الجزء 17
وصلنا للكرهبة
جواد: اممم وين حابة تروحي تفطري الالة
منار: مبهمة شافت وراها راح معايا ياخي
ضحك جواد من بلادتها و حط يدو علا شعرها فرفشو هيا طلعي عندنا يوم طويل... فطنت مع روحي و طلعت بحذاه قررت نعيش اللحظة مش كل يوم راح يكون جواد هكا لازم نستغل الفرصة هذي و نستمتع بكل لحظة معاه نخلي نشوف وين يوصل..
منار: يعني اي بلاصة راح نروحو ليها.. هزلي جواد براسو و هو مركز مع الطريق... حابة نروح لربستو **** سمعت انو ماكلتو بزاف بنينة و المنظر لي فيه يهبل
جواد: امممم مايكون الا خاطرك وصلو للباركينغ راكا الكرهبة و شاف في منار قربي مني... قربت منو بشوية بقيت نثبت فيه حتا حط يدو علا شعري و نحالي الشوشو.. مسموحلك كي تكوني معايا تخليه مسيب منبعد قرب منواضري و نحالي نواضري و شاف في عينيا هكا راكي محلاكي.. بقا عقلي في كلمة محلاكي اول مرة يعبرلي علا اعجابو بحاجة فيا بذي طريقة فقت من سرحتي ..جواد عندي مشكل في عيوني ما نقدرش ماخلانيش نكمل جملتي... ششش مكاش ضو الشمس داخل ماكاش مشكل... زاد حيرني كلامو من وين عرف مشكلة عيوني... جاني صوت جواد كانو سمع افكاري... اممم عرفت لانك يوم حكيتي لسارة كنت مركز معاكم هكا عرفت...وصلنا لسونط فيل نزلنا قدام ابارتومو مزيانة... جواد واش راح نديرو هنا... راح نبدل حوايجي مانحبش ندور بالكومبة سورتو ومعايا نتي غمزها و نزل..دار من شيرة بابها و فتحها هيا ولا مش حابة تشوفي داري.. يعني نقدر ندخل نشوفها... دخل جواد و انا تبع فيه دخلنا السونسير طلعنا حتا وصلنا لكولوار كان فيه اربع بيبان رحنا لثالث باب فتحو جواد و دخلنا اول مادخلت قابلتني صالة كان فيها تليفزيون و و فوتايات و طابلة كانت شحال شابة بقيت ندور بعينيا في كل بلاصة رحت شيرة البالكو شفت منظر الناس و الحوانت يعني تبقا نشوف فيهم ليوم بطولو و ماتكرهش... تقدري تشوفي باقي البيت طرت خرجت مالصالة قابلوني 3 بيوت و بيت كانت مفتوحة دخلت كانت الكوزينة كانت مجهزة بكلش قربت الفريجيدار فتحتو كان فارغ الظاهر انو مايبقاش هنا بزاف و زيد الغبرة دايرة حالة لازمها مناج خرجت منثما ورحت دخلت في اول بيت كانت سامبل بسريرين و قارد روب و مكتب صغير غلقتها و رحت البيت الثاني نفس الشي رحت لثالث بيت فتحتها و دخلت يالاالهول ماهذا كان جواد قدام القارد الروب و لاف منشفة علا وسطو درت بالزربة و خرجت وجهي حمر مالحشمة... سنعت صوت الباب عرفتها منار شافت فيا و دارت عرفتها حشمت تشيخني كي تكون هكا كملت لبست سوريتي و سروال جين و خرجت عندها... منار اذا حابة تشوفي البيت ادخلي... لالا خلاص نروحو اذا كملت... خرجنا مالبيت ركبنا و ديراكسيون الريسطووصلنا راكا الكرهبة .. منار باهي جواد يعني وصلنا.. اممم وصلنا يلا نسبقو نخيرو بلاصة تكون طل علا البحر كيما حبيتي صغرونتي قال الكلمة منبعد فاق مع روحو نزل قبل ما تتلاقا عينو بعينها.. بقيت مبهمة واشبيه هذا ليوم وقيلة اخر ليوم راح يقتلني كيما يصرا فالافلام فقت من سرحتي كي دق علا زجاج التاقة نزلت و بقيت نتبع فيه دخلنا كان كل شي كيما تخيلتو عمري حلمت ندخل لبلاسة كيما هك حكمت جواد من يدو و علا جنب همستلو جواد يبان البلاصة مكلفة بزاف مش لازم نتغداو هنا
جواد: كي تكوني معايا ماتخممي في شي باهي
هزيتلو براسي و رجعنا للقارصون... مسيو بلاستك كيما موالف واجدة تفضل معايا
جواد: لالا خلي نشوف مع المدام البلاصة لي تعجبها راح نقعدو فيها... راح القارصون و كمل جواد و منار دخلو ااداخل منار دور بعينيها شافت بلاسة فالزاويا تطل علا البحر عجبتها مش نورمال.... شوف هذيك الطابل عجبتني علا الاخر...
