الجزء 23
طيبت سوپ لجواد و لا بيري و لبنات عملو جاج محمر و روز و فريت و سلاطة..جهزنا الطابلة قترحت علا امي انو جواد يروح لبيت نوم يفطر و يريح.. لكن هو رفض بقا يفطر معانا بعد ما هبلني بطلباتو و دلالو حسيتو بيبي صغير هو مصاوب في يدو اليسار و قالي نوكلو بحجة يدو اليمين حزنانة علا يدو المصاوبة بقيت باهتة فيه و حشمانة و هو عاجبو الحال.. اصبر يا جواد والله نخلفها.. روحو الجماعة طلعت البيت معاه كان جواد يبان تعبان... منار: جواد راح نعدلك الفراش ترقد.. اممم لالا حاب ندوش.. نست راك مصاوب الما مش مليح للجرح.. مانقدرش نرقد بلا ماندوش.. مستحيل نخليك دوش.. وقحرتلو كانت اول مرة تعاندو.. حتا هو راسو حجرة قحرلها و دخل الدوش.. نفخت بالقاوي و تبعتو داخل الدوش لقيتو يعافر فالتريكو.. قربت منو و نحيتولو ماحبيتش. نخزر فيه حسيت بخزرتو فيا.. انا: تقدر تكمل وحدك.. هزلي براسو لا.. طفيت ضو الدوش و عاونتو دخل البينوار.. ههه دوشتلو مالفوق برك كنت كل ما نجوز يدي علا صدرو و لا ظهرو نحس السخانة طلعتلي سايستو علا الاخر خفت الجرح يحكمو الما.. عاونو لفيت عليه المنشفة في وسطو و خرجت خرج ورايا حكمت سربيتة و نشفتلو شعرو رحت القارد روب خرجتلو شورت نعرفو يلبس هكا فالدار شاف فيا تبسم و راح لقارد روب عرفتو علاه تبسم مالربثة رحت نجري الدوش مافقتش لعمري حتا بقيت روحي ندوش عضيت شفتي بغزول لا ني ماجبتش حوايجي و لي كنت لابسة شامخين اوووف لبست الكاب زيرتو مليح عقدتو تقول عليا مقمطة اول ما خرجت كان لابس الشورط و مسطح حاط يدو علا عينو صوت نفسو منتظم.. حبوبي مسكين رقد مالعيا.. رحت القارد روب خرجت روب عند الركبة لبستها و شيحت شعري جيت خارجة رايحة لصالة جاني صوتو.. منار ارواحي تسطحي بحذايا.. تكوانسيت في بلاستي اول مرة يقولي هكا.. بقيت مترددة منبعد قربت بخطوات مترددة حتا وصلت شيرة السرير بقيت نخزر فيه حسيت بيدو جبدتني جيت قاعدة فالسرير.. تسطحت علا ظهري كانت مسافة بينا.. قررت نكسر السكوت لي بينا.. جواد رقدت.. لالا.. معليش نسقسيك.. اممم... واش كان يدير فالحفلة.. كان واحد من اعضاء المافيا.. منار بضحكة استهزاء اصلا نتوقع منو كلش.. هذا كلو بفضل نجاح المهمة نتي عرفتي الباب و زيد مراد ذكا عرفنا شكون الخاينين لي بينا.. درت علا الجيهة ليسرا.. جواد نسقسيك ..كانت خايفة الاجابة تاعو.. قولي واش السؤال.. بخوف مخلط مع تردد علاه زوجنا.. بقيت مدة ساكت نخمم واش نقولها اصلا مستحيل تتقبل الفكرة انو زوجتها علا خاطر المهمة و هي طعم لبوها نكره روحي كي نتفكر الطريقة لي بدينا بيها ..لازم ماتعرفش ذكا مش حاب نخسرها في جرة هذا.. وصلني صوتو بعد مدة كانو يجمع في افكارو.. منار صح بدايتنا كانت غالطة لكن حاب كلش يتصلح و نوعدك كلش راح يكون بخير قرب مني و باسني بوسة مرصوصة في جبيني ..منار نتمنا تثيقي فيا راح نحميك من اي حد حتا من روحي قرب مني و حطني في حضنو.. كان صوتو مرخوف اول نسمعو يحكي بذيك الطريقة حسيت بوجيعة في كلامو شطر الكلام كان مبهم بنسبة ليا لكن لنعرفو انو هذا الشخص هو الوحيد لي يحسسني بالامان اول ما حطني في حضنو حسيت قلبي راح يخرج و يفضحني روحجتني ريحتو المخلطة بجال دوش ملمس صدرو علا خدودي حاسة بوجيعة في كرشي حابة نعانقو و نقولو راني نثيق يا اعز ما نملك..منار..