Heart Of The Empire

Chapter 13

Muli kong pinasadahan nang tingin ang kabuuan ko sa harap ng salamin. Tipid akong gumalaw at mayamaya lang ay napangiti na lamang ako at binalingan si Sora sa tabi ko.

"Thank you so much, Sora," sambit ko rito at muling tiningnan ang repleksiyon sa salamin. Si Sora na ang nag-ayos sa akin para sa Masquerade Ball dito sa Salvatierra Empire. Wala akong alam sa ganitong bagay at talagang umaasa lang ako sa husay ni Sora sa pag-aayos. She knows me too well. Alam talaga nito ang kung anong magugustuhan ko! I'm just wearing a combination of white and black ball gown. Simple yet elegant. Saktong-sakto rin ang sukat nito sa katawan ko kaya namn ay mabilis akong naging komportable sa suot na damit! I really liked it!

"Lady Maddie, huwag niyo pong kakalimutan ang bilin ko sa inyo. Huwag kang lalayo kay Sir Val sa bulwagan kung saan gaganapin ang Masquerade Ball." Tumango ako sa tinuran ni Sora at inalala ang mga bilin nito kanina habang inaayusan niya ako.

"You need to be extra careful here, Lady Maddie. Lalo na't maraming mga VIP sa lugar na ito. Yes, this place is being protected from the outsiders, but we can't let our guards down. Mas mapanganib ang mga taong nandito sa loob. You can't trust them. Huwag kang lalayo kay Sir Val. He knows who's the enemy in just a single glance."

Mayamaya lang ay may kumatok sa may pinto ng silid ko. Nagkatinginan kami ni Sora at siya na mismo ang kumilos para tingnan kung sino ito.

It must be Val Isaac.

Napangiti na lamang ako at muling tiningnan ang repleksiyon sa salamin.

"Is she ready?" rinig kong tanong ni Val kaya naman ay napabaling ako sa may pinto. Namataan ko itong humakbang para makapasok na nang tuluyan sa silid ko at noong magtagpo ang mga mata namin, kita ko ang bahagyang pagkabigla nito. What? May mali ba sa itsura ko? Wala sa sariling napakunot ang noo ko habang na kay Val Isaac ang paningin.

"Take care of her, Sir Val," matamang sambit ni Sora kay Val at nagpaalam na sa aming dalawa. Muli akong nagpasalamat sa kanya at sinabihang susundin ko lahat ng mga bilin nito sa akin kanina. Mayamaya lang ay tahimik na itong lumabas sa silid ko samantalang naglakad naman papalapit sa puwesto ko si Val.

Tipid akong ngumiti ito at dinampot ang maskara na nakapatong sa ibabaw ng kama ko. It was a black mask with golden glitters on the side part of it. Maingat akong bumalik sa harapan ng salamin at inilagay ang maskara sa mukha ko. Tamang itatali ko na ito sa likuran ko noong maramdam ko ang presensya ni Val Isaac doon. Hinawakan nito ang kamay ko at kinuha ang tali na siyang dapat ibubuhol ko.

"Let me," aniya at siya na mismo ang nag-ayos ng maskara ko. Napangiti ako sa kanya at nagpasalamat na lamang. "You look stunning, Maddison."

"Thank you, Val," muling sambit ko habang hindi inaalis ang paningin ko sa repleksiyon naming dalawa sa salamin. "You looked great, too," puri ko sa suot niya. He's just wearing simple black and white tuxedo, but he screams elegance and authority. Masyadong malakas ang presensya nito kahit sa simpleng suot nito! Mukhang ngayon ay napapansin ko na ang pagkapareho nito sa tunay niyang ama. He looked like a real Salvatierra now!

"Shall we?" tanong ni Val sa akin noong matapos ito sa pag-aayos ng maskara ko. Binalingan ko ito at walang pag-aalinlangang tinanggap ang nakalahad na kamay nito sa harapan ko. Ngumiti si Val sa akin at naglakad na kaming dalawa palabas ng silid ko.

Ang sabi ni Val ay nasa main building ng Salvatierra Empire gaganapin ang Masquerade Ball na taonang pagdaraos dito sa imperyo ng ama niya. Tila sakto nga ang pagdating namin sa lugar na ito ngayong araw. This will be my first Masquerade Ball here in Salvatierra Empire. Noong mga nakaraang taon kasi ay hindi ako sumasama sa ganitong mga pagtitipon. Well, my father doesn't want me to attend any events outside our empire kaya naman ay hindi na ako namimilit pa na sumama sa kanila.