الجزء 8
تبسمت كي شفت شعرها علا وجها الظاهر حتا القدر و مش حابني نشوفها في ذيك اللحظة تحركت و طاحت الكوات كانت الروب طالعة بقيت نشوف في فخاضها البيض حسيت ريقي نشف كانو اول مرة نشوف طفلة بعدت عيني عليها طاحت عيني في سوتيان كان قريب وين راقدة ما قدرتش نحكم في روحي و ما نخزرش في صدرها بقيت برهة و انا نثبت فيه كان يبان شطر منو هزيت راسي يمين و شمال نطرد فالافكار لي جاتني قربت منها طلعت شعرها شيرة خدها حطيت شفافي اول ما لامسو خدها حسيت بكرون سرا في كل جسمي و حسيت قلبي راح يوقف ستحليت الشعور و انا نلامس خدها فتحت عينيا بالقاوي كانو فقت لواش راني ندير بعدت بالزربة رحت للكوزينة نشرب حسيت ريقي شاح واش بيا هذي هي لي كنت نتوعد فيها علا جاست صباح حتا لقيت روحي نبوس فيها شفت لطابلة لقيتها فارغة حوست كامل الكوزينة ماكاش فما ريحة ماكلة دارتها بيا الفرخة ترصالي نرقد بلا عشا والفت ناكل هنا ووصيتهم تحت ما يخلوليش نفخت بالقاوي و رحت تسطحت فالسرير وغمضت عينيا غدوة نهار طويل و راح نبدا فيه المهمة منار تحكي نضت صباح بكري دخلت للبيت كنت نضن انو مازال راقد حتا مالقيتوش فما عرفتها بات برا رحت لدوش دوشت شفت حوايج لبارح ريحت عرف راح بكري يا غبية ريحت برفانتو راهي مالية البيت لازم تعرفي بلي كان هنا خرجت مالدوش لبست روب فلوري طويلة و حكمت شعري طلعتو للفوق ودرت غسيل و ماجيك حطيت نواضري و هبطت نفطر لقيت سارة تفطر منار: صباح الخير سارة و فاطمة: صباح الخير سلمت منار علا فاطمة و قعدت بجنبها و بدات تفطر سارة: نروحو نمشو لجو راه مليح منار: ايه اصلا لافاك مش بعيدة 10 د نكونو ثما خرجنا وصلنا لافاك شفت مجموعة من بنات يقراو معايا رحت سلمت عليهم و عرفتهم بسارة و بعدها درنا شفنا لافاك ولي صال وين جايين عرفت سارة لونبلوا تاعها وصلتا لونفي و رحت كان عندي كور تاني دخلت و قعدت فالصف الثالث بقيت نبربش فالتليفون حتا سمعت البنات يتهامسو شكون هذا البقلاوة اي هذا تاعي كل وحدة واش تقول طلعت راسي و نشوفو والله صح كيما قالو بقلاوة معسلة منار: بسس خولة خولة شكون هذا خولة: بروف جديد اول مرة نشوبو رندة: هههه خولة هذي خدمتك شوفينا شكون هذا خولة: منار راكي مزوجة نتي خاطيك تكحال خلي وحدة فينا تصيدو رندة: ايه عندها الحق ههههه منار: بلعو بلعو ذك يطردنا منهار الاول (قعدت نثبت فيه والله كتلة من الوسامة ذاك الكور ذوك العينين بصح تقول شفتو مقبل ) عند سارة الو وين راكي اطفلة ماتقوليليش تودرتي برك اسيل: فالحقيقة.. هو.. ايا بلعي مانعرف وين راني بلاصة كبيرة تبان كي صال دو سبور سارة: ذك نشوف مع منار وين هملتي كي نتلاقاو نتفاهمو عند اسيل يا ربي لاه مانفرقش الاتجاهات نخمم في بلاصة نخرج في بلاصة بففف مجهول: واش راكي ديري هنا ممنوع تكوني هنا... اسيل كانت عاطياتو بظهرها وقتها دارت عندو و عينيها في لرض حشمانة اسمحلي استاذ قريت البلاكة مقبل غير افراد النادي لي يدخلو مجهول: هههههههه هذي نتي صغرونة شفتي تلاقينا مجديد و حتا ليوم مشغول ما نقدرش نتبعك لداركم و غمزها اسيل: بدهشة هذا نتا واش دير هنا مجهول: اممممم خليني نفكر اممم بلاك لانو نخدم هنا جات جاوب اسيل حتا جات سارة و منار عندها حكمتها سارة من وذنها وزيرت و اسيل تتوجع و تقول والله مانعاود واللله مانعاود سارة: قتلك ماتروحيش نعرفك تبحري نتي داركم و مانعرفك كيفاش حفظتي طريقها جاية دوري وحدك فلافاك منار: ههههههه بظحكة تاع بسيف الله يكظف كل م كشفتونا قدام الاستاذ المجهول كان مصدوم كيفاش طفلة بقوتها ساكتتلها بردة سارة