البارت السادس عشر
تدخل تسلم نور وتكعد امها تأشرلها حته تكوم تروح .. تطلع نور منهم وكلبها يدك سريع من الخجل .. 😌
ام عمار .. يله عيني اني اكوم اترخص وهذا رقمي اتصلو علينه وانطونه الجواب..
تطلع ام عمار تلكي ابنها واكف بره ينتظر ..
عمار .. ها يمه بشري شكالو
ام عمار .. والله يمه العليه سويته وبقه يم ابوها يردلنه الخبر والله كريم اذا بيها قسمه فهي الك ..
عمار .. الله كريم يمه هي الي ان شاءالله لو اهج وبعد متلكوني ..
يجي ابو نور وام نور تفاتحه بالموضوع ابو نور يرفض ..
ابو نور .. اتصلي ع ام عمار وكوليلها ابوها ما موافق اني بنتي عندي اهم شي دراستها مااريد هالاشياء تدخل بعقلها وتلهيها ..
خلي تكمل وتدخل كليه وبذاك الوقت الله كريم ..
نور تعرف برفض ابوها الهم صح تنقهر بس تتقبل الامر الواقع لان تدري بابوها يدور مصلحتها ..
.. ثاني يوم 👇👇
الكل مجموعين سوه .. و ام نور تتصل ع ام عمار وتفتح سبيكرحته الكل يسمعون وتخبرها عن رأي ابو نور بزواج نور حاليا ورفضه الهم )).
ام عمار .. (وعمار وابو عمار وحوراء واكفين بصفها حته يسمعون) ...شوفي عيني اذا علمود الدراسه اني اتعهد الج تكمل دراستها وباحسن وجه ان شاءالله ..
ام نور .. والله عيني هذا قرار ابوها وبعد اني مااكدر احجي شي يكول مااريد هالاشياء تأثر ع مستقبلها وتلهيها
ام عمار .. زين يعني حته لو تكمل هالسنه ووراها نجي نتقدملها انطونه امل ع الاقل ..
ابو نور يأشر الام نور يكوللها كوليلهم وره السنه عود الله كريم واني ماانطي امل لان هاي دنيا وكولشي يصير وانهي الكلام وياهم ..
ام نور .. عيني ام عمار عود وره السنه الله كريم وابوها يكول هاي دنيا واخاف مااكدر انطي امل الكم .. يله عيني اترخص منج مع السلامه ..
( تسد الخط وعمار كولش ينقهر ويصير عصبي .. ابو يجي يمه حته يواسي شويه وامه تضوج من رفض بيت ابو نور وتكوله ..👇👇
ام عمار .. وع شنو ضايج والله لا ازوجك اغاتها اشو البنات تركض وراك ركض وانت مامعبرهن تجي ع هاي الابوها شايف نفسه وين يلكه احسن منك .. ههه دراسه ديله ع اساس شراح تطلع فيلسوفه .😒
ابو عمار .. شوف وليدي انت كدامك هاي السنه تكدر تتمسك بيها النور وتخليها تساعدك بان اهلها يقبلون بيك اصبر والله كريم..
( عمار ميجارب ع احد ويتركهم ويطلع من البيت )..
نور تكمل دراستها وتروح بره بالحديقه تكعد تصيح عليها امها ..
ام نور .. نوره حبيبتي اني راح اروح يم جيرانه شويه واجي واخوج نايم بالغرفه ديربالج عليه ..
نور .. اي ماما روحي بس ساره وين ؟؟
ام نور .. ساره جوه دتقره بغرفتها ..
تسد الباب وتروح وره خمس دقايق تندك الباب !!؟؟
نور .. هاي يمكن ماما اخاف نست شي ..
( تروح تفتح الباب بس متلكي احد تباوع ماكو شي !! ترجع تسد الباب وفجأه شي سواد يدفعها وتوكع نور .. تريد تصرخ مخنوكه متكدر .. تحاول تشوف منو مجرد ملامح بشعه اكبالها😨😱 .. بصوت قوي .
