البارت العاشر
خال نور يحاول ينهزم حته يخلص من الوضع الصار بي
ابو نور وابو علي يطلعون من داخل البيت بس للاسف مالكو اي شي مجرد يسمعون اصوات وبس ..
ابو علي .. كولش تعبت ابو نور تعرف اني تجيني اخبار مثلا بفلان غرفه راح الكي العمل بس من اتوجه الها وابحث ماالكي شي
خال نور يحس بهدوء يرجع يدخل للبيت يشوف ابو نور وابو علي واكفين يسألهم
خال نور .. ها بشرو شنو الصار
ابو علي .. والله مااعرف شنو قصه هالبيت خبلني
خال .. يمعود اني سمعت هاي الاصوات كلت وكعت الدنيا بينه .. يله شنسوي هو هذا حظي ادري
ابو نور .. الله كريم ان شاءالله تنحل ..
ابو علي يترخص منهم ويروح وابو نور يرجع البيته
يدخل للبيت يتلكو بناته وام نور ويسولفلهم عن الصار
ساره .. بابا انت شلون متخاف شلون عندك هيج شجاعه
نور .. اي والله بابا واني اصلا دتعلم منك اخذ قوتي
ابو نور .. شوفو بابا اول شي عندي ايمان قوي برب العالمين ثاني شي هذني الاشياء تصبح مثل الدخان فقط بذكر اسم الله اني توكلي كوله ع رب العالمين وصلاتي ملتزم بيها ودائما اكون ع وضوء وين مااروح حته لو بالشغل فهذا الشي خلاني اقوى اكثر
نور .. الحمدلله بابا حبيبي الله يزيدك قوه وايمان
ابو نور .. راح احجيلكم قصه صارت بيه قبل .. ابويه قبل ليتوفى الله يرحمه كان كولش مريض وبقه ايام بالمستشفى حاولو ويا هوايه دكاتره بس وضعه ما تحسن فديوم اجه صاحبي عليه ووصفلي شخص او رجل دين عنده معرفه بامور الجان والمس الشيطاني..
طبعا غباء مني طاوعته ورحت ويا لان ابويه كان مريض مابي اي عله ادل عليه هو محكوم بالجن .. المهم رحنه الهذا الشخص الموصوف دخلت البيتهم كان بيت قديم كولش وتعبان وعده اشخاص ساكنين بي اكو شخص رحب بينه حجيناله عن وضع الوالد طلب مني ان انزل راسي بالكاع وهو يبده يقره واني المفروض ماارفع راسي ولا اشوف شنو الديصير ..
الرجال هو وديقره كمت اسمع اصوات غريبه وفدشي قريب عليه احس بي موجود كائن غريب مجهول بس ملامحه ما واضحه بهاي الاثناء صار عندي فضول رفعت راسي والمفاجأه شفت مجموعه اشياء اطير بالهوه بس بدون ملامح ماعرفت شنو هذني الرجال حس عليه وضربني ع راسي واغمى عليه .. بعدها صحيت سألته ليش هيج سوه وشنو الغايه من تصرفه. .. رد عليه وكال 👇👇
انت شلون تباوع تدري بينك وبين الخبال شعره وحده لو باقي تباوع جان هسه انت من المجانين ..
ابو نور .. الله الحافظ والمعين هو ينصرني عليهم
رجل الدين .. روح اخي شوفلك غير واحد انت ايمانك قوي
.. شفتو بناتي الايمانه قوي بالله يتغلب عنهم ويمحيهم
ساره .. بابا همه منر هذوله التحجي عنهم قصدك الجان ؟
ابو نور .. الجان مخلوق وعنده عالمه الخاص وهمه موجودين ويانه بكل مكان ..
يكمل حديثه ابو نور وساره ماكو فجاه اختفت ..
ابو نور .. ساره وين راحت
نور .. (تتلفت ادور ) مااعرف بابا قبل شويه جانت هنا كاعده😳
يسمعون صوت بجي بس بعيد عنهم .. يرحون حته يكتشفون سبب الصوت .. يلكون ساره كاعده بره بالحديقه وساده اذانها بايدها وتبجي .. يلتمون حواليها ويسألوها 👇👇
ابو نور .. شبيج بابا ليش تبجين
ام نور .. ساره احد ضوجج زعلتي من شي
نور .. حاسه بأختها شبيها بس ماحجت شي
ساره تزيد بالبجي بدون سبب ام نور تاخذ كرار وتدخل للبيت جوه حته لينرعب من الصوت كونه طفل صغير..
فجأه نور تشوف الامرأه واكفه بعيده عنهم .. تتقرب نور عليها وهي بنفس مكانها تجي نور تصير بينها وبين الامرأه خطوات (طبعا بهاي الاثناء الكل ملتهي بساره ومحد انتبه ع نور شسوي ) ..
