البارت الرابع
نور تدخل عليهم تبجي
ابو نور .. شبيج بابا حبيبتي ليش تبجين
ام نور ... (تجي ع صوتهم كانت تنوم اخوهم الصغير) شبيج نور ليش تبجين شنو الصار
ساره .. صافنه ع اختها مستغربه اول مره تشوفها بهيج حاله
نور .. (تبجي وتحجي) تحجيلهم بالتفصيل عن الصار بالغرفه
ابو نور .. ام نور باجر لازم نودي نورع شيخ يشوف قصتها شنو
ام نور .. ان شاءالله عيني اوديها ولا تظل هيج
يصير ثاني يوم .. العصر
ابو نور .. يلا بابا جاهزه حته نروح
نور .. اي بابا ماعندي شي جاهزه
ابو نور .. البسي عبايه اسلاميه فوك هذا لبسج بنتي ميصير نروح بهذا الشكل لان هو رجل دين ميرضهً بهذا اللبس
نور ..تروح للكنتور اطلع عبايتها وتلبسها وتروح لسياره
تمشي السياره الطريق كولش طويل يكون ويدل على قريه
يوصلون بيت الشيخ البيت عالي وكبير ومرتب والحديقه حلوه ومليانه ورد وبي غرف وحده مقابيل الثانيه الغرفه الاولى للنساء والثانيه لرجال
ابو نور .. ادخلو ام نور هنا واحنه راح نروح للغرفه الثانيه
نور ... (تشوف نسوان هوايه كاعدات بالغرفه وكل وحده همها شكل وسالفتها تختلف) هاي ليش النسوان هيج لابسات اسود
ام نور .. همه طبعهم هيج هنا يحبون السواد
تدخل عليهم مره وشايله صينه بيها عصير وتوزع لنسوان بعدين يعرفون هي زوجه الشيخ
اكو رجال يدخل عليهم ضخم وطويل واسمر نص شعره شيب
اكو ميز راح كعد عليه واخذ مجموعه اوراق والنسوان تروح يمه ويكتب وينطي الهن حجاب او حرز هيج شي
وره فتره تروح النسوان ويبقون بس نور وام نور تدخل عليهم زوجه الشيخ
زوجه الشيخ .. عيني انتي ام نور مو
ام نور .. اي عيني
زوجه الشيخ .. ينتظركم الشيخ بالغرفه الثانيه
يرحون للغرفه يلكون الشيخ وابو نور كاعدين وتقريبا ابو نور حجه لشيخ عن الصار ويه نور (الشيخ نفسه الرجال الشافته نور يكتب لسنوان بالغرفه الثانيه)
الشيخ .. بنتي انتي عندج تابعه واكو عمل قديم الج وخصوصا علمود دراستج راح اسويلج حجاب تلبسي وخلي ميضيع منج ابد
نور .. عمو شنو تابعه وليش يسويلي عمل شنو مسويه اني
ابو نور .. التابعه هي القرين وكل انسان عنده قرينه اكو الزين واكو الموزين والانسان يتغلب عليه بالايمان..
يرجعون للبيت يصير الليل يتعشون ويجي وقت النوم
نور .. راح اروح انام تعبانه ونعسانه
ام نور .. لبستي الحجاب الكتبه الج الشيخ
نور ... اي ماما لابسته
تنام نور ومتشوف اي شي تنام نوم عميق ومرتاحه
الصبح ..
حست نور تقريبا الساعه ب8 كان يوم عطله ..
نور ... اني ليش كعدت بهيج وقت هاي لو مدرسه جان شكعدني
تباوع ساره نايمه والبيت هدوء بعدهم الكل نايم تباوع اكو زاويه باخر الغرفه (علاقه الملابس) تشوف اكو عبايه عليها معلقه تظل تباوع تشوف شي ضخم كبير جسمه اخضر عنده اذان كبيره وخشم ولابس عبايه سوده بس هذا الشي مشنوق ميكدر يتحرك شانق روحه بالزاويه ؟؟!!!!!
#سوسهء_الربيعي
