الجزء 28
كشرودة حطي جام قبل ماتقرااي 😍 ..
مع لي كانت شراتهم رجع شافها ركبت مالور مع اسيل ديمارا وكل حديثو كان مع فاطمة اما نظرو كان كلو مع المهبولة لي وجها مازال حمر و ماخزرتش شيرتو ملي طلعو حتا الساشي مازال مانتبهتلوش وصلو اسيل و كمل وصل فاطمة و سارة.. نزلو كي وصلو لباب دخلاني تاع البيت عيط سامي لسارة و ورالها الساشي... اول ماسمعت كلامو حسيت برجفة درت بالزربة شفت ابتسامة مافهمتش معناها ماكان مني غير الا نعطي الريح لرجليا حتا كلامو ماركزتش معاه حتا وصلت للكرهبة و بدات تركز مع كلامو وجها طلع طمطومة ماقدرتش تشوف فيه اول ما وصلنا جاني صوتو السخطة باغي يكمل علا مابيا درت شفت فيه بتردد حتا شفت الساشي في يدو شربت راسي اووو والله نساني فيه الهم رجعت عندو بخطوات مترددة حسيت بعينيه مثبتين فيه الهم باغي يجيب اخرتي.. كانت جاية عندي و راسها فالرض مازالها حشمانة من فازت مقبيل وصلت قدامي كان بينا مسافة قصيرة مدتلي يدها تسنا فيا نعطيها الساشي.. تبسمت بخبث وحكمت يدها الممدودة و حبيت نشيخ عليها طلعت راسها تخزرفيا بربثة.. امممم الظاهر انوو لي سوفاتمو توعك مقدرلي كامل نشوفهم.. تفكرت فازة الفاك.. هبطت راسها حست بحشمة منو حتا دموعها تحجرو في عينيها.. اول ماحسيت انها مش قد بعضها حطيت يدي علا ذقنها طلعتو شفت شهد عسلي فيه دموع ماتمالكتش روحي حطيت وجها الصغرون بين يديا و قربت منها علا الاخر حسيتها زادت تربثت.. سرسورتي علاه الدموع راني نقصر برك شوفي فيا.. طلعت عينيها بزربة و عاودت هبطتهم. حتا هي ماعلبالهاش علاه ماقدرتش تبعدو ولا توقفو عند حدو حست لانو قربو منها يخليها تحس بشعور غريب و حلو في فرد وقت لمساتو و يديه علا وجهي استحليتهم.. سارة انا مش حابك تخافي مني انتي غالية عليا فوق ماتصوري عمري ماراح نخمم ناذيك.. طلعت عينيها تشوف في عينيه بلون الليل و سرحت فيهم كانت فيهم لمعة صدق.. كمل قال و نتي اخت اعز صحابي وفوق هذا الكل انتي روحي و مافيش حد يقدر يستغل و لا يلعب بروحو و غمزها.. صح انا مهبول و شفتي هبالي و شاف شيرة صدرها و تبسم لكن راح يكون هذا لهبال غير ليك نتي و زاد قرب منها علا الاخر حتا لسق فيها و صدرها لما يطلع و يهبط يقيس صدرو.. تبسم بخبث.. سارة اركحي اطفلة ولا قسما عظما راح ترصالنا فالبلدية مع توام*خمااج كفااار فاسقوون * هههه اما سارة كان مخها حابس مش معاه جملة هذا الكارثة واش يقول واش يدير اول ما ستوعبت كلاما دارت بزربة رايحة تجري حكمها من يدها و جبدها عندو حتا ضربت في ظهرو حست بكرون في كل جسمها و وجيعة بنينة في كرشها ( مش فراشات طايرين مع سامي ديناصور طاير في كرشها ) قرب من شحمة وذنها و همس بصوت محشرج.. مازال ماشبعتش،منك و مازال ساشيك عندي.. حتا هي ماكانتش بعيدة عليه صوتها خرج ببحة مزغلة بالرغبة سامي يزي خليني نروح ذك يشوفنا كاش واحد.. مابنو اسمي