الجزء 31
طمنت و وصاني نسمع كلام حسام.. رحت نجري ليما لي هذا وين بدات تفطن حبسني حسام ماخلانيس نحيلها الرباط و رحت لخولة نوض فيها اول مافطنت تفلقت بالبكا مسكينة حتا هي كل الضرب جا فبها مسكينة خافت اذا يقيسولي كرشي ..خولة بخوف منار راكي مليحة و بيبي مليح.. ايه حبي راني مليحة و نتي حنونتي.. انا مليحة مايهمش كرشي شوية توجع برك.. منار راكي بلحمل بصدمة.. ماما ماشي وقتو منبعد نفهمك.. حسام كان مصدوم لكن ماعندوش وقت لازم يكمل لي بداه فتح البيسي لقا فيه كود.. واش هو المود خولة.. اول ما سمعت اسمي من فمو السطر كامل راح حتا ضربتني منار لراس باس فقت..انطقي ماعندناش الوقت.. شفت فيه و قلت مواح.. شاف فيا بصدمة لسانو تربط.. فقت بلي فهمها نقص الكود هو كلمة مواح هبطت راسي بحشمة.. يا لهم قلو عليك الكلمات كتبتي ذيك.. انا وين علبالي راح يخطفوني و يجي راجل مافيا باقلاوة يسلكنا و يحتاج البيسي تاعي و راح نتبهدل معاه بسبة الكود.. كل هذا الكلام علا وذنين حسام لي حاير في هذي البوكيمون كيفاش تخمم.. ثبت الكاميرا و فتح الكونيكسيو و حولها لمقر بث مباشر... منار راح نربطك و راح تظاهرو بانكم مازالكم مغاشيات و انا راح نسلككم و راح نخلي الكلب يعتارف ببلاصة البوس تاعهم... اول دخل صالح شاف حسام يحاول يفتح الرباط.. اووو عندنا فار هنا حاب يدور علا سيادو و وجه الكابوس جيهتو.. قبل ما يدير اي ردة فعل تكلم حسام.. حاب نشوف البوس تاعكم عندي معاه خدمة.. خرج صالح الرجال لي كانو معاه و غلق الباب و تكلم.. نيهاهاهاه قتلي حاب تشوف البوس... فلاش باك... كي دخل صالح لبيت عرضاتو عيشوش خبطها بكف طاحت لرض راحت منار ليه.. تفوو تتقاوا علا مرا يا خامج واش حاب منا واش راك دير.. حكم منار مشعرها و عطاها كف شفافها تفلقو يا ق.... يا خامجة طول حياتي و انا نسنا في هذا ليوم كنت عارف نتي كلمة السر لكن الطحاحنة خرجو اذكا مني و راحو حطو الدوسيات في خزنة و تفتح غير بالبصمة و الحمار تاع راجلك عاوني مليح قدر يعرف الخزنة و ين راهي وفر عليا الخدمة راح نحيلك يدك و نديها معايا و نتي سلميلي علا بوك.. تفو عليك يا عرة رجال يا كلب جواد راح يعذبك و راح يخليك كي لكلب تطلب فالرحمة و ماتلقاهاش مع كملت كلامي و يجيني كف اخر طحت لرض و زاد جا يركلني للكرش حتا رمات خولة روحها عليا و طاحت فيها الضربة انا مالخوف و الخلعة تغميت و كي فطنت لقيت روحي مربوطة.. ............... ايه وشكون نقولو.. قولو حسام عبد الرحمان.. عينيه خرجو مالخلعة.. واش شفتك تخلعت نتا ثاني تعرف القصة.. جيت للموت برجليك يا كلب راح تخلاص عليك كيفو بضبط.. واش تقصد بكيفو يا خامج.. بما انو راح تموت تموت نتا و المصونة اختك راح نحكيلكم الحقيقة.. انا نسمع فبهم و حسيت طرافي نشلو مالصدمة واش راه يقول اسمو حسام عبد الرحمان و انا منار عبد الرحمان قبل ما نستوعب كلامو جاتني الساعقة انو حسام خويا كيفاش خويا هذي... اولا انا مانيش صالح و انا البوس... حسام بصدمة كيفاش نتا البوس و محمد واش يكون.. بضحكة شر ايه محمد الله يرحمو كان انسان مليح لكن كان خاين خاني و ما وثقش فياوكيما وثق في براهيم.. علا هكا كان لازم يموت و حط يدو فوتها علا عنقو ..حسام يسمع و مش قادر يستوعب حتا من منار ماكانتش بعيدة عليه.. رحت عندو قتلو اعطيني الورق قالي انو حطهم في بلاصة مكاش لي يقدر يوصلها عذبتو و هددتو بيكم لكن كان حبو للوطن اكبر و حط يديه علا عينيه زعمة تاثر و استشهد محمد مسكين وبعدها ضحك مرة اخرا تعرفو واش درت بدلت وجهي بوجهو هههههه علبالكم واش درت رحت حرقت قسم الارشيف كلو و هوما حسبوه محمد و يضحك بهستيريا
