البارت الخامس عشر
نور تشوف عمار كدامها وترتبك ومتعرف تحجي بعد ..
عمار ..( فرحه ع لهفه وحب ميعرف يوصف شعوره ) .. تفضلو خاله المحل محلكم
ام نور .. يله نور مو ردتي شال اخذي التردي
نور .( بارتباك) .. اي ماما ياهو احلى هذا لو هذا .. تاشر عليهم وايدها ترجف من الخجل🥰
عمار .. اخذو راحتكم خاله المحل كوله كدامكم عندي بعد ملابس بداخل المحل اتفضلو اتفرجو عليهم 😃
نور .. لا اني اختاريت هذا يله ماما نروح
ساره .. انتظري ماما خلي نشوف شنو الملابس العدهم بلكت شي يعجبني ( تروح ساره تدخل للمحل)
ام نور .. تعالي نور شوفي اذا اكو شي يعجبج
( عمار يروح يجيب كرسي حته ام نور تكعد )
عمار .. خاله اتفضلي استراحي
ام نور .. تكعد ع الكرسي .. اي والله يا خاله تعبني هالبنات ..
عمار ( يباوع ع نور ) .. تعبهن راحه خاله ..😍
نور .. يله ماما خلي نروح ماظل وكت😒
عمار .. خاله شوفي الملابس اليوم جان عدنه مسواك وكضيت النهار كوله هنا حته ماطلعت ( يباوع ع نور)😩
نور افتهمت هو كان مشغول اليوم وماكدر يجي يشوفها ..
ام نور .. اي خاله الله يزيدكم ..
نور تروح ع ساره وتجرها ..👇👇
نور .. يله ساره فضيها عاد اريد اروح تره
ساره .. هاي شبيج خلي اختار براحتي
اكولج هذا شبي يباوعلج تره لاحظت لا عبالج غشيمه اني 🤨
نور.. بعدين اكولج بس خلي نروح هسه
😩
واخيرا ساره تكمل اختيارها للملابس وتصيح امها حته تتحاسب ويه عمار الي هو صاحب المحل
عمار .. خاله خليهن علينه وادللو هذا محلكم شوكت ميعجبكم تعالو ..
ام نور .. الله يرزقكم خاله ..
عمار .. ( يباوع ع نور ) .. خاله احنه عدنه بيج بالفيس اذا تحبون اتابعون من خلاله حته تشوفون البضاعه من توصل😌
نور .. يله ماما خلي نروح🤨
ساره .. 🤣😂
ام نور .. لا خاله ميحتاج تسلم والله يرزقك ان شاءالله
( يطلعون من المحل .. عمار يكعد ع الكرسي ويخلي ايده جوه راسه ويفكر ..
عمار .. اوف شلون احلها وياها شلون تالي وياج نووووووور
ترجع نور للبيت وتحجي الاختها عن عمار الخبصتها بي وزرفت دماغها حته تعرف السالفه شنو ..
ساره .. ولج كل هذا صاير واني ماادري
نور .. اي مو حجيتلج اسكتي بس نصي صوتج لا احد يسمع 😨😨
عمار يعزل المحل مالته ويرجع للبيت اول ميدخل البيتهم يصيح ع امه ..
عمار .. يمه يمه وينج
ام عمار .. اني وحوراء هنا يمه بالمطبخ تعال ..
عمار .. يمه اريدج تخطبيلي
ام عمار .. شنو شبيك يمه بسم الله 😳
حوراء .. تظل تضحك تعرف باخوها المن يريد تعرف نور اخذت كلبه وعقله بس ماجان يبين الها ..
عمار .. اي يمه مثل ما سمعتي وحضري نفسج باجر تروحين تخطبيلي 🥰
ام عمار تعوف الطبخ وتروح ع ابو عمار كاعد بالصاله
ام عمار .. اسمع عيني ابنك يريد يتزوج
ابو عمار .. اي يا الله ادلل وليدي ( ابو عمار كولش متفهم وسبورتي روحه حلوه والكل تحبه وتحترمه ..)
