جواد كانو راح تعدي امتحان كمل الثنية بخطواتو الواثقة و جهامتو وصل للباب فتحها و دخل دور بعينيه مالقاهاش راح فتح باب الدوش مافماش اكيد راهي فالصالة قرب مالقارد روب خرج مريول و شورت و كان راح يدخل الدوش حس وقتها بالباب تفتح و بقا يشوف في ظل يمتد بالطول فالصالة لازم نحكي جواد: انسة منار علبالي كاين بزاف اسئلة في بالك و راح نجاوبك مي مش ليوم مع لوقت تعرفي و انا هذي بيتي و نتي راح تبقاي فالصالة ماكيش مطالبة باي حق من حقوقك يعني مش راح تكون بينا علاقة و احسنلك ما تحاوليش تخرجي اسرار هذي لبيت لبرة ولاي كان راح تعيشي ماكلة و شاربة و تقراي عادي حتا اشعار اخر ماتنسايش يماك مريضة و نتي و قعتي علا ورقة تفيد اذا طلبتي الطلاق مني راح تدخلي الحبس علبالي صححتي علا العقد بلا ماتقراي و ثانيا ما تحاوليش تشوفي وجهي واذا لمحتيني هبطي راسك غمضي عينيك بعدي دبري راسك شي شغلك و اهم حاجة اياكي،توريني وجهك حتا ولو بلغلطة سمعتي مانعاودش هدرتي كملت هدرتي و دخلت الدوش لازمني نطفي ناري و نتمالك روحي قدامها لازم ولا كلش راح يروح فالما يارب صبرني منار تحكي فتحت الباب بعد تردد كبير و دخلت قابلتني جهامة راجل اقل ما يقال فيه طول و وهرة كان عاطيني بالقفا تقدمت بخطوات مربوثة و مترددة لوصت لبيت حتا جاني صوتو الرجولي كان صوتو يرد فالغرفة وقفني جاو كلماتو كي وقع المطرقة في راسي بقا يدور كلامو في مخي شحال و انا نستوعب حتا دموعي مالخلعة و لخوف تحجرو في عينيا زواج تقليدي بما تحمله المعنى تاع ماتشوفيش وجه راجل و مايشوفش وجه هذي لي مخي ما تقبلهاش و زيد كيفاش نطبقها هذي و كي نكونو فرد مكان بففف الله لا تربحك يا جواد نندب علا زهري المسود رحت للقارد روب خرجت بجامة جيت خارجة لصالة تفكرت سحاب الروب ذكا كيفاش ندير لجدو بقيت نعافر فيه حتا سمعت صوت باب الدوش عرفتو خرج جات لبالي نطفي الضو هكا مش راح نشوفو و مش ....
