الجزء 5
تشابكت مع يدها و يمشي فيها معاه وصلو لصالو كان فارغ حتا جاه صوت مراد من وراهم راهم يفطرو و تقدم قبلهم و دخل لبيت كانت قدام الكوزينة
وصل مراد قعد مقابل باباه و وصل وراه جواد و منار قعدو جنب بعض
فاطمة: شفت يا وليدي امك عيشة واش صنفت ماخلات الكسكسي وطاجين ولا الكباب حتا البغرير و دارتو
عيشة: معزت ولدي جواد من معزة منار وهذا ماهو والو
جواد: يعيشك امي و الله الماكلة بنينة
سارة: خالتي عيشة علبالك هدا لي راكي تشوفي فيه مقلاش كبير تاع ماكلة وكي عجباتو ماكلتك راه انجاز هههههه
مراد : امممم يقولو كب الطنجرة علا فمها تخرج البنت ليماها حتا عزيزتي منار ماكلتها تشهي
سارة نقزت منار يااه سلكتيلها علبالك تعرفي طيبي
منار: امممم ونتي يا لالة واش تعرفي
سارة: امممم نعرف ناكل و ناكل و تاني ناكل
منار بضحكة مسموعة: ههههه يا لهم قتلك كي نكونو وحدنا باش تتبهللي وشوشتلها
جواد (بقا ياكل و كل تركيزو مع الشيء الغريب لي قدامو )
جواد: سرسورة نجيبوك ديري سطاج عند امي عيشة قبل ما نزوجوك
منار بتلقائية ( هههه نسات روحها ) اممم علاه جي عند امي غير انا نكفي و نوفي و شافت في سارة و دارتلها ديك الحركة تاع تغزال دحواجبها واش رايك جواد وهزت جواد من يدو منبعد فاقت مع روحها نحات يدها و دارت حكمت سارة
سارة: زعمة تعرفي كيما خلتي عيشة
منار: امي فاطمة واش رايك نتلها بهذا قصدي بهذي فالكوزينة
فاطمة: هههه يوم السعد لي نشوفو يطيب قصدي طيب
جواد: خلولي صغرونتي مازلها و تتعلم
صالح: منار بنتي السمانة الجاية تبداو الجامعة ركحتي امورك فيها اه تفكرت بعثولك اوفلوپ مالجامعة روحي شوفيه باش ماننساش
مراد: نخليكم جماعة نروح نخدم كمل جملتو و شاف في منار وراح لبيتو كل هذا كان تحت عينين جواد
منار ناضت تخمل الطابلة و لجماعة رجعو لصالو جات سارة داخلة قالها جواد تبقا مع منار تعاونها
سارة: بطبيعة جودتي كنت رايحة نحط تليفوني برك و راحت لمنار كملو رفدو و قصرو و طيبت منار لاتاي و قهوة في ذاك لوقت كان مراد لبس كونبا تاعو و دخل يبقي الجماعة علا خير بقا جواد يقحرلو ( امممم طلع زميل بصح من الكومبا راه بعيد عليا في قسم اخر )
علا خروجو دخلت منار وسارة يضحكو راحت سارة قعدت قدام جواد و سارة في زاوية عاطية جواد بظهر كملو قصرو و ضحكو لحق وقت الرجوع قلبتها منار و عيشة بالبكا خرجو و رجعو ركبو كرهبة منار و سارة مالور و يماه قدامو
منار: سرسورة اعطيني نواضري
سارة: ياع واش ديري بيهم بقات سمانة علا القراية و شبعي بيهم
منار : ههههه سرسورتي عندي مشكل في عينيا فالشميسة يدمعو و تقول كنت نبكي هكا نديرهم برا
سارة: اووو شفتي طبيب
منار بربثة: ايه شفت و هو عطاهملي وزيد نحبهم ولا والفتهم هههههه ( اممم واش مطبيب رحت وقالي دوا غالي ما نقدرش نشريه )
كل هذا الكلام كان علا مسامع جواد... نعرفكم بيهم
جواد: 30 سنة رئيس قسم مركز الشرطة الخاصة بمكافحة المخدرات بشرتو حنطية كتافو عراض و جاي طويل كورو مخدوم عينيه عسليين و شعرو اسود في وقت الخدمة يطلعو ويمشطو للور عندو غمازات كي يتبسم يبانو و لحية خفيفة عندو وحد الخزرة كي يزعف تقتل لي يكرها سامي هههه هدف تاعو يحكم راجل واحد و يخليه يطخ فالحبوس ولي هو محمد عبد الرحمان وفي سبيل نجاح مهمتو يدير اي شي
