الجزء 16
قبل مااتقرااي حبيبة خلي جاام وكومنتاار بااش تشجعيني بيهم .. اياا حطي حطي كليكي على النجمة هادييك ... قرااءة ممتعة .
سامي: ههههههههه اصلا خممنا بلي غلطو ر داروه ثم كنا نخممو فالاصعب و هي كانت حاجة محتاجة شوية تدقيق برك... ايا قر واش درت باش عرفت
جواد:تفكر لبارح تبسم.. امممم هذا سر... لازم تعترف انو انا الافضل ههههه
سامي: جواد راك مليح راح تضحك وحدك اممم كي شغل عرفت السبة....ههههه امورك راهي مالجيد لجيد جدا
جواد: حاسدني يعني
قيس: دخل... شكون حاسد شكون نرقيلو هههه
سامي: نتا ريقل امورك منبعد خمم فالناس
جواد : وجوه المزيرية في زوج... الخطة راهي ماشية نعتارف لي ابهرتوني ذي لمرة
قيس: يا معلم واش درنا كامل مابانش مع لي درتو 80% الخطة واجدة لحد الان
سامي: انا نروح ذكا لازم نبقا قريب منهم
قيس: حتا انا رايح معاك
جواد: اي تطور قلولي
فالفاك
اسيل ؛ لبنات شفتو الاعلان راح يديرو حفلة نهار الخميس
سارة: حفلة واش
خولة: حفلة تاع النادي كل عام يديروها علا شرف الاعضاء... خسارة مش كامل يقدرو يجو
منار بتعجب: علاه ثاني
خولة: المكان صغير علا فاك كامل يجو غير الاعضاء لي يجو و الاعضاء القدامى و حبابهم و الاساتذة و طاقم الادارة غير هذو راهم جيش
سارة: بغيت نقولك خولة كيفاش طلعي عامك ونتي خبار كامل عندك
خولة غمزتها: سر المهنة حبي
اسيل خرجت تذاكر من صاكادو تاعها و حطتها قبال عينيهم
خولة: بصراخ... آ ماتقوليليش هذو هذو راحلها الصوت
اسيل: بابتصامة نصر امممم هوما
سارة و منار: فهمونا ياااااو
خولة: بزربة بطاقات الدعوة للحلفلة.. منين جبتيهم تعيشي اديني معاك و تعانق فيها
اسيل: في ربعة راح نحضرو درت حسابكم
منار: مني جاوك
اسيل: نسيتو راني عضوة جديدة و الحفل علا شرفنا
خولة: والله يخرج منك اقزومتي
اسيل بغضب: زيدي تعاوديها هذي والله ماتكحلي علا الحفلة
خولة: انا لا اسمع ولا اتكلم و لا ارى
لبنات كامل ضحكو علا هبالها
منار: المشكل جواد راح يخلينا نجو
سارة: خليه عليا راح نقول لفاطمة تقنعو عمرو رفضلها طلب
منار: ان شاء الله يقبل عمري حضرت حفلة من هذا نوع
اسيل: لبنات علبالكم الحفلة تنكرية لازم كل واحد يغطي.شطر من وجهو و بماسك
لبنات عجبتهم الفكرة وكل وحدة سرحت في احلامها
جازو ليام و جواد عاون منار في بحثها كملاتو بقات تحطو في فلاشة و تخرجو قدرت ام سارة تقنعو لجواد يروحو الحفلة و هو ماركزش مليح علا البلاصة كان بالو مشغول بالمهمة ..حط جواد الفلاشة فوق لاكوافوز و دخل يدوش شافتو منار حسباتو تاعها حطاتو في صاكها و راحت طيب العشا... لحق يوم الخميس راح جواد للمركز راح يجبد الفلاش مالقاهش ضرب علا راسو و تفكر بلي حطو فاللاكوافوز عيط لمنار
جواد: منار شوفي فوق الكوافوز فلاش ديسك اذا راه ثما
تفكرت منار لبارح كيما رفداتو راحت تجري لصاك شافت زوج فلاشات
منار: اه لقيتو
جواد: ذك نبعثلك واحد مرجالي اعطيهلو في يدو
منار: بربثة فالحقيقة انا راني فالفاك هو لبارح شفتو حسبتو فلاشي حطيتو فالصاك
جواد: ذكا شكون يجيبهولي
منار: بتردد انا نجيبو
جواد: امري لربي اني نسنا فيك
منار عجبها الحال حبت تشوف وين يخدم راحت ركبت طاكسي ديراكسيون المخفر وصلت منار شافت لافتة كبيرة للمركز هبطت عينها شافت باب كبير و ناس داخلة و ناس خارجة معظمهم لابس طقم البوليس قربت و دخلت مالبوابة كاين رواق كبير و كاين عدة مداخل شفت يمين و شمال مالقيت والو دخلت في اول كولوار كان فيه بزاف بيراوات دخلت لاول واحد كان فيه ثلث رجال شوفي
منار : سلام
الرجال: وعليكم السلام تفضلي مدام
منار: يعيشك
الرجل١: حاجتك بحاجة مدام حاب تقدمي بلاغ