اول ما سمعت كلام هذاك الطحان ماقدرتش نصبر و نبقا بعيد علا الاحداث خرجت قبال كلابو حكموني و انا مانپا ما قاومتش كان كلامو يتعاود في مخي طول 15 سنة حنا نستخايلو انو محمد عبد الرحمان هو المجرم و خرج شريكهم الكلب بقا شي واحد يدور في بالي هو موت بابا لازم يقوليوالصح و يريحلي قلبي.. اول ما وصلنا باب الدار عيطولو رجالو انو حكمو واحد من خبثو ليه ليه عرفني دخلوني طلعت طبطب واحد فالباب حتا فتحو و قابلني الكلب ماركزتش معاه بزاف اول ما فحصت البيت جات عيني عليها فوق الكرسي مسلمة الكلب ليوم نشرب من دمو كيفاش يحط يديه المسخين علا صغرونتي و يضربها والله ماندمو علا النهار لي زاد فيه صاوب سلاحو جيهتي.. اووو اهلا اهلا بسي جواد نسيبي العزيز نشكرك لولاك ماكنتش راح نوصل للخزنة و المستندات و راح نجازيك علا هذا شي راح نخلي موتك ساهل مانعذبكش.. يا طحان راح ندفعك حق واش درت في بابا و مرتي حاب نفكرك سي اسماعيل.. اممم القطوس رجع نمر.. يا لكلب.... بيا علبالك ماكنتش وحدك فالبيرو نهار موت بابا كان فما شاهد صغير متخبي تحت البيرو قدر يسمع كلش و يشوف كلش... حط يديه علا عينيه و ركز عليهم زعمة متاثر من كلام جواد و قال.. هههههه براهيم صاحبي ماكنتش حاب نخلص عليه هو جابها روحو ماحبش يعطيني كلمة السر و خير هذاك الطحان و بما انو رفض اقتراهي كان لازم واحد فينا لي يعيش برك و هذاك الشخص هو انا و طلق ضحكة شريرة هزت الدار.. اضطريت ننتاحل شخصية صالح و نزوج من ذيك الق.... و بنتها حياتي كامل نحوس علا كلمة السر و الفرخة كانت هي بروحها كلمة السر.. اول ماعرفت حاب تزوجها عرفت انكم فتحتو القضية جاتني فرصة لحد عندي.. نسمع في كلامو و غش ماكني لطرف يطلقوني عليه نشرب دمو الطحان هذا ماهوش عبد كيفاش قدر يلعب علينا كل هذي المدة و زيد نتاحل شخصية واحد بسيط وحد مايقدر يحكمو و بقا يلعب بالخيوط مبعيد.. جواد : كان ستعملت هذا المكر في خدمتك كان راك المع عميل و تفوت صحابك بصح نتا طحان و ما تسواش خيرت تقتلهم تربح انجازهم...اممم وشكون قالك كنت حاب نرجع عميل انا كنت نحوس علا الدراهم و السلطة و دومانكم ما يقدمهاش.. حسام: هذي الهدرة قولها لمافيا تاع روس لي راهم يسمعو واش راك تقول هههه..تسماعيل بصدمة: واش درتو انطقو انا نفرغ رب الرصاص في ريوسكم بصياح و هو يوجه السلاح مرة لجوعد مرة لحسام.. تبسمو في زوج تبسيمة خبيثة.. في هذا الوقت ناضت منار ماتحملتش واش سمعت طاحت عينها في عين جواد و كانت النظرات هي سيدة الموقف مش محتاجين يعبرو كانت نظرتها فيها خوف ووجيعة و نفس الوقت نظرت عاشقة تشوف في حبيبها بعد فراق طويل حتا جواد ماكانش بعيد عليها كانو عينيه فاضحينو عينين الصقر لي تخوف الاعداء ليوما راهي كلها شوق و حب لمعشوقتو طمنها بعينيه حتا هي حست بالقوة اول ماعملها ذاك الجاست قربت من حسام و حكماتو من يدو كانت تحكم في توازنها بسيف حط حسام يدو كحاجز باش ماتفوتش شافت فيه منار نظرة حنينة قربت منو و طلعت علا صبعتيها و حطت يديها علا وجهو تمسح فيهم عليه حست بشعور اجمل منو مكاش شعور انو يكون عندك سند و هو الاخ هو لي ماهما تعملي يبقا في ظهرك يحبك بلا مقابل لانو نتي ختو حب فطري يولد معاك مش محتاج تفهمي علاه ولا كيفاه.. حتا حسام كان في حالة شعور اول مرة دفئ العايلة اول مرة تتحرك مشاعرو اتجاه انثى من غير شهوة ولا قيود ماحتاجش يفهم شعور حبوالاخوة خلا حذاك الاحساس يتملكو و يعبر علا قبولو من خلال دمعة لخصت مدا تأثرو بهذا الشعور حكملها يدها و زير عليها كانو يستمد مالطاقة منها.. حسام: ابقاي ورايا متقربيش.. منار:جيست حابة نفرغ قلبي فيه