مشفافك و هو يحرك شفافو ورا وذنها و نفسو يدغدغ فيها.. سامي خرجتها بصوت متقطع حتا انها رخفت في حملتو حتا هو ماكانش بعيد عليها حتا انو بدا يفقد السيطرة علا روحو... نعبو عمرو لسامي واش عملتي فيه يا سارة.. قرب من خدها و غطاها بجهامتو و حط الساشي في يدها و قال حاب نشوفك لابساتو ليا صغرونتي و نوعدك في اقرب فرصة و باسها بوسة مرصوة جنب فمها حتا انو قاس شفافها.. نفسو راح يقتلني مش قادرة نتحرك و لا نتكلم همسو كالمخدر حسيت بروحي ترخفت و كان مش حاكمني كنت راح نطيح السخطة واش قصدو بكلامو نلبسولو غير ليه قبل مانكمل نحلل كلامو كمل علا ما بيا ببوستو لي خلات كل عضلة في جسمي تحبو يكمل لو انو مابعدتش كنت انا لي راح نعانقو في رمشة عين جاني كلامو.. سرسورتي ادخلي ادخلي خلي اليوم يفوت علا خير هي نبدل رايي راني وصلت حدي.. اعطيت الريح لرجليا اول مادخلت البيت و غلقت ااباب تكيت عليه و الفشلة حكمتني و جيت طايحة مقدرتش نعدل مع اي شي حتا من هدرت فاطمة كلمة و ماسمعتهاش بعد مدة طلعت لبيتي فرغت واش شريت شفت الدوبياس حطيت يدي علا فمي والله صح مهبول شراهملي هذا وين فهمت كلامو ماعلباليش علاه عجبني كلامو و تخيلت روحي لابساتو و هو يشوف فيا ..هزيت راسي نحي الافكار من راسي نروح ندوش احسنلي اول ماخرجت شيحت شعري و قعدت فوق البونك جات عيني عليه بلا تردد لبستو و سيبت شعري رحت الكوافوز حطيت روج ساكسي و شفت روحي فالمراية جاوني ذوك الافكار الغريبة و التخيلات... جاني الضحك علا روحي علا كبري نتبهلل تقول هذا وين دخلت المراهقة تسطحت علا ظهري فالبونك و انا نخمم في كلامو خايفة يكون يتمسخر بيا و انا راني طحت فيه قلب و رب خربشت شعري و انا نحي هذو الافكار و نضت نبدل حوايجي احسنلي و فتحت الفايس نحكي مع اسولة لي كانت تغلي من تصرفات قيس المتناقضة بقات مقصرة مع سارة باش تقدر تنسا هذاك الهم... اما عماد و قيس كانو عاملين جو و هوما يتبعو في مراد لي كان من طفلة لطفلة.. قيس قلي كاش بروقرام ولا.. و غمزو... كان قيس لازم يحافظ علا صورتو قدام عماد.. احم احم قبل كنت علبالك عزابي و ماكنت نخمم فالارتباط حاليا كنت نصيع و ذكا حمد والله هداني ربي (ههههه و هو عندو شهرين برك ملي تاب )عماد ماتقوليش راح تزوج و خبطو لظهر.. امممم ترضا علينا ذيك الموسيبة منبعد ساهل.. ههه ربي يسهل.. ونتا كاش بومبات فالخارج ولا.. هههه واش من بومبات خطيبتي راهي معايا والله تعاودلي الطهارة و ننوي نشوف في غيرها... هههههه يا زح ازوجو و ريح.. وي علا هكا راني رجعت العرس بعد 15 جور... مبروووك الصحوبة.. ان شاء الله نقدرو نسلكو منار لانو بلا بيها مش راح نقدر نعرس مش مقلق بزاف لانو حسام معانا.. قيس بحيرة:علاه واش يكون هذا حسام.. حسام شريكي عندو وحد الذكاء ماعلباليش كيفاش نصنفو ماشفتش مقبل كيفاش يحكي مع جواد هذاك يقول نص جملة و هذاك يكملها..
