الجزء الثامن
تدخل ساره عليهم فرحانه ماما بابا شوفو لكيته طلع كلام عمو ابو علي صحيح..
الكل مستغرب من الوضع..
ابوعلي .. ها ابو نور شوفه مو هذا الجنتو تبحثون عنه ومالكيتو
ابو نور .. اي فعلا هو 😳
ابو علي .. تسمحلي ابو نور افتر بالبيت شويه
ابو نور .. اي تفضل البيت بيتك
ابو علي يمشي ويه ابو نور يوصلون غرفه نور وساره فجأه ابو علي يحس بشي ويوكف..
ابو علي .. ابو نور اوكف اكو شي هنا بداخل هاي الغرفه
ابو نور .. شنو شفت شي هنا
ابو علي.. طفي الضوه خلي الغرفه تكون ظلمه وراح اكولك ع اشياء وانت تسويها 😨
ابو نور .. اي ابو علي اني وياك🙂
ابو علي .. يبدي يقره اشياء وكلمات ما مفهومه يأشر الابو نور يكوله يتجه ع جربايه نور ..
ابو نور .. شنو اسوي ابو علي كولي ..
ابو علي .. اكو شي مقابيلك حاول تكدر تلزمه بقوه واذا حسيت بي وانت لازمه انطيني خبر..
ابو نور.. (يروح يبحث يشوف شي كدامه فدشي مجهول ولونه اسود باخذه ويضغط عليه بقوه) ..
ابو علي .. اضغط عليه بأيدك لتخلي يروح سد ايدك ابو نور وتعال ويايه ...
ابو علي .. (يتجه للغرفه الكاعدين بيها نور وامها وعائله ابو علي )
ام نور انتو ابقو هنا بالغرفه ولحد يطلع وسدو الباب
تكوم ساره تفتح الباب وراهم شويه وتباوع شديصير تلحكها نور
نور .. هاي شكو ليش يسدون الباب علينه شنو الصار😑
ساره .. انتي غير تبتعدين منا حته اعرف الصار حاصرتني وواكفه شراح افتهم اني😒😒
نور .. ظلي نحسه طول عمرج
ساره .. لا مو صرت مثلج ست نور
ام نور .. استغفر الله اسكتن خلي نفتهم شكو ( العفو منج عيني ام علي هذني بناتي هيج عبالك ضراير ) شوفن مو هذوله ولد ثنين كاعدين وشحلاتهم صوت ما طلع منهم
ام علي .. ههههه عادي عيني ام نور هاي من الدلال 🙂
يسمعون صوت ابو علي يرتفع ويكوم يرتل ... بسم الله اعوذ بالله
بسمك توجهت بأسم الله اظهر ب........... طلاميس او لغه جن شي ما مفهوم ابد
ابو علي ... افتح ايدك ابو نور ..
ابو نور .. (يفتح ايده ويوكع شي يشبه الكره ملفوف بقماش اسود)
يبدي يتحرك وابو علي يقره لحد ما يوكف
ابو نور عنده يقين بان هالشي يروح ويختفي بمجرد تحصنه باسم الله فلهذا عنده شجاعه مربوطه بإيمانه ..
ابو علي يصيح ع ام نور حته تجي تشوف وتلحكها نور وساره
ابو علي .. شوفي ام نور هذا سحر معمول البنتج شوفي هذا قفل القسمتها وهذا ملابس عليها اشياء مو زينه كولها هاي الاشياء خلت نور بهيج حاله تصير
ام نور .. حسبي الله عليهم والله ليوفقهم شيردون من بنتي
ابو علي .. اختي ام نور الغيره والحسد تدفع الانسان الهيج اشياء
ابو نور .. بنتي لتخلين ابالج هيج شي خليج مؤمنه
ساره .. ساكته ما حجت ولا كلمه
ابو علي .. شوف ابو نور انت مثل اخويه واني بخدمتكم اي شي تردو اتصلو عليه ..
ثاني يوم ..👇👇
ساره .. ماما اني كولش ضايجه خلي نروح البيت جدو
ام نور .. ماشي روحو بدلو بس خلي اتصل اخبر ابوج بالاول
نور .. تره والله مابيه حيل اطلع
ساره .. لا عيني خليج كاعده انتي والجن مالتج
نور .. شنو قصدج اني عايشه ويه الجن ( بقهر)
ام نور .. (تخلص مكالمتها وتوجه كلامها الساره ) انتي متجوزين من هذا السانج اختج البيها مكفيها كافي تزيدين عليها واوصيج هناك يم بيت جدج ممنوع تحجين اي كلمه ..
ساره .. اي سكتنه افتهمنه😒😒
يرحون البيت جدهم ويبدون بالسوالف وام نور تحجي الامها عن الصار وصدفه خال نور الاعزب موجود بالبيت
خال نور .. ع بختج ام نور اذا هذا ابو علي هيج يعرف كوليله علمود وضعنه نريد نبيع البيت ونستقر تعرفين هاي المنطقه تعبتنه وبيت اخويه احمد ساكنين يمنه نريد بيت اكبر وانسب النه
ام نور .. ميخالف عيني اكول الابو نور وادلل
#سوسه_الربيعي