1
امممم ايجا نقعدو جاهم القارصون.. اختيار موفق مدام المنظر منا بزاف شباب.. امم راني نشوف هو البحر و صوت الموج حاجة اكسبسيونال... تطلبي انتي ولا نطلب علا ذوقي ...اممم انتا موالف جي هوني اطلبلي علا ذوقك.. كملو فطرو و حكاو شوية علا روحهم كملو خرجو و ركبو الكرهبة شاف في منقالتو راهي الزوج مازال شوية وقت وين نروحو تاني
منار: بالزربة للبحر للبلاصة لي رحنا ليها المرة لي فاتت و بعدها نروحو عند امي توحشتها بزااااف و عينيها تعمرو دموع... يزي مالبكا يعيشك صغرونتي راح نديك عندها و قرب يدو حطها علا خدها و مسح عليها و بطرف صبعو مسح دمعة هبطت منها... ايا وريني ضحتك و تبسملها... روحو للبحر قعدو علا حجرة كبيرة ثما حكاو شوية و روحو ديراكسيون بيت ام منار وصلو رحبت بيهم عيشة و ماخلات ما عملت مالفرحة بينهم.. امي عيشة عجبني الدلال هنا وقيلة نجي نعيش معاك... منار اممم هذي امي انا و انتا غير مسموحلك تعيش معاها و ناضت عنقتها... ماعرفتكش غيورة هكا في ذيك اللحظة دخل مراد بضحكة صفرا اووو شون راه عندنا راح خمس مع جواد و راح يقعد شيرة منار و هي ناضت قعدت و لسقت في جواد كانها تقولو مراح دير والو هاذا لي يمرغلك خشمك فالرض فهمها جواد و حد يدو حضنها و حط يدو علا كتفها ..اممم عزيزتي واش رايك نرجعو ذكا راه لوقت هزتلو براسها باهي... خرجو وديراكسيون الفيلة وصلو دخل جواد البيرو و منار راحت دوشت و راحت حضرت حاجة لجواد ياكلها... راحت منار للبيرو دخلت قعدت مقابلاتو... منار حاجتك بحاجة... منار هو ليوم يوم الحفلة... تبسم جواد.. اممم تقدري تروحي عند سارة الشفور يوصلكم عندي شغل ذكا.. هزتلو براسها.. جواد حبيت نشكرك علا كلش سورتو ليوم نشكر ربي لحطك في ثنيتي ربي يخليك ليا تبسمتلو و خرجت ماستناتو يقول حتا كلمة... راحت عند سارة وينك اطفلة ليوم مابنتيش عيطتلك ماترديش... امم كان سيلونسيو كنت مع جواد ليوم... احكي واش صرا عينيك فاضحينك هههههه..امممم رحنا فطرنا في **** و رحنا لابارتمو تاعو ورحنا البحر منبعد رحنا ليما.. هههههه شهر العسل جوزتوه ليوم في نهار واحد... مابقاش وقت خلينا نلبسو راهي 19:00..راحو لاسيل يوصلوها معاهم وصلو كانت 20:00 لما دخلو كانو الانظار الكل عليهم سارة كانت لابسة روب باج لي مونش توعها واصلين نص يديها كانت مسنترة مالفوق و لارج مالتحت توصل لكعبها و لابسة صوندال فالدوري و عاملة مكياج مبين عيونها العسلية وعاملة شعرها للفوق و خصلات مسيبتهم حاطة ماسك مغطي عينيهي علا شكل ريم غزال...اما اسيل كانت لابسة روب برونساس فالازرق و حاطة شريطة بيضا علا شعرها لي كانت مسيباتو علا طول ظهرها و صباط دومي طالو.حاطة ماسك بشكل قطة.. اما منار كانت لابسة روب فالنوار مكبوسة شيرة الصدر منبعد مسيبة حتا لاسفل رجليها و كعب فالروج و بوشات في نفس اللون و عاملة روج كيفو عاملة شعرها بابليز و مسيباتو علا ظهرها و حاطة ماسك علا عينيها بشكل فراشة... الكل مبهر في وهرتهم و طلتهم كانو بالحق اميرات الكل يوشوش شكونهم هذو وصلو لطابل جاتهم خولة اجدكم الكل راه مبهور فيكم ماتوقعتكمش هكا... منين عرفتينا بلي حناهههه ...تبغو الصح عقلت اسيل بطولها و البوندانة لي ماتقدرش علا فراقها... والله يا خولة كان ماشي الروب لي راني لابستهاكنت راح نعطيك طريحة تاع كلاب...عند جواد
بعد ماراحت منار رحت لبست كوستيم فالنوار و كرافات. بابيون ركحت شعري ديراكسيون سامي و قيس...بعد نص ساعة يدخل تامر و منوراه ايمن و اسحاق كانو كتلة من الاغراء لابسين لثلاثة نفس الستيل كوستيم نوار مسنتر علا بدنهم و كرافات بابيون فالروج كل الانظار عليهم
