الجزء 29
حس حسام بالنار شعلت فيه هدفو قريب منو و مايقدرش يحكمو حكم القبضة تاعو قريب كسر التليفون حتا من جواد حار فيه... حسام واشبيك نشوف فيك تاثرت بزاف بقصة محمد.. نقدر نشوف ملف القضية.. هذا امر سري.. حاب نتاكد من حاجة و راح نخبرك كلش.. استغرب جواد منو قرر يطلعو علا ملف القضية راه حاس بلي وراه قصة و راح يعاونو حتا تخمامو مش تخمام واحد عادي يحكي بكل ثقة.. بعد ما شاف الملف في اخر ورقة عينين وساعو والدنية دارت بيه نارو زادت لهبت و عينيه يقدحو نار اخر فرد في عايلتو راه عندو زاد كره محمد فوق كرهو اضعاف حتا من جواد شاف فيه شوفة كلها شر و حقد.. حط الدوسي و خرج و تبعو جواد مبهم مافهمش واش وراه اول ماوصلو للكرهبة حبسو جوعد.. لازم نفهم ذكا نتا واش علاقتك بمحمد وغير فوتها انك حاب تعاوني.. حسام و وجهو خالي من اي ردة فعل.. حتا محمد هو السبب لاني تيتمت و هو ورا اني نضميت للمافية الروسية.. حكمو جواد من كول الشوميز تاعو و زيرو مع الكرهبة.. يعني نتا تخدم مع المافيا و جايرهنا و شكون يضمنلي انك مش،جاسوس للكلب.. حسام بعدلو يدو و هو محافظ علا ملانحو الباردة خليني نكمل منبعد احكم عليا.. انا كنت فالخارج عايش مع خالي بعد ماسمعت انو بابا مات كان عندي وقتها 16 عام وقتها كنت مريض بالقلب ماقدروش يعملولي عملية ختا نوصل 17 عام و مانقدرش نسافر لكن بابا قبل ما يقتلو محمد كان خلص حق العملية بعدها بريت و عشت علا اساس بابا مات موت ربي حتا وصل عمري 20 سنة خالي مرض و جا يموت حكالي كلش عرفت انو محمد هو سباب واش عانيت قررت ننتاقم منو انضميت للمافية تاع الروس خدمت معاهم حوالي خمس سننين بعدها تلاقيت بعماد لي قدر يخرجني منذاك المستنقع لكن ما قدرتش ننسا محمد و بقيت متبعو حتا وين عرفت انو واخيرا قدر احد الضباط يحكم الشحنة لي فبها معظم ثروتو و قدر يخرجو من وكرو من 15 سنة مكاش لي شافو ولا سمع وينو كل الاوامر كانو ينفذوها كلابو استغلت الفرصة و هبطت مع عماد و نكذب عليك كان نقولك ماكنتش عارفك شكون و عماد يقربلك حسيتها فرصة من ذهب انو ننتاقم و القدر لعب لعبو و حطلي عماد في طريقي ..جواد بقا يسمعلو وعلامة البرود ظاهرة عليه ضيق عينيه و قال علابلك منار لي بنت محمد.. ايه كنت شاك علا هكا قتلك نشوف الملف نتاكد من حاجة.. منار ماعندها حتا ذنب كونها بنتو يا سيد جواد و الطريقة لي ستغليتها بيها راح تدفع ثمنها رمالو هذو الكلمات و دخل الكرهبة تبعو جواد و هو يخمم في كلامو صح غلط غلطة عمرو كي ماصارحاش من الاول هي حنينة و كانت راح تسامحو حس بغصة في حلقو دخل و ديمارا بلا ما يعرف حتا وين يروح كان حسام بجنو.. روح عند هذيك المرا لي راح عندها صالح... راح جواد بلا ما يعلق.. وصلو بقاو يسناو حوالي ساعتين حتا خرجت المرا رافدة نفس الساشيات لي جابهملها صالح.. جواد: تبعها بلا ما يشاور حسام لانو فهم خطتو كان صالح داير حسابو انو مايدورش جيهتها و يبعثلهم مرا جيبلهم القضيان هكا ماكاش لي يفيق عقل اجرامي و ماجاش في بالو انو حسام عضو مافية سابق.. جواد عرف انو لازم يخمم كالمافيا مش كالشرطة لانو تحركاتهم مدروسة بعناية.. تبسم حسام بجنب لانو عرف جواد مش مجرد ضابط عندو مكر و دهاء قدر يجاري تفكيرو و يفهم الخذة تاعو بلا ما يحكي وصلت المرا لبيت متطرف حذا الغابة ركينا بعيد شوية كان الشارع فارغ وكان فيه شوية رجال بقينا نسناو وحد الساعة خرجت المرا.. كانت منار قاعدة تخمم في واش راح دير مع جواد ترجع ولا تروح و تخليه كانت في صراع مع روحها حتا دخلت المرا شافت الساشيات ناضت تجري وونقضت تشوف واش جابت.. اطفلة واشبيك تقول هبلتي منين