الجزء 12
سقسيتها دارت روحها مول العملة موش هون ههههه لفرخة بغات تلعبها عليا و بدلت السوجي علا الحرق اصلا مش حاس بيه كي شفتها تتغوصر تحتي حبست و نضت ركحت اموري قررت نوصلها مش عارف علاه حاب نجوز الوقت معاها و نتقلق كي تكون بعيدة عليا لفرخة قاتلي علاه توصلنا حابة جيب اخرتي وتموت و تخليني مش رايض مانحبش نصيح عليها لكن بلادتها تخليني نفقد اعصابي و نخرج من طرعي بلا مانفيق ركبت جنبي فالكرهبة كنت نسرق خزرات ليها طول الثنية و هي تحكي مع سارة وصلنا للفاك شفت شعرها غزلت مش حاب يستمتع بمنظرو و هو مسيب علا طول ظهرها و خصلات علا كتافها و غرتها ليكانت علا عينيها كل مرة تقلقها تنفخ عليها بحركة تخليني نشيخ في عقلي هذا المنظر ليا انا قتلها احكميه ماعجبهاش الحال باغية تهبلني قتلكم تخرجني من طوري صحت فيها رجعت ظفراتو علا جنب الفرخة اي شي يواتيها حتا ظفيرة زادتها شطر مش جاية نقولها فكيها و شوفي تسريحة اخرا الظاهر راح نتعب معاها خزرتني بعينيها الشهل و كانت فيهم لمعة غضب ضحكت عليها في سري يشيخوني ردات فعلها الطفولية نزلت و طربقت الباب ليوم نهارها راحت جري دخلت الفاك حسيت روحي متنرفز شي من الحالة لي وصلت لها معاها مش هذي خطتي و شي من منظرها و انو شطر الفاك ذكور خبطت الفولو حتا رن تليفوني
جواد: راني قدام لفاك 10 د نكون وصلت
سامي: اووو بلعقل الناس تقول صباح لخير
جواد: راهي واصلتلي للعنق ماتخلطش في.... صباح ربي
سامي: ههههه نتا وينتا كنت رايض كان جوز ساعة كي خلق ربي نخرج لوست الطريق و نشطح هندي
جواد: والله كان راك قدامي هذا مافرغتش فيك سلاهي مانكونش جواد
سامي: وانا راه راني نشرك في فمي كي رراني بعيد هههههه مواااااح حبي... نوارة تلاقيتها لبارح قالت توحشاتك عندها مدة ماشافتكش،
جواد: فادد خليني من.... كرهت جدها
سامي: امممممم قتلي كرهت
جواد: ذك نتلاقاو نوريلك الكره
سامي: ههههههههه نبدل الموضوع احسنلي.. نسيت قيس مايجيش ليوم ليوم خدام و زيد راح يتعرف بالاعضاء
جواد: وجدت كلش مالكميرات لمكبرات الصوت
سامي: ماتتقلقش كلش ريقلو حتا انا مانطولش جيست يكمل الاجتماع نروح لازم نكون ثما
جواد: ايا منبعد اني وصلت
وصلت وبعد مدة وصل سامي ناقشنا القضية مع الاعضاء و كل واحد هذا اوامرو بقيت فالبيرو نراجع ملفات المشتبه بهم و ملفات كل من محمد عبد الرحمان و ابراهيم عبد الحق و اسماعيل فتحي المعلومات عليهم قليلة المخابرات ما قدرتش تفيدنا بشي بحكم الحريق لي حدث في قسم الارشيف و سر هذيك القضية كلو في يد المتهم الاول محمد عبد الرحمان بحكم شركاء توعو ماتو لكن بعد موتهم حتا هو ختفا و سمح في بنتو و مرتو لكن لي مايعرفوهش المخابرات انو كنت حاضر وقتها و سمعت المحادثة و عارف واش يحوس عليه الكلب. السر كلو عند بنتو هي المفتاح وعلبالي راح تكون الهدف تاعو الجاي لكن حتا انا مافهمتش كيفاش تكون هي لمفتاح و المهم مفتاح تاع واش الامور راهي غير تتعقد و هو مابين روحو لحد الان لكن ضربتي هذي المرة راح تخليه يخرج لو كان سابع ارض لعبة بدات
