Tattooed On My Mind

Chapter 9

Met My Another Gang

Sa buong paggo-grocery ko, nakasunod lang si Seb at sya ang nagtutulak ng cart. Nakakahiya nga kasi baka sabihing sinasamantala ko ang kabaitan nya, but he insisted.

Habang naggo-grocery, may tumawag sa akin. Nag-excuse ako kay Seb para makausap ko kung sino yung tumatawag.

“Hello?”

“Hey, san ka?” It’s Tracey. Nilingon ko si Seb at sinenyas ko na kaklase ko ang kausap ko. He nodded and smiled.

“Naggo-grocery pero patapos na rin. Why?”

“Sherwood?”

“Sinu-sinong mga kasama?”

“The usual. Ano? G?”

“Uhm, text na lang kita kung G ako.”

“Ano ba yan! Wag mo sabihing may kadate ka.”

“Gaga! Anong kadate, wala no!” I laughed.

Bigla naman akong tinawag ni Seb, may hahanapin lang daw sya. Eksakto namang narinig ni Tracey. “Hoy! Sino ‘yun? Dominique, si Ocamps may kasamang lalaki, oh. Naku, naku! Kaya pala ayaw sumama sa atin.” Sunod-sunod na sabi ni Tracey.

“Pinagpalit mo na pala kami. Ganyan ka na.” Dominique said. Nagtatampo kunwari.

“’Wag nga kayong maarte. Hindi bagay.” I laughed.

“So, ganyanan na pala? Osige. ‘Wag na!” said Tracey over the phone. I rolled my eyes. Nangungunsensya pa.

“Sige na. Sasama na ako, basta libre nyo pamasahe ko.”

“Hoy! Isama mo na lang yang kasama mo.” Dom suggested.

“Akala ko ba tayo lang?” I asked arching my brow.

“Nagbago na isip namin.” Tracey and Dom laughed.

“Sige. Itatanong ko kung gusto nya sumama.” I turned around and look for Seb.

“Teka, sino ba yang kasama mo? Kaklase o kaibigan mo?” Tracey asked. “Oh, baka naman yan yung boylet mo. Naku ha!” I was stunned for a second. “Oh. My. God. Dominique!!!!” Tracey shouted. “Dom, you won’t believe it.”

“Bakit? Anong meron? May nangyari ba?” Natatarantang tanong ni Dominique.

“Girl. OA much.” Tracey said. Nag-away pa si Tracey at Dom ng dahil sa kasama ko.

“Bahala ka. Basta see you and Seb later. 7pm, ok?”