الجزء 11
جواد: حك لحيتو خلينا نكملو العشا المحنون ليوم منار: ايجا نعلمك و تعلم هههههه جواد:(هكذاك هكذاك زيدي هبليني ماكفاونيش شفافك زيديلي ضحكتك وذيك الخانة ) دخلنا الكوزينة كمل طيب بعد ما شيحلي ريقي منار: الشكل لباس بيه والذوق ربي عالم جواد: بغضب اول مرة ليا وزيد لي يجوع ياكل كاش امممم هذي هدرتك يا ستوت كنت تقول الذوق ثم الذوق و قلاشك علا لماكلة منار: ونتا ماتقدرش تحكي ونتا هادي جواد: سمعيني ماسمعتش (سمعها ولعبها ماسمعش هو نفسو مش عارف علاه مرة يكون رخيف معاها و مرة زعفان )كنلت حطيت الطباسة تبسمت في سري هذي اول مرة ناكلو مع بعض قعدت و بديت ناكل امممم جات بنينة جواد: ايه منار: واش جواد: والو والو فهمت عليه راه يسنا فيا نقولو علا راسي حبيت نشيخ عليه منار: امممممم الماكلة مليحة قابلة للاستهلاك البشري جواد: بغضب قلتي استهلاك بشري... نحالها الطبسي علاه راكي تاكلي مالا نتي تكملي تتسممي ..وقف و الطبسي في يدو منار: تعيش جواد مازالني جيعانة والله جات تهبل... بقا مطلع يدو للفوق و هي تفرفط و تسوطي باش تحكم الطبسي... قربت منو علا الاخر حتا حسيت بحرارة جسمو كي فقت علا الموقف حبست حتا هو حسيتو تربث حط الطبسي و راح بقيت نتبع فيه حتا دخل لبيت النوم حطيت يدي علا قلبي اوووف يا طفلة واش راه صاريلك كل ماتكوني قربو تتبهدلي جواد يحكي كنت نضن ان القدر كان ضد انو نشوفها وهو العكس حتا اني تلاقيتها من قبل هذا وين فهمت هذاك الاحساس لي حسيتو من قربها ماتوقعتش تكون بهذا السحر... بقات تثبت فيا مدة ماعلباليش اذا تفكرة الفازة ولا لالا اكيد لا كان راهي قالت انو تلاقينا يومها تفكرت كانت تبكي وقتها و بالها مشغول اخر همها تذكر اللقاء ماعلباليش كيفاش تورطت وقتلها نكنل العشا انا بيضة مانعرفش نقليها و زيد هذا مش انا علاه نخمم فيها وعليها اصلا كلش تابع للخطة نورمانمو ماتكونش النهاية تاع العلاقة هكا اوووف لازم نرجع الامور لكيف كانت رحت بقيت مقابل الكوزينة ماعرفتش واش ندير رجعتلها سقسيتها لانو مافهمت والو مانت جات تنوض طيب و انا ماكنتروليتش روحي طرت فيها حسيتها كي نتفضت و شفت في عينيها دموع قلبي وجعني.جاني صوتها وقتها وقالت انها كانت راح تعلمني هبطت راسها تخبي فيهم قلت باش نصلح الامر لازم نعتذرلها و قتلها تبعني للكوزينة قعدت مقابلتني و انا نطبق واش تقول و نحاول نخفي التوتر تاعي حسيت روحي غريب فقت من سرحتي وقت زيت سخونة حرقتني من صدري جات عندي بلهفة تسقسي علا حالتي و بدات تنفخ علا الحرق و انا نشوف شفافها كيفاش ملمومين .جاتني رغبة كبيرة انو نبوسها و نشبع بشفافها الم الحرق ماعدتش حاس بيه ولما خزرت فيا همت في كل تفاصيلها ثبت عينيا في شفافها لي يتحركو باغراء حست بنظراتي عليها حكمت يدي و كركرتني وقعدت مقابلتني ومازالت تنفث وانا خفت نغلط معاها و ترصالي في عمل متهور قتلها بعدي روحي انا نبدل لبوزيسيون كنت قاصد نحملها عندي و نبوسها و هي مافهمتش هههههه وزيد تحوس تفهم مقصودي نضت انا تبعتني كملت طيبت والله دارتها بيا الفرخة و طيبت بقينا ناكلو انا نسنا فيها تقولي رايها مالقيتش كيفاش نسقسيها حتا قالت قابلة للاستهلاك البشري نرفزتني نحيتلها طبسي ووقفت جاتني تتشبط و تسوطي حتا حسيت بصدرها لاسق في صدري حسيت ناري شعلت حطيت الطبسي ورحت عرفت روحي نزيد ثانية نتهور رحت لبيت لبانيو طفيت النار لي شعلتها فيا الفرخة رحت تسطحت غدوة عندنا شغل بزاف