. (((((((اني وراج حته بزواجج مراح اخليج تتهنين ))))
تغمض عينها نور .. تبدي تقره ايه الكرسي بصوت عالي بس تحس حلكها مشلول كوه يتحرك بصعوبه ينلفظ الكلام .. تكمل وتفتح عيونها تلكي هالشي مختفي ..
نور .. ليش ياربي ديصير بيه كل هذا ليش .. ليش من يصير شي حلو ويايه يخرب .. حسيت روحي خلصت منج وبعد مااشوفج ليش رجعتي عليه 😭😭😭
يمر شهر ونور بعد ماشافت شي ماطول هي مبتعده عن سالفه الزواج ومتفكر بيها .. تروح للمدرسه وترجع تقره ومستمره ع نفس الروتين ومن تشوف حوراء بالمدرسه تتهرب منها ..
عمار وضعه ادهور اغلب اوقاته موبالبيت يكضي كله بره ومن يدخل للبيت ضايج ومتعصب لازم محد يحاجي .. ابو عايفه ع راحته بس امه مقرره لازم تسوي شي ومتخلي ابنها بهيج حاله ..
ام عمار ..هذا ابني ليش هيج صاير اخاف هاي ساحرتله وميكدر يباوع ع احد غيرها حته اهله نساهم مسوي بيته فندق اكل وشرب ونوم وين جان قبل ضحكته تارسه البيت.. اوووف كوله من وره ذيج الحيه ماادري شسوت الابني ..( قصدها ع نور )
تروح تحجي ام عمار الجارتها .. وجارتها تنصحها تكشف يم سيد وام عمار ما صدكت الخبر بنفس اليوم اخذت جارتها وراحت ع السيد بس كالت الاي احد من عائلتها وخصوصا ابو عمار لان تدري بي ماعنده يقين بهيج سوالف ..
توصل يم السيد وتكعد تشرحله عن وضع عمار ..
السيد .. ياخذ بإيده احجار ثنين ويغطيهم بفوطه سوده ويكوم يرتل بكلمات ما مفهومه نفس كلمات السحره والمشعوذين اخر شي يكشف الفوطه عنهم ويكول 👇👇
شوفي حجيه ابنج عاشق وحده وهالوحده متبوعه من احد الجان
ام عمار .. شلون سيد متبوعه مادفتهم قصدك ..
السيد .. عدها تابعه حجيه وهالتابعه تاثر ع زواجها واحتمال حته لو ياخذها ابنج ويتزوجون ابنج يتأذه تسويله شي متعوفه لان التابعه متملكتها الهاي الابنيه وصعب تعوفها او تتخلص منها ..
ام عمار .. سيد فدوه والحل شلون اخلي ابني يعوفها وميفكر بيها
سيد .. راح انطيج هذا الحجاب وخلي جوه راسه وابد لتشيلي منه وهاي الورقه تخليها بعصير او حليب وخلي يشربها بس بدون ميعرف ..
( هو يعرف هذا الحجاب راح يدمر عمار بس اتقصد ينطيها هيج حته ترجعله بعدين ويستفاد منها لان هذا شغلهم بالاساس النصب ع الناس )
ترجع ام عمار للبيت وتسوي مثل ما كالها السيد ..
يجي عمارللبيت يدخل غرفته ويبدل ملابسه حته ينام .. يخلي راسه ع المخده .. يحس روحه مختنك وما مرتاح بس يحاول ينام ..
فجأه يصحى ويحس روحه منشل ميكدر يتحرك جسمه جامد بمكانه ايده ميكدر يرفعها ورجليه متتحرك بس عيونه مفتحها ومغوشه بسواد .. يحس اكو شي ضاغط ع صدره حته النفس بصعوبه يتنفسه بس الغرفه ظلمه ميكدر يشوف شنو هذا الكاتم ع صدره يحاول يركز ويباوع تتضح الصوره كدامه كائن يشبه الحيوان دايس ع صدره ويخنكه .عمار يقاوم ويريد يكوم بس ميكدر هذا الكائن ضاغط عليه بقوه ..
#سوسه_الربيعي
