البارت الثاني عشر
تمشي حياتهم طبيعيه ببيتهم الجديد تمر سنه ع سكنهم بي نور مرات تحس بنفس الاشياء الجانت تشوفها قبل بس تحاول تتخطاها و ماصارتلهم اي مشاكل .. بيوم من الايام ..نور تروح للمدرسه تصير نور بالخامس اعدادي و ساره تصير بالاول متوسط ساره تروح ويه صديقاتها القريبات عنها ونور مازالت تروح ويه صديقتها المقربه سميه .. بيوم 😑
ترجع نور هي وصديقتها سميه من المدرسه كان دنيا ظهر والشارع فارغ سميه توصل البيتهم ..
سميه .. يله نور اني وصلت راح اروح شوفي اقري زين باجر عدنه امتحان رياضيات وصعب هالفصل هوايه تعبنه بي شرح وقرايه اوف شوكت نخلص ..
نور .. اي ادري والله راح اقره عوذه شكد اكره الرياضيات هسه شكد حلوه الاحياء كولش سهله وتنفهم مو مثل هذا بس ارقام 😒
سميه .. ديله باي باجر انتظرج هنا اذا اتاخرتي اعوفج واروح
نور .. ماشي ماشي افتهمت ..😩
نور توصل الفرع مال بيتهم الدنيا حاره وشمس .. تحس واحد يمشي وراها تكوم تخاف ..
نور .. هاي شنو اني ليش اخاف اكيد اكو احد رجع من دوامه يمشي ورايه وديروح البيته طبيعي بابا خليج قويه ( تصبر نفسها )😩 .. تزيد سرعتها تحسه قريب عنها .. راح ياخذها .. راح يكدر يلزمها .. راح يأذيها .. تقرب منها كولش توصل هي للباب ادك الباب بقوه .. ماما ماما افتحي .. واكفه تنتظر احد يفتح الباب مرعوبه خوف ومااندارت وراها ابد .. اقترب اكثر .. حست بي كولش قويب دكت الباب بقوه فجأه فتحت امها الباب تركض نور تدخل للبيت واسد الباب وراها ..😨😱
ام نور .. ها نور شبيج ماما ليش هيج لونج مخطوف وترجفين
نور .. ماااعرف حسيت اكو احد ورايه يركض فدشي قريب عليه
ام نور .. اسكتي ماما احنه مو كلنه ننسى كولشي وانتقلنه بهذا البيت وحسينه براحه لتخلين هالاشياء ابالج شوفي ديربالج تحجين الاختج لان تكوم تخاف وانتي تعرفين شصار بينه بذاك البيت 😭
نور .. ماشي ماما مااحجي شي 😑
ام نور .. يله ماما دخلي للبيت وغسلي وجهج وبدلي هسه احضرلكم الغده اختج اجتي قبلج وكوكو نايم خلي نتغده قبل ميكعد
نور .. اي ماما رايحه
( يتغدون ووراها تجي قيلوله نومه الظهراهم شي هاي النور حته تصحصح )
ساره .. ماما ضايجين خلي نروح البيت جدو شويه نغير جو .
ام نور .. والله بكيفكم بس صارو بعيدين علينه شلون راح نمشي وابوج ماكو بالدوام ..
ساره .. اي علوا اني احب امشي يله كومي ماما 😃
نور .. شنو بله شنو تروحون تره عندي امتحان رياضيات شوكت اقره بله..
ساره .. ابقي انتي هنا واحنه نروح 💃
نور .. بس اني اخاف ابقه وحدي 😨
ام نور .. ماما شكو عليج لتخافين انتي اقري واحنه نجي من وكت
تدرين باختج خطيه حالتها النفسيه تعبانه وشويه تغير جو حته ابوج وصاني علمودها ..
نور .. اوك ماما روحو اني ابقه هنا ..
(يرحون البيت جدهم ونوره تبقه وحدها تفتح كتبها وتبدي تقره)
تسمع باب بيتهم تندك تخاف تروح تفتحها .. يلحون اكثر بالدك
نور .. يبووو هسه منو جا واني وحدي شلون حظ عليه 😩
( تروح نور حته تفتح الباب تصيح منو ...؟؟؟)
تسمع صوت شخص يجاوبها .... انيييي ( صوت ضعيف اول مره تسمعه )) تفتح الباب ..👇👇
اول مافتحت الباب نور تشوف امرأه عجوز لابسه شيله ونص شعرها طالع ابيض من الشيب عيونها كوه تشوف بيهن ولازمه عصى او عكازه ..؟؟😨
نور .. تفضلي خاله المن رايده ..
الامرأة العجوز .. انتو بيت ام ماجد ؟؟
نور .. لا حجيه انتي متوهمه هذا مو بيتهم
الامرأة العجوز .. والله يابنيتي جيت من درب بعيد ادور وتالي تيهت واني عجوز مابيه حيل تشوفين وضعي يمه ما تكدرين تجيبيلي مي اشرب بعد خالتج ميته عطش هدني التعب ..
نور (تخاف منها ويلعب كلبها لان نظراتها مو طبيعيه )
نور .. اي خاله لحظه بس اروح اصيح اهلي واجيج
(تسد الباب نور بسرعه وتقفلها وتروح جوه للبيت بالاستقبال تباوع من الشباك عليها تشوف خيال (ظل ) رجلها من جوه الباب تشوفها بعدها واكفه تظل تنتظر بلكت تروح ..😨😭😱
تمر ربع ساعه ترجع ونور تراقب اخر شي تروح المريه نور شويه ترتاح وتاخذ نفس ..