و طيح عينها في عينو ضيقت عينيها و ثبتت فيه استاذ تلاقينا مقبل الاستاذ: بربثة لالا اول مرة سارة تفرك في لحيتها جابلي ربي شفتك مع لوقت نتفكر انا ماننساش وجه شفتو مجهول: يا حبببي يا دلالي واش هذي لعلقة و الله ذيك العايلة صح تخوف منار: اسمحنا استاذ نروحو خرجو لبنات و راحو للكافيتيريا لقاو خولة و القروب ثما قعدو معاهم خولة: غدوة نجيبلكم تقرير عليه سارة تهمس لمنار: شكون هذا منار: وحد البروف بقلاوة هههه سارة: امممم مرت خويا واش عجبك وقيلة هههه مهما كان بقلاوة مايكونش كيما جواد هههه منار (كينشوفو ذيك الساعة و نقولك هههههه ) اسيل في عالم اخر سارة غمزت منار: اسيل وين راه عقلك مزال في لاصال اسيل: ايه قصدي لا تكلاطاو بضحك في زوج امممم وقعنا ولا ايه اسيل: بلعو عليا بلو و راحت تشري جي في ذاك الوقت يدخل وحد الكائنات غريبة انيقة و تقعد في طابلة اسيل ترجع تجري ماشي هذاك الاستاذ منار: وهذاك الاستاذ لي حكينا عليه خولة: ياه رجع البحث علا زوج مش واحد و ضحكت ضحكة كل من فالكافي شاف فيهم استاذ منار وهو يشعل في سيقارو نكره لبنات لي يلفتو الانتباه بذي الطريقة استاذ مجهول: .....باقي يحدق فالجماعة استاذ: في واش راك نشوف و دور راسو للجماعة ضيق عينيه و طاحو عينيه عليها في لحطات و كمل شاف في باقي المجموعة استاذ مجهول: اممممم هذا لعام راح يكون مميز ولا واش قال مكان كمل الجملة و يزدم عليهم شخص ثالث ماتحشموش تشربو قهوة بلا تلميذكم النجيب لي في خاطركم رجع يكمل قرايتو و ذبل عينيه و قعد خولة: ثلاثة البحث راح يكون علا ثلاثة ضحكو لبنات علا كلامها ناضت منار و تبعتها سارة و اسيل بقاوهم علا خير جازت سارة قحرتلهم و تبعتها اسيل حاشمة من نظرات المجهول مهبطة راسها واخرهم منار رجعو للفيلة تعبانين مازالو ماوالفوش راحت دوشت منار و لبست جبة تاع دار معمرة فالروج و راحت تسطحت تريح جواد يحكي جاز يوم.صعيب ماكنتش متصور الوضع راح يكون هكا راه معقد كثر مما تخيلت بديت اللعبة ولازم نكملها بفف منار ماهيش مخوفتني كيما سارة خليني ندوش و نريح مخي دخلت الدوش ضربتني ريحة الجال دوش سور هذا وين دوشت كملت ركحت اموري و لبست شورت و رحت لصالة لقيتها متسطحة علا ظهرها و مطلعة رجليها و تبربش فاتليفو علا دخلتي تنوض مربوثة و دير دورة كاملة و و تفتح شعرها يطيح علا وجها قعدت بجنبها جواد: طيبيلي قهوة راسي يوجع منار: ثواني تكون جاهزة هي دارت و انا شفت فيها و تبست اول مرة نشوفها بالجبة اصلا اول مرة نشوف طفلة لالستها ( والله وراح تهبلك هذي الطفلة. اجواد هههههه ) دقايق و جابتلي القهوة ظعلت سيقاري و بديت نتكيفو انا نشوف مع التيفي منار: نجيبلك كاشي تاع راس اذا راه يوجع بزاف جواد: اممممممم منار: ذك نرجع.... رجعت ومعاها دوا و كاس ما حكمتهم عليها و شربتهم سندت راسي علا الفوتاي و غمضت عينيا نحس راسي حاب يطرطق حسيت بيها كي جازت و رجعت وقفت عند راسي ضيقت عينيا و انا مغمضهم و فتحتهم كان ضو قص جيت نتكلم منار: خلي نديرلك مساج لراسك ...بقيت ساكت نسنا حركة القادمة منها حسيت بيديها علا راسي هبطت لعروق جبهتي بدات تمسد عليهم بطريقة دائرية حسيت براحة وقتها كانت لمساتها سحرية تاع الصح استحليت اصابعها صغرونين حسيت برعشة و برغة انها تكمل و ماتحبسش جاز وقت منبعد حبست حليت عينيا و ثبتهم عليها كنت متوني وقتها اني،نشوف وجها و تعابيرها جواد: بصوت محشرج من قربها يعيشك رتحت شوي وقمت ورحت تسطحت في بيت نوم و رقدت بلا ما نفيق عند منار قعدت نقرا فاكرونيك كي لعادة حتا جاني صوتو نضت طايرة قعد قدامي..
