البارت السابع عشر ..
عمار ينشل ع الحركه تماما بس عيونه ترمش بهاي الاثناء تنرسم صوره نور كدامه شي مثل الخيال .. عمار يردد بأسم نور بس صعب عليه تلفظ الكلام حلكه بصعوبه يتحرك ..
حوراء جانت تقره بغرفتها وتحس بعطش تكوم حته تشرب مي غرفتها بصف غرفه عمار وبعدها الصاله والمطبخ وغرفه نوم ابوهم وامهم .. تفوت من يم غرفه عمار تسمع بصوت عمار بس مامفهوم شنو يكول .. تفتح الباب وتدخل ع عمار تشوف جسمه جامد وطابك ايده ع رجليه بوضع مستقيم ويردد باسم نور تجي تتقرب عليه تحاول تكعده ميكعد تشوف حرارته كولش مرتفعه وبده يتعرق .. تركض بسرعه ع امها وابوها وتصيحهم علمود عمار .. .. يرحون كولهم الغرفه عمار ويشوفو بنفس وضعه ..👇👇
ام عمار .. يمه وليدي شبيك سوده عليه ..😭
ابو عمار .. حوراء جيبيلي مي بسرعه ..
( تروح حوراء تجيب مي وتجي تنطي الابوها .. ابو عمار طاخذ المي ويغسل وجه عمار وايده . ويضرب ع وجهه حته يصحى .. كل هذا وهمه ميعرفون شنو ديحجي كلامه ما مفهوم ..) ..
عمار يحس روحه صار احسن ويحس بجسمه ويكوم يكدر يتحرك ويختفي الشي الجان كاتم عليه اخر شي يفز من مكانه ..
عمار .. ( بفزع ) . نوووووور 😨
ام عمار .. يمه حبيبي وليدي شصار وياك ليش هيج جنت ترجف ومتكدر تتحرك ..
ابو عمار .. ابني احنه يمك ومنعوفك وشتريد احنه وياك بس لتخلي بالي يمك اترجاك ..
عمار .. لا يابه مابيه شي هيج مجرد حلم .. وهسه راح انام طبيعي مابيه شي لتخافون ارجعو انتو الغرفكم .. روحو نامو يمه ..
يطمنون عليه ويتركو بالغرفه ويطلعون..
ام عمار .. كوله من وره هاي المسمومه شفتي شسوت بأخوج من يكول ما سحرتله وخلته بهالوضع ..
حوراء .. ماما لتظلمين الابنيه تره كولش فقيره وحبابه ..
ام عمار .. شمدريج انتي يالغشيمه انتي ع نيتج متعرفين بالعالم .. امشي نامي يلا ..🤨
عمار يبقه وحده بغرفته يفكر بالصار وليش شاف نور بنفس اللحظه .
عمار .. اني ليش شفت نور ؟؟ معقوله الها علاقه بالشي الصار ويايه ؟؟ لا مستحيل نور ما عدها هيج سوالف.
ثاني يوم بالمدرسه .. 👇👇
نور عدها امتحانات اختباريه يحضروها الهم المدرسين حته يجهزوهم للامتحانات البكالوريا تقريبا تصير نفس النمط والاسلوب ومأخوذه من مجموعه اسئله عامه من السنين السابقه ..😌
تطلع نور من الامتحان منهاره ماعرفت تجاوب تركت الدفتر فارغ ضغط عليها كولش كبير منا المشاكل الزيصير وياها ومنا دراستها تكعد وحدها بالساحه وتظل تبجي 😭😭..
صدفه تطلع حوراء تشوفها النور تروح يمها تصير قريبه عليها..
حوراء .. شبيج نور محتاجه مساعده ؟؟
نور( ترفع راسها تلكي حوراء اكبالها تمسح دموعها بسرعه )
.. لا مابيه شي مجرد دخت وراسي كام يوجعني ..
حوراء .. ماشي ع راحتج اني راح اروح لصف..
نور ..( بأرتباك) .. لحظه حوراء !!
حوراء ترجع يمها .. كولي؟؟
نور .. شلونه عمار ..😌
حوراء .. (تضحك وتفرح بداخلها لان تتمنى ينجمعون سوه )
.. الحمدلله زين .. تعوفها وتروح ..
يخلص الدوام ونور ترجع البيتهم ..
حوراء اول متوصل البيت تركض تروح الغرفه عمار تلكي بعده نايم تحاول تحصي ..
حوراء .. عماااااار يا عمااار عموري لو تشوف منو سأل عليك اليوم ولك اكعد .. نوووووور سألت عليك اكعد ..😂😍🥰
