البارت الرابع عشر
نور .. شنو انتي شدتحجين وعمار منو ؟؟
حوراء .. اكو شخص متابعج صارله فتره وهسه حاب يتقدملج
نور .. متابعني شنو يتقدملي شنو شوفي حبيبتي اخاف عباله اني اتقشمر بسرعه لااا عيني روحي كوليله خلي يشوف غيري احسن
( تجر سميه وتعوف حوراء صافنه حته ما سألتها هي منو ؟؟ وشتصير من عمار )
سميه .. ولج هاي يمكن اخته ملاحظتها قبل فتره جانت تشتري هي وامها من المحل المقابيلنه بس ما جانت اداوم هنا شجابها بالمدرسه يمنه؟؟
نور .. اخته او امه شسويلها المهم تروح تخبره عن الكلته اني وخلي يترزل 🤨
( هي فرحانه بداخلها بس متببن😍)
بعد الدوام .. ترجع نور وسميه سوه للبيت وهم ترجع تشوف عمار واكف ينتظرهم ..
نور .. يمكن لساته ميدري بالرزاله الدزيتها اله خلي يروح للبيت حته يستلمها ( تباوعله بنظره حقد وتمشي )
سميه .. 😂😂
نور .. اسكتي انتي الخ 🤨
(من بعد ما توصل نور للبيت عمار كذلك يروح البيتهم حته يسمع الاخبار من اخته ) اول ميدخل يسلم ع امه وابو ويروح الغرفه اخته
👇👇
عمار .. ( يدك باب غرفتها ) حبيبتي اختي وينج يااحلى اخت بالدنيا
حوراء .. (تفتحله الباب ) اي طبعا عيني ابو مصلحه يوميه روحي جيبي جاي وودي جاي وحضري اكل وين كلامك الحلو هذا
عمار .. ولج دحجيلي شصار وياج مو كلبي عطب
حوراء .. والله يا عيني هالبنيه صعبه مو مثل التعرفهن انت
عمار .. هسه دكوليلها يريد يجي يتقدملج ومن هالسوالف وانتي معليج بالباقي
حوراء .. تره ستوني بديت احجي وياها وهي اكلتني وشربتني شدتكول انت انسى بابا
عمار ( بعصبيه) اكولج دبريها تره الابنيه داخله بعقلي وليش نقلتج من المدرسه اني وجبتج للمدرسه البيها هي غير علمود ادبريلي انتي
حوراء .. اكولك شكالولك عني خطابه اني بعدين عمار هالابنيه امبين عليها تعبانه ع نفسها كول شنو نيتك وياها
عمار .. 😑 مااعرف داخله بعقلي اريدها
حوراء .. بس بعقلك ؟
عمار .. وبك........ ( يريد يكمل كلامه وتالي يسكت ميحب يعترف انو هو يحبها ومتعلق بيها ) .. يله اسكتي وحاولي تحجين وياها وتقنعيها .. خلي نحجي شويه عن عمار 👇👇
عمار شاب طويل واسمر عيونه كبار ملامحه جنوبيه حاده.. خريج كليه قانون وبدون وظيفه عنده محل كماليات بالسوك وماشي حاله متيسره اموره عائلته متكونه من الاب متقاعد والام مديره مدرسه وشخصيتها قويه وحاده وعنده اخ متزوج وطالع بيت وحد واخته حوراء طالبه مدرسه ..
نور تفكر بكلام حوراء وتذكر تصرفات عمار بس متحب تبين وتمنع نفسها تفكر بهاي الامور وتتفرغ فقط للدراسه يصير الليل 👇
نور .. (تسد كتابها بقوه) كافي خلص تعبت هو بقه هالشهرين ونكعد نراجع للامتحانات شدعوه هلكد امتحانات
ساره .. ( تصبغ اظافرها ) لتقرين حبيبتي عادي ولا يمهج
نور.. وشنو هالبرود الانتي بي مو وراج امتحانات متكومين تقرين تراجعين شويه ..
ساره .. اني انطيت عطله النفسي وعود اقره بعدين لان حاليا بس دنراجع وكولهن حفظناهن .. اوي خلي اروح يم بابا اتفرج فلم ولا اكعد يمج دوختيني
نور ..😛😛
( تكول قرايه نور ومتعوده تكوم تحضر ملابسها وجدولها وتنام )
تفتح الكنتور اطلع ملابسها وتسده تروح حته تحضر جدولها وفجأه ترجع بنفس اللحظه تباوع ع الكنتور وتشووووف👇👇
تشوف شي سواد فوك الكنتور تتقرب عليه حته تشوفه زين هالشي يروح يركض يختل وبعد متشوفه .. تروح تريد تخبر ابوها عن الصار بس تتردد متريدهم يقلقون عليها .. تروح تمدد ع جربايتها وتظل تتكلب متكدر تنام اخر شي تنعس وتغمض عيونها وهي مغمضه تشوف منظر امرأة بشعه كولش اسنانها طالعه ليبره وعيونها كبار حمر اثار تجاعيد بكل مكان بوجها . تفز نور من مكانها وتكعد تحس روحها هي ما نايمه يعني الشافته حقيقه!!