منار: لالا ماجيش نقدم بلاغ جيت عند جواد
الرجال في ثلاثة: هههههههه من نيتك
منار تنرفزت منهم: نورمانمو ماقلتش بلاڤ انا باش تضحكو
الرجل 2 : و نتا منين تعرفو لجواد
منار: نضن مانيش مجبرة نبررلك تفضل وريلي بيروه
الرجل: بنرفزة احتارمي روحك و شوفي كيفاش تهدري معيا
منار: ونتا حترمتني حتا تحكي علا الاحترام... رفدت روحها ر جات خارجة... في علمك جواد يسمع واش حكيتو راح نضن تشوفو شي مايعجبكمش و زيد تعلمو تحكو مع اي حد يجيكم
الرجل: قام عندها مش نتي لي تعلمينا خدمتنا وزيد مسيو جواد مايجيش ممن جا و كان يدخلو
منار: تنهدت ماطلبتش المستحيل.وزيد انا مش من جا وكان انا قاطعها قبل ما تكمل كلامها... الرجل: احنا مشغولين مدام تقدر تتفضل.. منار: قتلكم بيرو جواد وينو ديجا خلاص لقيت الحل... خرجت تليفونها و طلباتو
جواد: منار وينك
منار: راني فالبيرو الاول
الرجل تنرفز: تقدري تخرجي برا و تكملي مكالمتك
جواد: سمع كلامو منار اعطيه التليفون
منار: تفضل حاب يحكي،معاك
الرجل حط السماعة علا وذنو جاه صوت جواد
جواد: راح تتحاسب،علا كل كلمة قلتها هذا هو القانون انك تغلط في حق العامة وكوبا عليه
الرجل: تفضلي مدام راح نروحو لبيرو مسيو جواد
منار: مايشقاش راح يجي يهزني بروحو.. بعد دقايق دخل جواد شمتهم و رجع لمنار اعتبارها و حكمها من يدها و مشا و هي تبع فيه حتا وصل لبيروه
منار: محلاه بيروك كبير بزااف ههههه و فتحت يديها علا عرضهم
جواد: منار اعطيني الفلاشة محتاجها... خرجت منار الفلاشات في زوج كانو كيفكيف
منار: جربهم ماعرفتش وينها فيهم
حكم جواد بلاصة الفلاشة خرجت هي قام من كرسيه شيرة الباب و هو يتكلم منار ابقاي هنا نوصل الفلاشة و نجي نرجعك انا للبيت هزت راسها بمعنى ايه خرج جواد بقات منار تثبت فالبيرو و دور فيه شافت فوطو فوق لبيرو قدمت منها شافت راجل معاه طفل عمرو يكون 14 شافت فيه و ضيقت عينيها يشابه لجواد و هذا لي معاه وين شفتيه حسيت بخطوات قراب مالباب نسنا في جواد يدخل حتا شفت شي ماصدقتش لي قاعدة نشوف فيه بقيت مبهمة في بلاستي قبل مانتكلمظهر جواد
سامي: امممم عندنا زيارة مرحبا بيك عندنا
قيس: يا جواد تضياف و ماضيفتهاش واش راح تقول علينا
جواد: ضيق عينيه قحرلهم
سامي: راه ضيق عينيه واش يسلكها ليوم
قيس: رانا في حماية الانسة و خزر فيها و هي خزرت في جواد تسنا يعرفها بيهم شافتو ماتكلمش هبطت راسها حست بخيبة لانو حشم قدام زملاء توعو يقول لهي مرتو غاضتها عمرها حست دموعها راح يخونوها
منار بصوت مغصوص: كملت مهمتي انا تشرفت بمعرفتكم جاوزت قيس و سامي وصلت قدامو طلعت عينيها تلاقاو مع عينيه هبطتهم بزربة
جواد: الفلاش راه عند حسان راح نوصل مرتي لدار.. في نفس اللحظة طلعت عينيها مجديد بلا ماتشعر تبسمتلو اك الابتسامة لي يعشقها حتا هو رجعلها ابتسامة تسحر حتا بانت غمازتو و كانت عينيه تلمع لمعة مافهمتهاش
جواد: هيا منار نروحو ( جواد اخر شي كنت نتوقعو انو سامي و قيس يهدو علا البيرو و يشوفو منار عندي هذيك الخزرة هدتني حسبت اني مش حابهم يعرفو لهي مرتي لكن انا خممت وقتها فالمهمة و بس.مانقدرش نشرحلها و لا نفسرلها اي حاجة و في نفس الوقت مانقدرش نخلي دموعها ينزلو شفت هذيك اللمعة كان لازم نحسسها انو تفكيرها غالط صح بدايتنا كانت مش صحيحة لكن المهم هي مرتي ايه مرتي قلتها قدام هذوك الزوج لانو اكثر اشخاص يعرفوني شفت وقتها ابتسامتها لي تخليني ننسا كلش واي تعب كانت بريئة لدرجة اني بادلتها الابتسامة و ماهمنيش في هذوك الزوج عارف راح يفتحولي محضر لي يهمني صغرونتي تكون مرتاحة معايا قررت ليوم نفرهدها و نعطي لعلاقتنا فرصة )
