البارت الخامس
بعد ما نور تشوف هالموقف 👇👇👇
نور ... شنو هذا يمكن اني احلم (تغطي راسها وترجع تكشفه تشوف نفس الشي الشافته نفس الشكل والضخامه بس ميكدر يتحرك لان مشنوق ) لاول مره نور تحس بعدم خوف تكوم تقره ايه الكرسي بصوت عالي بعدها تكمل القراءه تباوع تلكي هذا الشي مختفي..
نور ... الحمدلله راح اني شعجب ما خفت ولا اهتميت يجوز هذا الحجاب اللابسته خلاني هيج اصير ..
ام نور ... ها نور كاعده من وكت اليوم
نور .. اي ماما مو نمت البارحه بوقت 😴
ام نور .. يله كومي نحضر الريوك سوه وكعدي ساره اليوم نروح البيت جدج العصر
نور .. اوك ماما
العصر 👇👇
ساره .. ( فاتحه الكنتور وصافنه ) بله اني شنو البس هسه هذا مو قهر ماعندي ملابس😑😑😩
نور .. تره ميت قطعه عندج واحنه رايحين البيت جدو مجرد خطوات ونوصل ليش كاشخه؟؟
ساره .. اني احب اكشخ عيني خمه مثلج اي شي البس😴
ام نور .. يله خلصتن تره مابقه وقت حته نرجع
يوصلون البيت جدهم (اهل الام )
ابو نور مو دائما متواجد بالبيت لان دوامه عسكري.. فأغلب الاوقات وحدهم وام نور متحمله كل المسؤوليه
بيت جدهم متكون من الجد والبيبي وخوال ثنين واحد مزوج وعنده بنات ثنين والثاني بعد عازب..
بيبي .. ها يمه شلونكم اخباركم لعد شبيه نور سمعنه مريضه ساره كايله الهباوي بالمدرسه (هبه تصيربنت خالهم المزوج وساكن وياهم بنفس البيت )
ام نور .. اي والله يمه كامت تبجي وتشوف اشياء بس الحمدلله اليوم احسن
يرجعون للبيت .. بعد العشه👇👇
نور .. (تتفقد الحجاب تلكي ماكو ) ماما وين الحجاب مالتي اكيد يمج ..
ام نور .. لا والله مو يمي انتي ليش ذبيتي دوري اخاف وكع منج
نور .. ماادري بي هسه شفته ماكو دورت بالبيت مالكيته راح اطلع اشوفه اخاف واكع بالحديقه من رجعنه من بيت جدو
نورتطلع ادور بره هدوء وبس صوت السيارت بالشارع تفتح اللايت وتبحث عن الحجاب تشوف نفس الامرأه تتقرب عليها تدفعها بالكاع وتوكع نور تحاول تنطق متكدر تحجي تشوف الحجاب مالتها شايلته الامرأه ومتنطي النور بس مغطيه وجهه بحيث نور ماكدرت تعرف ملامحها .. بهاي الاثناء .. 😱😱😩
ساره ... ماما الباب تندك
ام نور .. لحظه لطلعون خلي نشوف منو يجي بهيج وقت
ام نور تطلع للحديقه حته تفتح الباب تشوف نور بالكاع ومغمى عليها 😑😨
ام نور .. نور شبيج نوررره ليش متحجين
تجي ساره تركض شايله اخوهم الصغير
ساره .. ماما شكو شبيها نور شبيها اختي .😭😭
فجأه يسمعون صوت من الباب شبيكم شصاير يمكم افتحو الباب اني ابو نور ..
ام نور .. الحمدلله ياربي الله جابك (تفتح الباب )
ابو نور .. (يشوف نور) شبيها نور خمه صايرشي
ام نور .. (تكوم تبجي) مااعرف طلعت لكيتها هيج جانت ادور ع الحجاب مالتها
ساره .. بابا عفيه شيلها جوه للبيت 😭😭
ابو نور ياخذ نور الغرفتها ويحاولون يخلوها تصحى
#سوسه_الربيعي