عند سارة و اسيل سارة: منار عندها كور ذكا مش باش تروح معاك اسيل: ونتي واش عندك هيا معايا سارة: تعرفيني خاطيني ذوك الاجواء اسيل بغضب: راح تروحي معايا ماقتلكش ادخلي معايا امشي و سكتينا سارة: ياربي مكاش لي يقصر في ذي البلاد دورتيها دراما راحت اسيل و تبعتها سارة دخلو للبلوك لي فيه البيرو تاع النادي الرياضي يشمل جميع الرياضات باش يقدرو يشاركو فالشومبيونات بين الولايات دقت الباب و طلت براسها شافت في واحد قاعد يخدم بالبيسي اسيل: ميسيو نقدر ندخل الاستاذ: وهو مهبط راسو تفضلي مادموزال دخلت اسيل و سارة بدات اسيل تبربش في صاكادو تاعها خرجت الاوراق الرسمية تاعها طلعتها في يدها علا تطليعة راسها و في نفس الوقت هو شاف فيها تامر بابتسامة: عاسلامة تلاقينا مرة ثالثة و غمزها اسيل بربثة و حشمة من سارة: عسلامة استاذ (سارة بقات تثبت مرة فيه و الابتسامة المرسومة عليه و في نفس الوقت تتفكر وين شافتو و شافت ربثة اسيل لاول مرة تشوفها تحكي بطريقة ندرا كيف ) اعطاتو اسيل الاوراق بقا يثبت فيهم بصدمة تامر: نتي تطريني الكاراتي و عندك قداش من شبيونة اسيل بغضب: علاه ماعمرتلكش عينك تامر: نو ماقصديش ماتبانش عليك برك هزها و حطها بعينيه راكي صغرونة اسيل حست باهانة فهمتها بلي مصتصغرها: يعيشك استاذ جيت باش نسجل مش باش نحكي علا روحي و قحرتلو تامر: زايد قطوسة برية تبسم و رجع يثبت فالاوراق... بقات سارة تسمعلهم بتم ساكت تامر: مادموزال اسيل امممم تقدري تبداي من غدوة التدريبات في ذا الوقت يدخل عليهم اسحاق بلا ما يطبطب قطقوق كملنا الاجتماع و رانا بعثنا العنا ماكملش كلمتي حتا نشوف بنات قاعدين معاه قحرلي قحرة موت اسحاق: ماكنتش عارف عندك ظيوف سارة: قحرتلو كنا خارجين حك لحيتو و تبسم اممممم كيفك سارة سارة: كنت مليحة مقبيل وضيقت عينيها و قحرتلو اسيل: سارة نعرف ذيك التقحيرة ماتقوليليش هذا قاطعاتها سارة اسيل هذاك هو الوقت نروحو بقا تامر مبهم مافاهم والو و اسحاق بقا يثبت فيها و الابتسامة مافارقتش وجهو اسيل: مرسي استاذ قحرتلو و خرجت تبعتها سارة و هي ساكتة اسيل خرجت مقنوطة منو واش حاسب روحو هذا وزيد علاه سكتيني كان خليتيني نفرجك فيه سارة اخطيك منو خلينا نروحو و زيد ماشفتيهش كالحيط اطفلة والله يقتلك و يقتلني عند تامر و اسحاق تامر: نتا لي تهبلني جاي تشرك في فمك بلا ماتشوف شكون عندي اسحاق: غلطة ماتتعاودش سكتني تامر: واشبيها هذيك كانت نشوف معاك هكذاك واش درت معاها حتا اسيل كانت معولة عليك اسحاق: هذيك وحدة تقرا معايا ماعجبتهاش مانعرف واش قالت لصحبتها عليا هههههه تامر: بعدم تصديق ماكش مخبي عليا والو اسحاق: اممممم انا ماني مخبي والو نتا اذا كاش ماراك داير من ورايا قلي لانو تقحيرة ذيك القصيرة مش عادية هههههه تامر: هذيك يا سي سيد عندها حزام الاسود فالكراتي و شحال من شمبيونة يعني خاف علا روحك هههههه اسحاق: اممممم و لي كانت معاها تاني تامر: لالا غير اسيل اسحاق: اسيل صار هههههههههه تامر: روح و بلع عليا بلا ما تصنع افلامك اسحاق: راني رايح عندي قعدة مع ذيك الجماعة تامر: قلهم علا الحفلة لي راح نديروها في اخر السمانة علا شرف افتتاح النادي و شوف واش يقولولك اذا نهار يساعدهم و غمزو اسحاق: اوكي قطقوط نخليك ذكا كملت منار الكور وشافت سارة اذا كملت قالتلها مازال تكمل الخمسة و هي راهي 15:30 هي كوبات و هو رن تليفونها عينيها وساعو رمشت بزربة شحال من مرة والله رقمو منار: الو جواد: خمس دقايق و نكون عندكم... و كوبا بفففف شبيه هذا ديما مقلق
