Unwanted

Chapter 32

SAVANNAH

"CONGRATS, SAVANNAH. YOU found me. Hindi ko akalain na mapagtatagpi tagpi mo ang mga pangyayari. The show has ended for us. Thank you for being my main character, Savannah," natatawa niyang sabi at umupo siyang pinagkrus ang mga hita. Hindi naalis ang mapang-asar niyang tingin sa akin at ako itong hindi makahinga.

Hinala lang ang mayro'n ako pero sa naging sagot niya, siya mismo ang nagbuking sa sarili niya. At hindi ko akalain na tama ang kutob ko.

"O, bakit ganyan ang mukha mo? Hindi ka ba masaya na makilala ang dahilan at nagawa mong gantihan ang manloloko mong asawa?" nang-aasar niyang sabi na kinailing ko agad.

"H-Hindi, sabihin mong hindi ikaw..." Ayoko, ayoko pa rin isipin. Hindi ako makapaniwala na si Tasya talaga ang nasa likod ng lahat ng ito.

Naguguluhan pa rin ako kahit pa may idea na ako sa mga nangyari.

"Boba, ako nga ang may gawa. Isipin mo, kailan ba nagsimulang umusad ang imbestigasyon mo sa kaso mo?"

Tumaas ang kilay niya at napakagat ako sa ibabang labi ko nang mapagtanto na nagsimula ang lahat nang ipakilala sa akin ni Dr. Yoon ang isang Anastacia Valdez.

"Hindi ba nagsimula iyon nang sabihin sa 'yo ni Dr. Yoon na..." Tumigil siya at nakangisi akong nilingon. "Anastacia Valdez, Elleria's best friend since she left for college. Tasya ang tawag sa kanya ni Elleria. Why don't you try to visit her? Sigurado ako na sa kanya, marami kang makukuhang impormasyon tungkol kay Godwill. Malaki ang tiwala sa kanya ng totoong Elleria."

Ginaya niya pa ang boses ni Dr. Yoon at 'yun, 'yun mismo ang eksaktong sinabi Dr. Yoon noong araw na ipinakilala siya sa akin si Tasya. The last card I had was her, but who would think na siya rin pala ang nagplano ng lahat?

"Tandang-tanda ko iyon dahil ako mismo ang nagbigay ng impormasyon na 'yun kay doc at ano na nga ulit ang sinabi mo sa kanya..." Mas lumapad ang ngisi niya at tila sigurado siya sa bawat salitang sasabihin niya. "You think it will be safe? She's a trusted friend of Elle, baka magkaroon tayo ng problema." She mimicked my voice and laughed as if she won this game. No, she really won, nagawa niya kaming paikutin at paniwalain sa mga gusto niya.

"Kaya noong araw din na 'yun, nakipagkita ka sa akin and I was really amazed by you. You're such a good actress with how you treated Tasya, because that's exactly how Elleria treated me. Muntik mo na nga ako mapaniwala na ikaw talaga si Elleria, but of course, I'm still your creator so kilala ko pa rin ang Savannah." Humagikgik siya at lahat ng iyon ay bumalik sa alaala ko. Iyong araw na una kong siyang nakita, iyong pagtrato ko sa kanya na kinain pa ako ng awa dahil masyadong harsh ang mga sinabi ko—but everything was just a show.

"And do you still remember noong bigla akong nawala sa bar? I saw Will before you saw each other so I intentionally left you para ipain ka sa kanya, at nang magkita kayo, pinagmamasdan ko lang kayo sa malayo nu'n—happy to see how my plan was smoothly flowing in my hands. Nasabi ko na lang sa sarili ko na hindi malabong mahulog ang best friend ko sa isang katulad mo."

Kinuyumos ko ang kamao ko at hindi ko maisip na mula sa umpisa pa lang ay palabas na ang lahat. Iyong mga ngiti at mahinahon niyang boses—lahat iyon puro pagpapanggap lang pala.

"Oh wait, there's more. Actually, everything is about me. Iyong pagpunta mo sa bahay ninyo ni Logan. Hindi ba tinawagan ka pa ni Dr. Yoon noon? He called you to assure na pupuntahan mo ang bahay at makukuha mo ang CCTV footage sa computer. Isipin mo, Savannah. Nag-imbestiga na ang mga pulis doon at namanipula na rin ni Elleria ang original CCTV footage, pero hindi ka man lang ba nagtataka kung bakit mayro'n pa ring kopya?" natatawa niyang sabi at nakita ko pa itong humigop ng milk tea. "Inutusan ako ni Elleria na sirain 'yun, but of course, I'm not stupid to do that at itinago ko ang original copy dahil alam ko na magagamit ko 'yun laban sa kanya. So when the time came and before you arrived at your house, I installed it back. Kaya nga may nakuha ka ng kopya ng CCTV," kibit-balikat niyang sagot na halatang tuwang-tuwa itong maalala ang mga nangyari. "Lahat ng nakuha mong ebidensya laban kay Elleria ay nandoon ako, Savannah. Hindi mo ba 'yun napansin?"