يوم جديد علا ابطالنا ناضت منار ناشطة والوجع راح فتحت باب بيت النوم ودخلت علا صبعتيها شافت شيرة السرير كان راقد علا كرشو سرحت في هذا ااشخص لي سلبلها عقلها بغموضو و تناقض لي يتعامل بيه ركحت امورها خرجت مالدوش حبت شوف وجهو منار تحكي قدمت من طرف السرير هبطت بجسمي جيت مقابلة وجهو و قعدت نثبت فيه نحفظ في تفاصيل وجهو حبيت نحفرها في قلبي حابة كل مانغمض عيني جي صورتو بين عينيا ثبت عينيا علا شعرو كان مفرفش و حابط شيرة عينيه كان منظر مغري حبيت نحط يديا عليه و نلعب في شعرو منار: بهمس يا طفلة كونترولي روحك والله رايحة تتفضحي.. تبسمت قربت نشم ريحتو قبل ما نوض....... في لحظة لقيت روحي فوق السرير يديا مثبتين بيديه و محاوط رجليا برجليه كمنت مكبلة بقا غير صدري يطلع و يهبط بسبت انفاسي لغير منتظمة جواد: آ منار هذي نتي واش كنتي ديري عند راسي يا ربي واش نقولو واش من كذبة منار: بصوت منخفض كنت كنت... شفت لحرق جاتني فكرة ..شوف الحرق لازم دير البومادة ولا تخليلك مارك جواد: اممممم خلينا مالحرق.. قرب ليها وجها رجع في وجهو و قال بهمس ماجوبتينيش واش كنتي ديري عند راسي منار تحاول تحرك و دزو بعيد: والو والو جيست حبيت نشوف لحرق اذا راه صافا جواد: اممممم يعيشو لي متقلق عليا بعد عليها و راح لدوش منار : ياربي واش صرا شكون انا و وين راني رجعت النفس و ستوعبت و خرجت نجري حضرت الفطور شفتو جاي بزيو اول مرة نشوفو كامل كان يهبل وهرتو و جهامتو تخليك تركز معاه سيف عليك وصلني صوتو الرجولي الطاغي جواد: حضري روحك و قولي لسارة نوصلكم انا ليوم منار: ببلاهة وين توصلنا جواد: اممم زايد غبية مانعرف كيفاش راكي فالفاك منار: بصوت منفرز عوجت فمها و خبطت رجلها ..اه نسيت يقبلو غير الاذكياء المتكبرين لي طول العام مشنفين جواد: قحرلها و صغر عينيه.... علامن راكي منار: والو والو هربت تجري لبيت النوم جاني صوت ضحكتو يا الاهي ضحك دوماج هربت و ماشفتوش رحت لبست جيب نوار و شوميز بيضا.و بيل بيضا سيبت شعري و خرجت جواد: يشوف في منقالتو وقت نروحو خرج وانا نتبع فيه جواد: سارة سارة ايجا نوصلكم ليوم سارة: فمها معمر ماكلة.. اني جاية في روحي صبحت عيانة فاطمة: بايتة تخدمي فالبيطو عيانة و صوت شخيرك واصلني لبيتي سارة: ربي يسامحك لعجوز انا نشخر نرقد كي لي بيبي جواد: بيسك صح بيبي تبعيني و بلعي...باس يماه مالجبهة و خرج ركبو و هو كل دقيقة يسرق خزرة من منار وصلو لباب الفاك جات نازلة حبسها جواد: منار اصبري شوي سارة روحي ذك تلحقك منار: .... جواد: شعرك منار تخزر فيه مبهمة: واش بيه جواد: ماتخليهش مسيب احكميه منار: تشعر بالغباء علاه جواد: بدا يتنرفز و علا صوتو قلت ل.... احكميه مانشوفكش برا مسيباتو حكماتو منار وخراتو علا جيهة و بدات تظفر فيه شافت في صاكها لقات شوشو حكمت بيه منار: تشوف فيه بغش و ذكا نقدر نهبط جواد: بنظرة متفحصة.. ايه والعشية نعيطلك نجيبكم ماتنسايش ...خرجت و طربقت الباب ورايا مابغيتش نشوف ورايا والله يشرب من دمي ليوم جواد يحكي فقت بيها كي دخلت البيت اصلا نومي خفيف بزاف دوب صوت صغير نجي واقف و زيد خدمتنا تطلب الفطنة حسيت بيها كي دخلت بيت البانيو اول ما خرجت قربت مالسرير روهجتني ريحتها البنينة المخلطة كنت متردد نفتح عينيا قررت نسنا منها واش دير شدتني ضحكة من همسها يعني الفرخة كانت تثبت في وجهي تحب تحفظو حسيت بيدها تقرب من ماقدرتش نكنترولي كثر قلبتها بحركة وحدة ثبتها تحتي كانت ترجف بكلها و صدرها يطلع مالخوف حبيت نشيخ عليها اصلا عارف علاه جات عندي
