البارت الثالث
نور .. ترفع البطانيه من عليها وفجأه تشوف ابوها واكف من بعد ما ماتت من الخوف والقلق
نور .. ها بابا هاي انت ؟
ابو نور .. اي اني نوره ايش ما نايمه لحد هالوقت
نور .. مااعرف بابا مديجيني نوم
ابو نور .. انتي بنيتي القويه والمؤمنه لتخافين من شي اتعوذي من الشيطان ونامي
نور.. ان شاءالله بابا راح احاول انام
ابو نور .. يمسح راس نور ويبتسملها ويروح
الصبح ..
تكعد نور متاخره عن المدرسه تبدل بسرعه وتطلع صديقتها تنتظرها ع الشارع
سميه ... صار ربع ساعه واكفه هنا انتظرج والعالم تتفرج عليه هاي اخر مره نور
نور .. يمه شعندي غيرج حبيبتي صديقتي اموااح
يوصلون للمدرسه ياخذون الدروس نور حظها مو تمام بالقرايه بالرغم انها تتعب وتدرس بس ما جانت تجيب الدرجات التريدها وهذا الشي خلاها تحس بنقص تجاه زميلاتها بالدوام وتخجل منهم
مدرسه الرياضيات .. نور حسني مستواج بهذا الفصل تره هاي اخر فرصه
نور .. ان شاءالله ست 😭😑
الفرصه..👇👇👇
نور.. شفتي حظي بالرياضيات شكد قريت وتعبت وهيج طلعت درجتي
سميه .. شمدريني ليش هيج حظنه
نور ... تحس بقهر كبير بداخلها اتمنى افرح اهلي بشي
بعد الدوام نفس الروتين الغده وقيلوله الظهر ويمشي الوقت بنفس روتين كل يوم .. الليل
نور ... اويلي شكد قريت اليوم تعبت بلكت الله اجيب نتيجه زينه خلي انام بوقت حته اكعد نشطه
ساره .. اني اروح اتفرج ويه بابا ع التلفزيون شويه لان ضوجه تترك الغرفه ساره وتروح بالاستقبال الكل هناك يتفرجون ما عدا نور
نور.. اريد انام استغفر الله ياربي ليش هيج ديصير ويايه شنو هالخوف العايشه بي اني خلي اروح اكول الساره بلكت تجي تنام ع الاقل نفس يمي شويه يروح الخوف
ساره ... شوف بابا شلون فلم هذا صدوك اشو ما طلعتني مو كلتلي نطلع
ابو نور .. يا بابا مو دشوفوني شلون مشغول هالايام ان شاءالله اطلعج بس اصبري عليه ... تدخل عليهم نور تقاطعهم
نور ... ساره عفيه تعالي نامي بالغرفه ويايه
ساره .. ما نعسانه بعدني خليني اباوع شويه
نور تروح للغرفه ضايجه
نور .. ياربي دخيلك بلكت اكدر انام( تغمض عيونها )
هي وبهيج حاله تحس اكو شخص يتجه عليها تحس بحرارته
تفتح عينها تباوع اكو مرايه كدامها وتلكي شي اسود وراها شي كبير حيل بدت شويه تبين ملامحه صار اوضح ... اكتشفت اكو امراه خلفها مغطيه وجهها بس سواد ميبين منها شي ولابسه عبايه ونقاب الامرأه حيل ضخمه نور واكفه بالمقدمه وهاي الامرأه خلفها مباشره
نور .. شنو هذا منو هاي ليش واكفه ورايه (تحجي وترجف متعرف تنطق)
تترك الغرفه وتحاول تروح ع اهلها
نور ... تبجي بخوف بابا ماما وينكم تشمر نفسها بحضن ابوها وتظل تبجي
سوسه_الربيعي#