عمار .. يابه اني لكيت الابنيه الزينه التكدر تلمني وتستر عليه ومتخليني اروح لسوالف البنات بعد ابطل يابه وداعتك بس اخطبلياها 😃
ابو عمار .. ولك انت اللوتي منو هاي الوكعتك يا حسافه
ام عمار .. لا هاهيه اتفقتو وراح تخطبون ماشاءالله لازم اعرف اصلها وفصلها يله اوافق..
(يحجي عمار عن نور ووين شافها وع بيتهم وشغل ابوها ومدرستها عن كل التفاصيل )
لان يدري بامه اظل ادقق المهم اخر شي اقتنعت ام عمار حته تروح تخطب نور.. وبيوم عطله الجمعه ..
والكل كاعدين العصر بالحديقه يسولفون وكوكو يلعب وابو نور وام نور يكرزن حب اجواء حلوه عائليه 🥰
فجأه تندك الباب ..
ابو نور . ادخلو جوه وافتحو بابا الاستقبال اخاف احد غريب
نور وساره يروحن داخل البيت وام نور تبقه ويه ابو نور تشوف منو اجاهم .. يفتحون الباب تطلعلهم ام عمار بس طبعا همه ميعرفوها ..
ام عمار .. مرحبا عيني بيت ابو نور مو
ابو نور .. اي اهلا وسهلا اتفضلي
ام عمار .. والله رايده ام نور بشغله اذا مو زحمه عليكم
ام نور .. لا عيني كول الهلا بيج اتفضلي
( يدخلون ام عمار بالاستقبال ونور وساره جوه بغرفتهم كاتلهم الفضول يعرفون منو جا ) .. ابو نور يفرغلهم المكان ويروح بره بالحديقه يكعد ..
ام عمار .. عيني اعرفج بنفسي اني مديره مدرسه الكفاح الابتدائيه بحي العصري ..
ام نور .. اي يا هلا بيج خير عيني كولي
( تفاتح ام نور بالموضوع وتحجيلها عن عمار ومؤهلاته شغله ودراسته وعن كولشي .. طبعا عمار وصل امه وينتظر بره بالسياره كاعد ع نار ))
ام نور .. والله عيني مااعرف شنو اكولج اسأل ابوها واردلج الخبر
ام عمار .. اي احنه بيها هسه نصيح ابوها ونكوله ،،..
ساره ونور جني لصاله حته يسمعن شديصير .. من عرفت نور هاي ام عمار وجتي حته تخطبها كولش فرحت بداخلها لان عمار ثبتلها حبه وكلامه طلع صحيح .. 🥰😍
ام نور.. لا خليني اني افاتحه بالموضوع هاي الامور مابيها استعجال عيني ام عمار ..
ام عمار.. زين هي وينها خلي اشوفها ع الاقل .
ام نور تترخص من ام عمار وتروح ع نور وساره بالغرفه تلكيهن واكفات بالصاله 😂😂 تصيلهم بهدوء ويدخلن بالغرفه ويسدن الباب ..
ام نور .. شوفي نوره منين تعرفين هالولد تره اذا عرف ابوج يذبحج
نور .. والله ماما مااعرفه مجرد اشوفه ورايه من ارجع من المدرسه وسميه كالت جيرانهم .. ومره اخته جتي كالت يريد يتقدملج واني رزلتها ماانطيتها مجال ..
ام نور .. كومي البسي الجبه مالتج وتعال خلي المره تشوفج بس تسلمين وترجعين زين؟
نور .. اي ماما 😌😨
( تدخل نور ع ام عمار تكوم ام عمار تبوسها ))
ام عمار .. يمه صلوات على محمد شنو هالجمال حقه ابني متخبل عليج ..
#سوسه_الربيعي
