البارت الثاني
تكوم نور توكف متعرف تحجي شي بس تكول ماما
ام نور .. شبيج ليش وكفتي
نور .. ماما احس فدشي اسود يتحرك بالبيت
ام نور .. اسكتي يا ستار قابل شكو هاي جنتي تقرين وكمتي تتخيلين
ابو نور .. حس بنور مو طبيعيه واكو شي فعلا ديخوفها بس ما حب يبين هالشي حته لتخاف اكثر
تصير صلاه المغرب وتروح نور الغرفتها وتستغفر ربها وتكوم تصلي
ام نور .. (تجهز العشه ) ... يلا ماما خلصتن تعالن حضرن السفره
نور وساره .. ماشي ماما جينه
نور تبدي تحضر وتصيح ابوها علمود العشه يبدون ياكلون ونور قلقه تحس اكو شي يراقبها ويختفي شي غريب موجود بس تبقه ساكته ومتبين الاحد
ام نور .. اكلي نوره سويتلج الاكله التحبيها
ساره ... اي عيني بس البنتج نور تسوين الاكل التحبه واني متسويلي
ابو نور .. هههههه يمه شعدنه غير سرسر شتردين اني اسويلج
بعد العشه شويه يلتمون ع التلفزيون ويقضون وقت سوه نور تلعب ويه اخوها الصغير كولش تحبه تحسه ابنها
بعدها يدخلون للغرف حته ينامون .. نور تفرش فراشها وتمدد ع قريولتها حته تنام تباوع ع ساره تلكيها نايمه
نور ... تتلفت بالغرفه تباوع متكدر تنام تكوم تتخيل اشياء واصوات تسمع صوت خافت ( نووووووووووررر)
نور ... ساره ساره سااااااااره
ساره .... شكو شبيج ليش تصيحين
نور .. انتي صحتي بأسمي؟
ساره .. شلون الواحد ينطق وهو نايم شنو هالغباء العندج
ترجع تنام ساره
نور ... تظل تسمع اصوات حواليها قريبه منها تغطي راسها بالبطانيه وتردد اعوذ بالله من الشيطان الرجيم بسم الله الرحمن الرحيم .. تقره ايه الكرسي كولش تحبها وتستنجد بيها بمثل هيج مواقف..
تكمل القراءه تحس بهدووووووء وصوووووووت يمها نووووووره
نور ... ميته رعب تحس ايديها جمدت من الخوف تحرك البطانيه ع كيفها وترفعها وفجأه 😨😨😨😱😱
تدرون اني ودكتب القصه حسيت اكو صوت بالغرفه 🧐😨
سوسه_الربيعي#
