الجزء 10
اسيل: شوفو شكون يهدر يا ام انوثة نتي نسيتي روحك الطفل يتغزل فيك و نتي تقوليلو نقول لخويا هههه
منار: هههههه شكون هذا صح قلتيلو هكا مالا في زوج راح تبورولي هنا نهدر مع جواد نقولو رحمهم و شوفلهم صحابك هههههه
سارة و اسيل بصوت واحد: هههههه مهضومة ضحكة تاع تمسخير راجلي نخيرو انا
منار: بنظرة حزينة صح عندكم الحق احسن حاجة تخيرو شريكم وحدكم علا الاقل تكونو متفاهمين خافت اذا يشلقو بكلامها دورتها ثم ثم الهدرة امممم مي انا عندي الزهر و خيرني جواد و خرجتلهم لسانها
سارة و اسيل حسو بلي كاين حاجة مابغاوش يبينولها ضحكو و بدلو الموضوع
لحق وقت يرجعو يقراو كملو الخمسة و روحو لدار كل وحدة راحت لبيتها
منار: اووو هذي الهم وينتا تريحني و تبقا ما توجعش كرهت جدها ندير تيزانة احسن شي... طيبت تيزانة ولبست سروال و بودي و تكسلت بعد مدة دار قلبي رحت نجري لبيت لبانيو استفرغت ماحسيت غير بيدين حاكمني من وستي
جواد: بخوف منار واشبيك
منار: بتعب لالا كليت ماكلة فاسدة دارت علا قلبي... حسيت روحي تروهجت شي ماوجيعة و شي من قربو حبيت نحشي راسي في صرو و نستبن ريحتو سندني و عاوني خرجت
جواد يحكي
بعد ماكملت لونكات مع سامي و قيس ركحت اموري مع اعضاء القسم و رجعت لدار اول ما دخلت بيت النوم جاني صوت من بيت البانيو دخلت مفجوع شفت منار و حالتها حليلة شعرها علا وجها خفت وقتها ماعلباليش علاه خفت لذيك الدرجة حسيت قلبي راح يوقف بحركة لا ارادية حكمتها جسمي مشا من غير طوعي حكمتها من وستها و سقيت واش بيها جاوبتني انها تسممت شفت فيها بشك منبعد عاونتها خرجت
منار: يعيشك راني مليحة نقدر نمشي وحدي
جواد: راكي مثبتة راكي مليحة
منار: امممم
بقيت نشوف فيها و هي تتغوصر و حاطة يدها علا كرشها مزالني مروهج من فازة الصباح لا كانت علا البال ولا الخاطر لي خطتلو طاح كلو فالما
جواد بتمسيمة: كلو يهون علا خاطر تبسيمتك... راحت لصاكها خرجت شكولاطة و كملت خرجت لصالة بقيت نتبع فيها بعينيا.. دخلت بيت البانيو دوشت لبست شورت وتبعتها لصالة شفتها حايصة مع الخضرة جاتني ريحة تشهي ماتكون غير ريحة المقرونة (حلم حياتي ندير الابطال يرهجو المكرونة كيما الافلام ارهجو اوحجو سفينة الماقارون لي ينتكل بلا لحم ) رحت درت روحي نشرب حتا شفتها ترعش و لحقوني صوت شهقاتها دورتها عندي بزربة خبطت في صدري حسيتها ترخفت و جات في حملتي بعدت شعرها علا وجها بيدي نحيتلها نواضر
جواد: برعشة يضرب في خدها بلطف منار واشبيك فيقي ما تفجعينيش
منار: ....
حملتها بين يديا و طرت بيها لبيت نوم
جواد: اركح يا راجل واشبيك يهدر مع روحو
طاحت عيني علا لبارفان رحت جبتها حطيتلها في نيفها بدات تتملمم و تفتح عينيها غير بلعقل ومن بعد تبسمت منبعد التبسيمة رجعت ضحكة حتا بانت حفرة الزين في خدها سرحت مع هذيك التبسيمة لحلوة حتا وين نفتحو بكلهم بقات تثبت فيا وعلامات الدهشة علا وجها
جواد: راكي مليحة واش تحسي روحك نجيبلك طبيب بلهفة
منار:....... راحلها السينيال بقات مثبتة عينيها فيا بلا حتا ماترمش
جواد:.يفوت يدو علا نظر منار لباس اني هنا وين رحتي
منار تحكي