اممم.. ماجوبتيش.. حكيت بلا مانخزرفيه اكيد راني نثيق فيك و عارفة عمرك راح تضرني.. جمعت قوتي و حاوطتو بيدي و زدت كبشت فيه.. منار ريحتك بنينة.. حتا نتا ريحتك بنينة و تهبل.. هههههههه اممم صار عجباتك ريحتي.. جواد ارقد راك عيان وجيت نجبد روحي منو.. زير عليا لا راح نرقد و نتي عندي بلاك حالتي تسوء و نتي بعيدة.. شفت فيه اممم نتسطح قدامك و اي شي قلي... ضيق عينيه و قحرلي و رجع صوتو يخوف قلت تبقاي هنا و زاد حاوط رجليا برجليه ثبتني عندو حاسة بجسمي لاسق في جسمو يا شومي روب شطرها طلع و صدري لسق في صدرو النفس بدا يضياق عليا بديت نتحرك باش نتملص منو.. منار اركح مازيدش تهبلني كثر مما راني هابل.. استسلمت لكلامو و ركحت مافقتش براحي حتا بقيت روحي في سابع نومة..حاب تتحسن الامور بينا حاب نملكها حاب تكون ملكي جات الرصاصة فالوقت في هذا الشهر لازم نعوضها علا لي فات.. راني بطلوع الروح حاكم روحي راهي قدامي بهذا الشكل المغري حاب نغطس في رقبتها و نشم ريحتها و نتمتع بحضنها..جسمها الصغير شعل فيا نار مكاش لي يقدر يطفيها غيرها استسلمت لنوم و هي في حضني نسيت كلش حتا وجيعة ذراعي مش حاس بيها.. ماعلباليش شحال رقدنا فطنت حسيت روحي شابع نوم كانت راقدة فوقي روبتها بكلها طالعة حسيت روحي سخنت اوو جواد شد روحك مش وقتو.. منار عزيزتي فيقي.. امم فتحت عينيها و هي تتبسملي.و رجعت غلقتهم و تكلمت .. اوو راني نوم سور راني في حضن جواد و قرصتني من خدي.. شفت عينيها وساعو قريب يخرجو.. تربثت.. امم عجباتك النومة عندي واش رايك تبدا هذي عادتنا ..حسيتها سرحت. تبسمت بخبث.. احنا مزوجين و هذا امر عادي و غمزني.. فقت منسرحتي و جبدت روحي منو اوو راهي قريب الخمسة شبعنا رقاد.. جازو ليام و جواد مهبلني ببلادتو و كل وقت يحشمني رجعت نرقد معاه فالسرير حتا انا نستحلا حضنو و الرقدة عندو يدو تحسنت بزاف و راه يقدر يحركها بقالو اسبوع يوفا الشهر و يرجع الخدمة ليوم الخميس رجع جواد مالكونترول و قالو تقدر تسوق ذكا ..كنت مع اسيل و سارة حتا شفت رقم جواد.. الو وينك.. راني فالفاك مع سارة و اسيل.. فطرتي.. لالا راح نطلبو ذكا.. امم خلبهم و رواحي راني نسنا فيك برا.. لبنات اطلبو نتوما برك انا راني رايحة جواد طلبني... لبنات اووو نيالك منار روحي روحي هو يسرقوهلك لبنات برا.. رحت نجري نعرف البنات مايراطوش ني عازب ني مزوج.. كان متسند علا باب الكرهبة شيرت باب الفاك و لبنات يخزرو فيه كان لابس بلوزة نوار مكبوسة علا صدرو و سروال بلو جين و كونفارس فالنوار و حاط نواضرو علا عينيه.. اول ماشفت البنات يبزنسو فيه حسيت بفوارة في جسمي و غزلت قحرتلهم و رحت عندو اول ما شافني وقف بالقدة و تبسملي.. منغير سابق انذار ترميت في حضنو و بستو من خدو كانت اول مرة انا نبادر حسيت روحي نرعش بعدت عليه و شفت للبنات قحرتلهم.. اول ما شفتها تبسمتلها كانت مش علا بعضها مارجعتليش الضحكة كيما العادة ماحسيت غير كي حملتني و قربت من خدي باستني عينيا وساعو شفتها دارت للبنات عرفتها قصدها مالحركة هذي الفرخة خرجت غيورة.. ركبنا الرهبة رحنا فطرنا في ريستو لي رحنا ليه مقبل كملنا رجعنا للكرهبة.. منار واش عندك العشية.. عندي كور.. اممم مش راح تحضري عندنا وين ماشيين ..اممم وين نروحو.. خلينا كي نوصلو نشوفو بعد 10 د كنا قدام كلينيك بريفي.. منار: جواد راك مليح واش نديرو هنا.. جواد: طمني صغرونتي بخير.. هيا تبعيني.. دخلنا قعدنا فلاصال شويا و جات ةحدة عيطت اسمي شفت في جواد هزلي بعينيه تاع ايا نروحو.. بقيت نتبع فيه و انا مش فاهمة حتا وصلنا لباب شفت بلي طبيب تاع العينين دخلنا لقينا الطبيب ثما سلم عليه جواد يبدو انو يعرفو.. الطبيب: مرحبا مدام عبد الحق.. انا: مربا بيك يعيشك.. احكيلي حالتك مدام جواد راه حكالي نحب نسمع منك شفت في جواد هزلي بعينيه قتلو من وينتا بداتني الحالة طمني انو بعد مدة راح نقدر نتخلص من هذا المرض بلا ما نحتاج عملية