الامرأه بدت ملامحها تتوضح شويه شويه بدت تظهر تجاعيدها البشعه وعيونها تشبه عيون القطط .. الخوف اتملكها النور بس بقت قويه .. اندارت ع ابوها وكالت 👇👇
نور .. بابا اقره ايه الكرسي ..
ساره ... (ترفس برجلها ) لا بابا لتقره اخاف منها راح تموتني
نور .. بابا اسمع كلامي سمي بسم الله (تقره نور بسم الله الرحمن الرحيم ) ..
الامرأه بدت تتغير صارت ابشع واقبح شكلها مرعب .
ابو نور .. بسم الله ... (يقره ايه الكرسي)
ساره ... تصرخ وتعيط تترجى ابوها يسكت وابو نور مستمر يقره
الامرأه تتقرب ع نور يطلع صوتها تبجي وتكول النور 👇
الامرأة .. كافي سكتي ابوج .
نور .. ( تلتفت نور ع ابوها ) بابا زود صوتك اكثر خلي تنتهي
الامرأة ..نور راح اخذ اعز شي عندج ومراح اخليج تعيشين بسعاده
باعي وراج ..
نور .. تباوع تلكي اخوها الصغير يبجي (تركض عليه)
تلكي ايده بيها دم ..
الامرأة .. مو كتلج راح اخذ اعز شي عندج وهو اخوج ( كولي الابوج خلي يبطل قراءه )
نور .. اعوذ بالله من الشيطان الرجيم لا اني اكيد دااتخيل كرار اخذته ماما ومابي شي.. (تعلي صوتها اكثر وتروح تتقرب من الامراة) الله قادر ع كل شي واني بإيماني عند ربي راح اكدر عليج ..
الامرأة تصرخ وتكوم تحترك ( ابو نور يباوع ع نور وتصرفاتها ونور تترجى حته يستمر بقراءه الايات )
(ساره تبطل بجي وتباوع ع ابوها) .. بابا اني مابيه شي شبيك واكف يمي..
ابو نور يبطل يقره ويحجي ويه ساره
ابو نور .. ها بنتي حبيبتي صرتي زينه تعالي ندخل جوه للبيت
نور ( تشوف الامرأة تضحك ورجعتلها قوتها وشكلها البشع)
تصيح ع ابوها ..
نور .. بابا لاااااااا اقره بابا اترجااااااك
ابو نور ياخذ نور حته يدخلها للبيت .. نور تروح ع الامرأة وتحجي وياها ..
نور .. اعرف هاي خدعه منج واني راح اكدر عليج ( تسمي باسم الله .. اعوذ بالله من الشيطان الرجيم ب............
ابو نور .. نوره الحكي اختج فقدت الوعي
( تروح تركض نور عليهم والامرأة تختفي)
نور .. ها بابا شيها ساره .. ساره حبيبتي اصحي
ابو نور .. خلي اتصل ع ابو علي واكوله بشغله ساره والصار ويانه
نور .. بابا خلي اني احجي ويا ( تاخذ الموبايل وتتصل ع ابو علي وتكوله عن الصار ) ..
ابو علي .. نور انتظري مني خبر راح اكشف .. ولتبتعدين ع ساره خليج يمها قريبه ..
نور .. ماشي عمو انتظرك ( تسد الخط وتروح تكعد يم ساره وتنتظر وابوها وامها يمها بالغرفه ) ..
نور ..ماما وين كرار ؟
ام نور .. بالغرفه نايم ..
نور .. راح اشوفه انتو خليكم هنا
( تروح نور تلكي اخوها ماكو تصيح ع ابوها وامها )
نور .. ماما بابا كرار مو بالغرفه تعالو وينكم
يجون ابو نور وام نور يركضون وكرار مختفي .
نور تروح تبحث عنه اخر شي تدخل للمطبخ تشوف كرار شايل سكين بيده ويضحك ( نور تجمد بمكانها اباب المطبخ وترجف متعرف تنطق بشي) ..
ابو نور وام نور يجون يلكون نوره واكفه ..
ام نور .. ها نوره لكيتي اخوج ( نور متحجي شي )
ابو نور يبعد نور عن الباب ويدخل يلكي كراربأيده سكين
ابو نور .. ها كوكو حبيبي انطيني السكين ها خطره بابا اني مو كتلك ميصير تلعب باشياء المطبخ ..
كرار يتقرب من نور وبايده السكين يأشرلها تباوع ع الغرفه .. تباوع نور تلكي الامرأة واكفه ( تباوع ع كرار يكوم يخلي السكين ع ايده ) تصرخ عليه
نور .. كرار لااااااا
#سوسه_الربيعي