اول ما بعدت عليه حسيت بشعور خايب خفت نكشف روحي قدامو و نعانقو ولا كاش ما ندير كل مرة جيني ترصالي نتوحم علا شي مرة نكره مرة نحب و ذي لمرة جاتني علا جواد لازم نكنترولي روحي جبت طبليطة شيكولة ناكلها احسن تريحلي مخي و خرجت لصالة قعدت شوية شفت الوقت لازم نطيب العشا تقاويت علا روحي و بديت نقطع فالخضرة حسيت بوجيعة كبيرة دموعي غلبوني بديت نبكي بشهقة حسيت بيه كي دخل الكوزينة دوب ما صمعت صوتو ترخفت جيست كي دورني ليه و قاسني صدرو حسيت الدنيا دارت بيا و ترخفت بكلي ماعدتش حاسة بشي.. شميت ريحة بنينة امممم تشابه بارفان جواد راهي قريبة فتحت عينيا شفت خيال راجل غمضت عيني و رجعت فتحتهم نشوف نفس راجل فتحت عينا علا وسعهم و نشوف فيه معقول معقول هذا جواد بقيت مبهمة فيه حبسو حبسو هذا لي زدمت فيه كي كنا فالمول ياربي يعني عندي مدة ملي شفتو و انا كل وقت نتخيل فيه نسيت وجيعتي و صرحت فيه كنت نسنا فيه يتفكرني لكن املي خاب لانو بقا فترة يشوف فيا و ماقال والو غير سقسا عليا برك و هذا اكيد من دافع الخلعة كي طحت عليه تباااا لي زهري المسود لاه ما تفكرنيش يعني كنت كاي شخص تلقاه صدفة و نساه بففف فيقي يا طفلة علاه يتفكرك هو اصلا كانت اوامرو مانشوفو مايشوفني نكمل فالتمثيلية و امري لله منار: سمحلي قلقتك عليا و و جواد: ضيق عينيه و حك ذقنو و واش منار: حكمت غطا السرير و زيرت عليه و هبطت راسها لانو ماقدرتش نخبي عليك وجهي جواد: امممم نضن انو كان قرار خايب انو مانشوفوش بعض طلعت راسي نشوف فيه كانت فيهم نظرة مافهمتهاش مع انو اول مرة نشوفو لكن كانت نظرتو كانت دافية جواد: امممم.وهو يفرفش في شعرو ملور نتي ابقاي ريحي هنا وانا نروح للكوزينة نشوف واش نديرو فالعشا منار: بدهشة خلي ذك نكملو راني ريحت جواد: ضيق عينيه و قحرلها وعلا في صوتو قتلك ريحي ماتوجعيليش راسي زفر وخرج حطيت يدي علا قلبي يا ويلي من ذيك التقحيرة قريب درتها تحتي صح غشو خايب التوبة اذا زدت ريكلاميت معاه بعد فترة رجع دخل لبيت و يدو موس وقعد يخزر فيا خفت نسقسيه و راه رافد موس هاحبيبي نضرب النح خير جواد: بتردد كيفاش يطيبو المكارونة بقيت نشوف فيه ببلاهة جواد: حط يدو علا فمو و حمحم شفت فالنت و مافهمت والو منار: حاكمة الضحكة بسيف... احم نجي نع جواد: بغضب قتلك ريحي ولا ماتهمكش صحتك منار ودموع في عينيها: كنت راح نقولك نعلمك و هبطت راسها.. حاولت نحكم دموعي لكن خانوني جواد: نفخ بقوة اخزري فيا شفت فيه و عينيا مدمعين جواد : امسحي دموعك موش قصدي نطير فيك رواحي عاونيني بقيت متبع فيه بعينيا منبعد تبعتو شفتو خرج كرسي حطو قبال لعندو جواد: اقعدي هنا و قوليلي واش ندير ( الطبق لي راح نديرو مكاش منو اضربو النح هههههه ) حط المقرونة في هذاك الما لي راه يغلي.. شفتو حكمها بكلها راح يحطها منار: اي احبس احبس واش راح نوكلو صين ولا واش قحرلي تفكرت روحي بلي راني نحكي مع ميستر غاضب هذيك كمية بزاف حط ربع الساشي تكفينا.. رجع عمل واش قتلو شاف فيا يسنا واش نقولو المقلة راهي فالبلاكار حط فيها شوية زيت خليها تسخن منبعد حط هذاك الجاج يتقلا فيها شفتو مركز معايا و طبق كل واش قتلو بقيت هايمة فيه هذا المخلوق العجيب صح راجلي حتا سمعت صوتو جواد: آح نـ..... بسبت طياب تاع... تحرقت وصلني صوتو شفت زيت طارت علا صدرو لانو كان قريب بزاف مالمقلة منار: بخوف راك مليح جواد ونفخت علا مكان الحرق طلعت راسي نشوف فيه لقيتو يخزلي بخزرة ندرا كيف حتا انا بقيت هايمة في عينيه حسيت بنظراتو كلها لشفافي تربثت و حشمت هبطت عينيا منار: ايجا معايا نحطلك مرهم (هيهيي دونتيفريس) شديتو من يدو و قعدتو فالفوتاي رحت جبت بوماد سندت ركبتي فلرض جيت بين رجليه مقابلاتو بديت نحطلو فالبومادة و ننفخ فيها في نفس الوقت منار: بنرفزة كان جيت تستعرف بحاجة اسمها مريول كان ماتحرقتش نفخت بغش في قصتي فقت بروحي حطيت يدي علا فمي جواد: ينعل بو عمرك اجواد نتا و الحرق نوضي نوضي هي ترصالك في بوزيسيون مخك مايتقبلهاش منار: ببلاهة واش درت واش من بوزيسيون تحكي عليها