جيب القضيان تهجمي عليه اواه نديك نزورك.. ههههه ادي راجلك زوريه تقول عليه صح راجل مافيا خرج عليه الدور دار بعيدة و مرا جيبنا القضيان يعيط دقيقة و يكوبي بديت نشك بلي هبل.. والله نتي لي هبلتي ابنتي تقول عليك راكي تتوحمي راحت طفلة و جات طفلة اخرا.. بقات منار تاكل فالدلاع و زاهيتلها حتا سمعت مها تقول وينتا نروح نقرا اووو نسيتها جملة ديك القراية و ليكنترول مابقاولهمش شعلت التليفون شفت مكالمات من سارة و اسيل حتا امي فاطمة و اكثرهم من جواد حبيبي توحشتو وااااااع و حتا ميساجات بقيت نقرا فيهم و خنايني يسيلو.. حبيبي ارجعي و الله توحشتك جواد مايسوا شي بلا بيك ارجعي لحضني و راح نفهمك كلش عمري اذا كذبت في مشاعري ليك ماهما يكون ديري في بالك انو جواد يحبك.. بقات معنقا التليفون و تبكي حتا انها نسات امر خولة... بعد ماخرج قلبها مالبكا راحت غسلت وجها و راحت تكسلت و حطت يدها علا كرشها و تبسمت تبسيمة.. فلوسي نوعدك راح نخلو بابا يدفع ثمن انو كذب علينا و نتا راح تعاون ماما اوكي.. حتا عيطتلها خولة.. اجدك وين هبهبتي البحث نسيتي جدو ليوم نشرملك الرحمة تاعك الفرخة.. واه واه بلعقل اطفلة نتي تطرطقي بلعي نسيتو ارواحي للبلاصة الفلانية جيبي البيسي تاعك وقولي ليماك راح تباتي عندي.. اوكي وحد الساعة نكون عندك... اسمعي اشريلي لاكريم و باتيسري تاع شوكو و.. اي اي بلعي عليا وقيلة حسبتيني بانكة و زيد تقول راكي تتوحمي.. جيبي و بلعي كي جي اني نحكيلك حتا انا حاسة قلبي تعمر بلاكي تقولي لاي واحد اني حكيت معاك والله نشربلك دمك و ما ندبرلك راجل من صحاب جواد.. اه يا لبغلة شفتيني بايرة. روحي كي نوصل نتفاهمو.. ربقلت خولة امورها و قالت ليماها بطلوع الروح باش قبلت.. كان جواد و حسام عاسين الدار يسناو في صالح ولا مراد يجو مكان والو حتا شافو طفلة جي فالعشرينات ثبت فيها جواد مليح عرفها صحبت منار.. حسام: شكونها هذيك حتا جات عندهم واش قصدو صالح من هذي الخطوة.. واش من خطوة هذو خدايم منار راهي صحبتها عيطتلها ههههه علبالك بذي الخطوة عاونتنا ذك يجي صالح لانو الرجالوذك يقولولو صغرونتي مكاش لي يتوقع تصرفاتها.. الو بوس البيت لي وصيتنا تعسوه راه جات ليوم طفلة ليه... كيفاش حطيت..... تعسو..... ماقدرتوش.. كوبا عليهم و عيطت لرجالو يتوجهو لدار ..اول ما وصلت خولة فتحتلها ام منار سلمت عليها و دخلتها لبيت منار لي كانت راقدة و معنقة المخدة هذي هي رقدتها من وقت بعدت علا جواد.. منار نوضي يا شكارة تاع الرقاد بقات تنقز فيها حتا ناضت فاتحة عين و غالقة عين البيستي يديه طايحين و شعرها مشعطط ..ماتقوليليش تنوضي هكا و راحلك يشوفك كل يوم بهذا المظهر ..اول ما ستوعبت منار انها خولة سوطات عليها باستها و قالتاها بلهفة وين راه لاكريم و الباتيسري ..شوفو شوفو الفرخة غير تاع كرشها منار حالتك ماهيش تعجب تقول والله مانعرفك اطفلة ماتقوليليش راكي و حطت يدها علا فمها..روحي جيبي واش قتلك ورواحي نحكيلك واش راه صاري معايا بحزن.. شافت خولة نظرة تاع حزن في عينين صحبتها راحت جابت البيسي و الساشيات تاع القضيان بدات منار تاكل و تستبن و تخرج في وحد الاصوات.. منار بلعي والله ويسمعك كاش واحد يقول هذو واش راهم يديرو.. حبست منار الماكلة و طرطقت بالبكا خولة توحشتو عندي 5 ايام ماشفتوش و مارقدتش عندو كانت تبكي بالشهقة حتا عنقتها خولة.. ايا احكيلي واشبيك عمري شفتك ضعيفة هكا.. هذا بسبت تغير الهرمونات مانقدرش نتحكم في روحي.. تغير ترامك وليتي طبيبة حكيلي المشكل.. حكات منار لخولة واش صرا معاها بكلو حتا هي و بكات معاها حست بقهرة صحبتها.. منار بصح هو يحبك