نور .. هسه شلون راح اكمل قرايه والبيت هنا ياكلني اكل عبالي اطلع بره بالحديقه بس اخاف 😨😭
وره ساعه او اقل تندك الباب ..
نور .. عزه اخاف رجعت هاي العجوز ..( تندك الباب حيل وتسمع صوت .. نور افتحي الباب ليش قافلتها ) ... اي هاي ماما الف الحمدلله ياربي .. هي عدها المفتاح 😌 بس اني قافله الباب من وره هاي العجوز ونسيت افتحها بعد 😳
تفتح الباب نور ويدخلون اهلها ..
ام نور .. نور ليش قافله الباب من جوه مو تعرفين عندي المفتاح وكتلج من اجي افتحها ..
نور .. ماما مو متعرفين شصار بيه وانتو ماكو ( تحجيلهم عن الصار )
ام نور .. كم مره كايلتلكم من اطلع ممنوع احد يفتح الباب ورايه انتن فديوم تموتني 😑😑
نور ..😩😑
ساره .. وانتي شبسرعه ركضتي ع الباب وفتحتيها بله لو حراميه وخاطفتج جان شسوينه 🧐
نور .. 😴😌
ساره .. اشو سكتي هسه وين صار السانج شطوله 🤨
ام نور .. اسكتن خلي اروح اسوي عشه وجيبن كرار ليبقه وحده بره ..
بعد العشه تمر الامور طبيعيه الثاني يوم نور نفس السي دوام مدرسه ونور تجاوب بالامتحان وتطلع فرحانه ترجع للبيت و يحضر ابوهم من الدوام الكل تتلكا واترحب بي عدهم يوم مميز من يشوفون ابوهم بالبيت كولش يفرحون وهو محسسهم اصدقاء مو معامله اب وبناته يسولف وياهم ويلعب ويه اخوهم الصغير ويطلعهم يغيرون جو 🥰🥰 ... ثاني يوم بالليل خال نور جا يتعلل يمهم والكل كاعد سوه ومرتاحين ..
ام نور .. يله جبتلكم حب خلي نكرز شويه ونتفرج ع التلفزيون
نور .. بابا هذا اكيد راح يبدي فلم رعب
ابو نور .. لا بابا هذا فلم سيد الخواتم الحجيتلج عنه تذكرين من شفنه اني وياج الجزء الاول وهذا الجزء الثاني طلع
نور .. صدوك بابا 😀😃 ( نور تعشق افلام الرعب بالرغم حياتها هي صايره مجموعه افلام رعب بمختلف اجزاءها 😂)
ساره تلعب ويه كرار وخال نور يتفرج وياهم 🙂 .. فجأه 👇👇
يسمعون صوت بابهم تندك وتقريبا الساعه ب11 بالليل 😨
نور .. هاي منو يجي هسه بهالوقت .
ابو نور .. يروح يريد يفتح الباب بس ام نور تمنعه .
ام نور .. يمعود ابو نور شدسوي احنه شمدرينه منو بالباب يجوز يطلع حرامي وانتي تدري بالظروف شلونها .
خال نور .. اصبرو خلي نفتح الشباك ونباوع نشوف منو اذا شخص نعرفه عود نفتحله الباب
( يرحون كولهم يلتمون يم الشباك حته يشوفون منو .. يشوفون راس امرأة انرفع من فوك الباب ويباوع عليهم ...😨 كولهم يجفلون ويرجعون ليوره .. الشافو هو 👇👇
امرأه كبيره بالسن تقريبا نفس الجتي ع نور قبل بيوم العصر ولابسه شيله او فوطه بيضه ( ملامحها تشبه بيبي ام بابا ) 😱..
ابو نور .. خلي اروح افتح الباب هاي يمكن امي ...
يروح يوصل يم الباب وام نور وخال نور يلحكو وساره ونور يبقون واكفين بالاستقبال ..
ام نور .. اوكف ابو نور منو يكول هاي امك خلي نفتهم امك شيجيبها بهالليل هذا وطريقها بعيد
خال نور .. انتي منو وشتريدين
( ترفع راسها من فوك الباب ... بصوت مخنووووووك ... 👇👇ارييييييد مي انطووووووني مي ..
ام نور .. شفت ابو نور سمعتها هاي مو امك امشي جوه وخلي نقفل الباب علينه ونستر ع جهالنه ..
يرحون جوه داخل البيت والامرأه تظل تتلفت تباوع واخر شي تختفي .. ثاني يوم ابو نوريطلع يسأل الجيران علمود هاي السالفه
وتتضح السالفه انو اكو مجموعه عصابه شباب ونسوان يجون يدكون بيوت العالم بحجه المساعده واخر شي يدخلون للبيت ويسرقون ويقتلون الساكنين بي 😱😨
#سوسه_الربيعي
""" تدرون اني ودااكتب مقطع الشباك ونور تباوع منه زوجي حاجاني علمود شباك الغرفه طلع مفتوح 😨 """ صدفه لو شنو ؟ هاي ثالث مره تصير مره اصوات بالغرفه يمي وهالمره هيج الله يستر لما تكمل هالقصه 😂😂
