البارت السادس والعشرون
ام عمار .. (تنصدم من تسمع ابنها هيج يطلب منها .. تكول بينها وبين نفسها ..يعني لساتها بعقلك وما نسيتها ؟؟؟ )))
اي بس اهلها رفضوك من البدايه ..
عمار .. يمه بعد كتلج شريد اني وهاهيه ( يتركها ويكوم)
ام عمار .. اوكف عمار اني موافقه شتريد اسوي بس ترضى عني ..( ام عمار اتقبلت بالامر الواقع بس هي من الاساس متريدها النور )
وره ثلاث ايام .. ام عمار تروح حته تخطب نور بس هالمره ابو عمار وياها ..
بيت نور 👇👇
بوقت العصر العائله كولها كانت ملتمه بالحديقه وقت صيف والجو حلو 😍😍
نور .. ماما شنوو رأيج نسوي حفله شواء هنا بره بالحديقه اليوم وحته بابا هم موجود ويانه ؟؟😃
ام نور .... اي عادي حبيبتي كولشي عندي موجود والحمدلله بس وقت المغرب ابوج يحضرلنه المنقله ونسوي احلى شوي 🙂 ( تباوع ع ساره)😂😂
ساره ..بس اني مااحب الكباب سوولي شيش طاووق
نور .. اي عيني مو حضرتج الملكه وتتأمرين 😒
يسمعون صوت الباب تندك ..
نور .. بابا الباب تندك.. 😳
ابو نور .. اني راح افتح الباب . انتو ادخلو جوه ..
يروح ابو نور يفتح الباب .. والمفاجأة .. واخيرا اهل عمار جوي حته يخطبون نور ..💃💃💃
ابو نور .. اهلا وسهلا اتفضلو .. .. يدخلون ابو عمار وام عمار للاستقبال ..
وام نور تدخل تستقبلهم وتسلم عليهم .. .🙂🙂
يبدون بالحديث 👇👇
ابو عمار ..عيني ابو نور قبل فتره اجتي ام عمار علمود بنتك نور الله يحفظها ورفضت كلت دتدرس وسادس ومتريد تنشغل عن دراستها ..
هسه نور الادري بي كملت السادس ونجحت وبالتوفيق ان شاءالله .. ابو نور احنه جايك بنفس الشغله اليوم وطالبين نوره الابني عمار وطمعانين بموفقتك ان شااءالله ..وانطيك فرصه اسأل علينه شكد متريد وردلنه الخبر ....
ابو نور ... والله ياابو عمار اني رفضت سابقا خوفا ع دراستها بس اني اتعهدت من تخلص هالمرحله هي بعد بكيفها وبرضاتها .. شتكولين ام نور ..
ام نور .. اني رأيي من رأي ابو نور ..
ام عمار . خلي نسمع شتكول بنتكم الله يسلمها وينها ..
ابو نور .. انطوني فرصه اني افاتح نور بالموضوع واسأل ع الولد واردلكم خبر ..
يطلعون بيت ابو عمار ..وهذا الحجي كوله الصار ونور وحوراء ع الخط يسمعون ويتناقشون ونور طايره من الفرح متعرف شسوي ..😍😍🥰🥰
ابو نور .. نوره حبيبتي اكيد عرفتي بالصار وسمعتي شنو رأيج بنتي هاي حياتج ومستقبلج شتكولين..
نور .. بابا حبيبي التكول بي اني اقبل عليه انت شنو رأيك بي ..
ابو نور .. والله اني الدشوفه الولد خوش ولد وشاريج لان هاي ثاني مره يجي يتقدملج واني هم راح اسأل عليه واعرف وضعه ..
