Heart Of The Empire

Chapter 12

"It's been what, Sora? Five years? How's leaving with the Montealegre?"

Tahimik kong pinagmasdan ang magkapatid sa harapan ko. Nakangiti si Kisha habang nagsasalita samantalang seryoso at tahimik lang itong si Sora. I silently sighed then approached Sora. "Let's go?" yaya ko sa kanya at binalingan ang kapatid nito. "It was nice seeing you too, Kisha," sambit ko rito at tipid na nginitian ito. Mayamaya lang ay tinalikuran ko na si Kisha at nagsimula nang maglakad palayo sa kanya. Hindi na naman umimik si Sora at sinundan lang din ako.

Nagpatuloy ako sa paglalakad kahit na hindi ko naman talaga alam ang daan patungo sa chamber na tinutukoy kanina ng Archmage. Mayamaya lang ay natigilan ako sa pagkilos noong tawagin ako ni Sora.

"This way, Lady Maddie," anito ay itinuro sa akin ang daan patungo sa building kung saan ako maninirahan dito sa Salvatierra Empire. Napatango na lamang ako sa kanya at tinahak na ang daang tinuro nito sa akin.

"About Kisha," wika ko habang naglalakad pa rin kaming dalawa. "She's already a S+ class wizard." I stated. Napansin ko kasi ang pin na nakakabit sa kanang bahagi ng dibdib nito. That pin symbolizes her rank as a wizard.

"She is," mahinang wika ni Sora at narinig ko ang paghugot nito ng isang malalim na hininga. "And she deserved it. She worked so hard to achieve that rank."

"And you're okay with that?" maingat na tanong ko sa kanya.

Simula noong napunta si Sora sa Montealegre Empire, sa mansyon namin, nanatili ang rank nito at hindi na tumaas pa. She remained a S class wizard and worked as my personal maid. She's a powerful wizard, but she chose to stay with us, and worked with me.

"Of course, Lady Maddie. It's just a rank. Hindi malaking bagay iyon sa akin. Your safety is my top priority," ani Sora na siyang ikinatigil ko sa paglalakad. Binalingan ko ito at matamang tiningnan sa mga mata niya.

Mayamaya lang ay nginitian ko ito at nagpasalamat sa lahat nang ginawa niya para sa akin. Simula noong natuto akong gumamit ng kapangyarihan, Sora was with me. Kaya naman ay laking pasasalamat kong nanatili ito sa Montealegre Empire kahit na ilang beses halos sumuko na rin ako sa sarili ko.

Hindi na ako muling nagsalita at nagpatuloy na kami sa paglalakad. Minuto lang din ang lumipas ay nasa tapat na kami ng isang matayog na gusali. Ipinaliwanag nito sa akin ang tungkol sa chamber na tinutukoy kanina ni Archmage Quiro na kung saan puro VIP ang naninirahan dito. Hindi na lamang ako nagkomento sa ganda ng gusali at pumasok na kami sa main door nito.

"Ang ilang tagapagmana ng kanya-kanyang empiryo ng Agartha ay narito sa Salvatierra Empire. This place has the best wizards that can train and protect the VIPs. At ikaw, bilang nag-iisang tagapagmana ng Montealegre Empire, dito ka sa chamber na ito," aniya at binuksan ang isang malawak na silid. "This will be your room until we finished our task here, Lady Maddie. This place is safe. Walang ibang makakapunta dito kung hindi mga VIP at iilang high rank wizards na may pahintulot na tumapak sa lugar na ito."

"How about you and Val Isaac? Makakapasok din ba kayo sa chamber na ito?" wala sa sariling tanong ko at naupo sa kamang namataan ko sa loob ng silid.

"Of course, Lady Maddie. I'm your personal maid. And about Sir Val Isaac, he's the heir of this empire, he can easily access this place."

Napatango na lamang ako sa tinuran nito at napatayo noong may nakita akong papel sa mesang naroon sa gawing kanan ko. Kunot noo kong pinagmasdan iyon at mayamaya lang ay ipinilig ko ang ulo pakanan. "What is this?" mahinang tanong ko sa sarili at dinampot ang envelope na naroon. Dahan-dahan ko itong binuksan at natigilan noong makitang isang invitation card ito. Tahimik kong binasa ang laman ng invitation card at noong mapagtanto ko kung para saan iyon, napaarko ang isang kilay ko. "There's a masquerade ball this evening?"