تحجي ويه نفسها .. معقوله الشفتها اني هي نفسها التابعه مالتي معقوله هذا شكلها البشع😳 .. تترك الغرفه وتروح يم اهلها ..
ابو نور .. ها بابا كالت ساره راح تنامين ليش كعدتي
نور .. بابا قريت وتعبت وكلت خلي شويه اتفرج وياكم لما انعس
ام نور .. تعالي اكلي فاكهه مفيده الج ..
نور .. اي ماما جيت ( نور تحجي وتسوي نفسها مابيها شي بس هي قلقه تفكر بالشافته ) تحجي بكلبها .. يعني صدوك الكالته الشوافه هاي التابعه مراح تعوفني ويمكن اتاثر ع زواجي وخلفتي .. همزين رفضته العمار جان هسه جبتله مصايب .. شنو عمار 😩 اني شلون حفظت اسمه بهالسرعه وشلون افكر بي هسه رجليه تكوم تحكه .. اوي حكتهم ان شاءالله شسويله اني 😌
عمار .. (كاعد ويه جماعته بره ) .. بغير وادي يفكر بنور يريد شي حته يوصللها ..
سجاد ( صاحب عمار المقرب ) .. شبيك صافن يمعود وصلت لو بعدك ..
عمار .. هاا بشنو وصلت 😨
سجاد .. وصلت للابنيه التريدها ولك هاي اول وحده تعصه عليك هلكد لك انت النجر
عمار .. اوصللها ان شاءالله بس اصبر عليه .. بس المشكله ..
سجاد .شنو مشكلك يابه اخاف كمت تحبها ولك
عمار .. لك لا ياحب يمعود ( كذب هو بداخله يموت عليها بس ميظهرلهم ))
ثاني يوم 👇👇
نور تروح للمدرسه وهناك تشوف حوراء بس تتهرب منها حته بالفرصه تظل كاعده بالصف ومتطلع حته حوراء لتجيها تحاجيها بموضوع عمار.. يخصل الدوام وترجع للبيت هي وسميه بس هالمره عمار ماكو ..
نور .. اشو ماكو هذا اليوم !!
سميه .. منو قصدج عمار؟؟
نور .. هااا اي هو
سميه .. هاااااا لازم حبيتي😍
نور .. شنو حبيتي ولج خلي احب البكالوريا بالاول
.. توصل للبيت نور وتدخل ضايجه وتظل تفكر بعمار وشنو السبب ما جا اليوم وراقب نور وتحجي بداخلها .. هاا اي طبعا عيني لان رزلته كال ها مو من هالنوع وراح يشوف وحده غيري اي طبعا شنتظر منه هذا ابو البنات .. تدخل ساره عليها للغرفه 👇👇
ساره .. هاي شبيج يا ستار تحاجين نفسج
نور .. هيج ماييه شي اكول ضوجه وملل 😩
ساره .. خلي نكول الماما نروح لسوك اليوم محتاجه شغلات ونغير جو هم
نور ..ماادري بكيفج كولي الماما شوفيها شتكول
ساره .. يس تماااااام ( تكمز وتركص ) 💃💃
نور .. انيال حظي عود هاي انتي هم تزوجين وتعقلين وتخلفين هذا يا تعيس حظ
ساره .. سعيد حظ حبيبتي قصدج .. المهم حضري نفسج حته نروح مو تظلين تجرين بنفسج لان من هسه اكولج ماما موافقه ..
نور ..😒
يجي العصر .. وساره ونور يتحضرون حته يرحون لسوك وصدفه ابوهم بالبيت حته يبقه كرار يمه لكونه صغير وميطلع لهيج اماكن ..
عمار .. هاي شلون قهر اليوم عدنه مسواك وكضيت النهار كوله هنا بالمحل حته مارحت شفت نوره اليوم هسه شتكول عليه وشتفكر بيه ؟😑😑
نور وساره وام نور يوصلون لسوك وساره تظل تفتر وتشتري متشبع ابد ونور تبقه صافنه ضايجه .. الى ان تشوف احلى شي يعجبها وتحب تشتري دائما هو .. الشالات ( او ربطات الحجاب )
كولش تحبهم اكثر من الملابس .. يجذب نظرها شال حلو تروح حته تاخذه .. توصل للمحل ..
ساره .. اهووو هم راحت ع الشالات 😌
نور .. هو وين ابو المحل مديشوف عالم تريد تشتري ..
ام نور .. انتظري خلي يجي ماما ليش مستعجله .. فجأة يطلع ابو المحل ..ًتفضلو خاله .. ( تشوفه نور وتكوووول ..عماااااار !!!!😳
#سوسه_الربيعي
