البارت الثاني والعشرون
نور .. ( تتقرب عليها ) شبيج حوراء ليش تبجين شنو الصار وياج ..
حوراء .. عماااااار .. عماااار ابد موزين نور ..اني جيت اليوم للمدرسه حته اطلب اجازه واكعد يمه بالبيت كولش خايفه عليه ..
نور تاخذ حوراء وتغسللها وتشربها مي تحاول تخليها تهدأ .. بعدين تحاجيها ..
بالايام السابقه ..👇👇
عمار حالته جانت تسوء يوم عن يوم بطنه بدت تنتفخ وحرارته مرتفعه .. عنده نحول قوي والضعف بين عليه صار شكله مختلف تماما كأنما ابد مو هو اهله استغربو من حالته وعرضو ع اكثر من طبيب يسووله فحوصات عامه و غسل معده بحجه عنده تسمم او هيج شي بس ماكو فايده ..
نرجع النور ..
حوراء احجيلي شبي بشنو يحس .. زين عرضتو ع طبيب ؟؟ شكال عنه
حوراء تحجيلها النور بالتفصيل عن حاله عمار ..نور تشك بوضعه اكثر .
نور .. حوراء تذكرين القلاده مالتي النطيتها العمار ؟؟ عمار بعده لابسها لو لا..
حوراء (ترتبك تعرف بأمها اخذتها منه) .. هااا اي يمكن لابسها ..
نور .. شوفي حوراء ضروري تخلي يلبسها حته لو هو يذبها انتي لتخلي .. ماشي ؟ ( يدك جرس الصف ) .. يله اني راح اروح وبعدين اشوفج .. ان شاءالله ماكو شي حبيبتي ..
نور طمنت حوراء بس هي بداخلها نار متعرف شلون تصرف ولا تكدر توصل العمار .. راحت لصف وهي دايخه ومسطوره وخانكتها العبره اكثر شي تلوم نفسها بهالشي تحس روحها هي المذنبه ..
ينتهي دوام المدرسه .. ترجع نور للبيت .. .. تروح تغسل وتتوضه تفرش سجادتها وتصلي .. تبجي وتدعي الله يشافي عمار من الهو بي ..👇👇
بمثل هيج وقت بيت ابو عمار .. ناس طالعه وناس طابه من سمعو بعمار مريض وميعرفون علته شنو .. حته عائله اخو الكبير تركو بيتهم وجوي يم بيت ابو عمار حته يبقون يمه لما تستقر حالته ويطيب ..
ام عمار .. تبجي وكاعده يم ابنها .. كل ظنها هذا سحر نور هيج سوه بي متدري بنفسها هي الدمرته .. تجي جارتها يمها نفسها العرفتها بمكان السيد .. تاخذ ام عمار للاستقبال و يبدن يسولفن ..
ام عمار .. عيني ام مصطفى اشو هذا السيد الكلتيلي عليه ما سوه شي الابني اشو حالته صارت اتعس 😭😭 .. رحتله مره ثانيه ومافاد .. اريد فد صوره حل الابني راح يروح من ايدي ..
ام مصطفى ... والله لو تشوفين ابن اختي وصل للموت وبفضل الله والسيد اتشافى وطاب ع ايده .. زين انتي سوتي الكالج عليه بالتفصيل ..
ام عمار .. اي سويت مثل ما كال .. خليت الاوراق بالعصير وشربته والحجاب جوه راسه وبخور بخرت اشو من اخذهن ابني صار موزين من بعدها مااتحرك من فراشه ابد وبطنه انفخت ..بعد شسوي لج داده وجهيني تره راسي راح ينفجر ..
ام مصطفى ...هاي سحر المتسمى قوي وهيج سوه بي امشي نروحله اني وياج خلي يكتبلج حجاب وهسه تشوفين شلون يصير ..
حوراء ..شنووووووو؟؟؟!!!! شتكولن ؟؟ شتحجن ... ( حوراء كانت تجيب مي الجيرانهم وصدفه وهي دتدخل الغرفه الاستقبال سمعتهن يحجن بهذا الحديث ) ....معقوله ماما انتي تسوين هيج معقوله تنخدعين بهاي الامور انتي الدارسه ومربيه اجيال هيج يطلع منج .. ليش ماما لعد انتي الدمرتي بيدج ..
ام عمار ..😭😭
ام مصطفى .. سكتي عيني ام عمار لتبجين وانتي حوراء بنيتي بعدج صغيره ومتعرفين بهيج امور لدخلين نفسج بيها ..
حوراء ..( بعدها تريد تحجي ويجي اخوها الكبير ويقاطعهم ..))
اخوها الكبير .. (يحاجي امه ومقهور ع اخو )يمه كوليلي شلون شسوي يمه مستعد ابيع العندي والماعندي واشتري العمار بروحي هم .. شوفي يمه اني اتفقت ويه دكتور بس مو هنا باربيل انتظريني ادبر اموري واودي العمار ان شاءالله يتعالج ..
بهاي الاثناء حوراء تذكر كلام نور عن القلاده ..تروح تركض ادور بغرفه امها بلكي تلكيها متخلي مكان متفتش عنه اخر شي تلكي بكنتور امها ويه الملابس .. تروح بسرعه تلبسه العمار وتخفيها بداخل ملابسه حته لحد ينتبه..
هنا عمار شويه خف الالم عنه .. حس براحه بداخله وكام يتخيل نور واكفه كدامه وحاضره ويا بكولشي ومساندته ..
وره ثلاث ايام تقريبا .. اخو عمار الكبير ياخذ ابو وعمار ويرحون الاربيل وحوراء وامها يبقون بالبيت ..
وبهاي الفتره .. نور كولشي متعرف عن عمار حته من تروح للمدرسه متلكي حوراء موجوده ... ملتزمه بصلاتها وبدعائها اله وتنتظر اي خبر عنه بفارغ الصبر ..
#سوسه_الربيعي
